Svölustu rokkstjörnurnar

  Að undanförnu hefur breska poppblaðið New Musical Express staðið fyrir könnun meðal lesenda sinna um það hver sé svalasta poppstjarna rokksögunnar.  Könnunni er ekki endanlega lokið en niðurstaðan liggur fyrir í grófum dráttum.  Hugsanlega eiga eftir að verða einhver sætaskipti á neðstu sætunum án þess að riðla listanum sem neinu nemur.  

  Þannig er staðið að könnuninni að þátttakendur gefa poppstjörnunum einkunn frá 0 - 10 eftir því hvað þær eru svalar (cool).  Þátttakendum er frjálst að gefa einni eða fjöldamörgum poppstjörnum einkunn.  Meðaleinkunnin er fyrir aftan nafn viðkomandi.  Gaman væri að heyra viðhorf ykkar til niðurstöðunnar:

1.   John Lennon 7,47

2.   Jimi Hendrix  7,32

3.  David Bowie  6,94

4.   Bob Dylan  6,91

5.   Kurt Cobain (Nirvana)  6,67

6.   Keith Richards (The Rolling Stones)  6,47

7.   Joe Strummer (The Clash)  6,37

8.   Robert Smith  (The Cure)  6,36

9.   Jim Morrison (The Doors)  6,31

10. Debbie Harry (Blondie)  6,30

11. Keith Moon (The Who)  6,22

12. Elvis Presley  6,08

13. Jimmy Page (Led Zeppelin)  5,99

14. James Brown  5,98

15. Johnny Marr (The Smiths)  5,95

16. Paul McCartney  5,90

17. Morrissey 5,89

18. Iggy Pop  5,88

19. Julian Casablancas (The Strokes)  5,77

20. Lou Reed  5,75

  Það er athyglisvert að Debbie Harry sé eina konan á Topp 20 listanum.  Patti Smith og Courtney Love eru þó ekki langt undan.  Þær eru "bubbling under" eins og það er kallað. 

Athugasemdir

[Blaðurskjóðan (IP-tala skráð) 24.11.2008 kl. 23:34]

en hvar er Megas

[Guðmundur K (IP-tala skráð) 24.11.2008 kl. 23:48]

1. Hendrix

2. Lennon

3. Iggy

[Jens Guð, 24.11.2008 kl. 23:50]

  Blaðurskjóðan,  Bretar eiga eftir að uppgötva Megas.  Mark E. Smith í The Fall uppgötvaði hann þó fyrir mörgum árum og söng um hann inn á plötu.

[Magnús Geir Guðmundsson, 24.11.2008 kl. 23:54]

Hm Jens, nú er munurinn aðeins 0,15 á milli JL og JH, hví skildi það ekki geta breyst um þann sem hreppir "hnossið"!? En skiptir nú litlu finnst mér, tveir jöfrar sem núna sitja áreiðanlega saman einvhers staðar (kannski bara í Valhöll?) og kyrja EILÍFÐARBLÚSINN!?

[Jens Guð, 24.11.2008 kl. 23:59]

  Guðmundur K,  listinn þinn er flottur.  Að óreyndu hélt ég Hendrix yrði í toppsætinu.  Eftir á að hyggja er þó hægt að taka með í dæmið að það eru Bretar sem velja á listann (má ætla vegna þess að NME er breskt blað).  Að vísu bjó bandaríski Hendrix í Bretlandi og gerði út þaðan þegar hann sló í gegn.

  Iggy hefur alltaf verið svalur.

[Guðmundur A. (IP-tala skráð) 25.11.2008 kl. 00:05]

Það verður nú ekki annað sagt um að þarna séu töffarar - og um leið samsafn af frábærum tónlistarmönnum.

[Þorsteinn Briem, 25.11.2008 kl. 00:13]

He was bloody cool,
and born in Liverpool,
better than Bono,
married to Ono,
who is a Japanese fool.

[Þór (IP-tala skráð) 25.11.2008 kl. 00:30]

  Lennon er töffarinn.

[Jens Guð, 25.11.2008 kl. 00:36]

  Maggi,  eftir því sem atkvæðum hefur fjölgað hefur bilið á milli Lennons og Hendrix breikkað.  Vissulega er munurinn ekki mikill.  Ég er mikill Hendrix aðdáandi og væri alsáttur við að hann væri í toppsætinu.  En Lennon er Lennon og Lennon var í Bítlunum.  Annar bítill,  Paul McCartney,  er líka á Topp 20 listanum.  Það kæmi meira á óvart ef þeir Lennon og McCartney væru ekki þetta ofarlega á listanum.

[Jens Guð, 25.11.2008 kl. 00:42]

  Guðmundur,  ég er ekki ósáttur við listann í megin dráttum. Ég er samt pínulítið hissa á að Gallagher bræður skuli ekki ná inn á listann.  Að vísu eru þeir rétt undir Topp 20,  eða eins og Bretar segja:  Bubbling under.

  Steini,  enn og aftur verður mér á að skella upp úr við lestur limru frá þér.  Ég vona samt að Yoko sé ekki að lesa þetta.

  Þór,  Lennon var mikill töffari.  Einkum á ferli Bítlanna og á fyrstu árum sólóferilsins.  Síðan hallaði undan fæti.

[Jóna Kolbrún Garðarsdóttir, 25.11.2008 kl. 03:32]

Ég er nú smá hissa að sjá ekki Ozzy Osbourne, Tinu Turner og fleiri góða á listanum. 

[Jens Guð, 25.11.2008 kl. 13:21]

  Jóna,  Ozzy er einn af þeim sem kraumar undir Topp 20.  Ég held að Tína hafi ekki komist á blað.

[Reynir (IP-tala skráð) 25.11.2008 kl. 13:57]

Ég myndi setja Morrissey í efsta sætið. Hann er fáránlega svalur.

[Hörður Halldórsson (IP-tala skráð) 25.11.2008 kl. 14:17]

1. Barry MMManilov
2.     Cliff Richards
3. Danny Osmonds 
4.  ?
5. ?

[spk (IP-tala skráð) 25.11.2008 kl. 16:55]

Jimmy Page hefði átt að vera svo miklu ofar...

[Siggi Lee Lewis, 25.11.2008 kl. 18:02]

Hehehe þetta er nú einn kjánalegasti listi sem ég hef séð. Er svona svakalega svalt að "vera frægari en Jesú?" Sérstaklega þegar maður segir það sjálfur.

[Guðmundur K (IP-tala skráð) 25.11.2008 kl. 20:52]

Sæll Jens.

Ozzy og Paul og Tina hafa lifað svo lengi að kúlið hefur runnið af þeim. (Ekki ólíkt Dabba Odds). Þeir eru kúlaðastir sem deyja ungir !!!

[Atli Hergeirsson (IP-tala skráð) 26.11.2008 kl. 21:37]

Það vantar Gene Simmons á þennan lista.

[Þór (IP-tala skráð) 27.11.2008 kl. 01:27]

  Gene Simmons er hallærislegasti rokkari "ever".  Það er akkurat ekkert "kúl" við ömulegustu rokkhljómsveit sögunnar,  Kiss.  Fávitaleg hljómsveit í alla staði sem getur ekki höfðað til fólks með þroska yfir 12 ára.