Jólabækurnar í ár

  Jólabækurnar eru farnar að streyma í hús sem aldrei fyrr.  Einhverra hluta vegna eru allar nýju bækurnar sem ég les þessa dagana frásagnir af daglegu lífi fólks eða ævisögur af einhverju tagi.  Það er hið besta mál.  Þetta eru eftirfarandi bækur:

Ég hef nú sjaldan verið algild - Ævisaga Önnu á Hesteyri.  Skráð af Rannveigu Þórhallsdóttur.  http://www.jensgud.blog.is/blog/jensgud/entry/712385/

Sá einhverfi og við hin.  Skráð af Jónu Á.  Gísladóttur,  www.jonaa.blog.is.

Tabú - Ævisaga Harðar Torfa.  Skráð af Ævari Erni Jósepssyni.  http://www.jensgud.blog.is/blog/jensgud/entry/729597/

Gullstokkur gamlingjans.  Æskuminningar Vilhjálms Hjálmarssonar á Brekku.  http://www.jensgud.blog.is/blog/jensgud/entry/713864/

Töfrum líkast - Saga Baldurs Brjánssonar töframanns.  Skráð af Gunnari Kr.  Sigurjónssyni.

Eric Clapton - Sjálfsævisaga. 

  Þessum bókum mun ég öllum gera ítarleg skil á næstu dögum.  Ég er aðeins kominn með eina splunkunýja plötu í hús.  Það er  Spegill sálarinnar  með  Herberti Guðmundssyni.  Ég er að hlusta á hana á fullu og skrifa fljótlega umsögn.

Athugasemdir

[Rannveig H, 1.12.2008 kl. 22:41]

Ég er búin með þrjár fyrstu sem þú nefnir,þær eru hver annarri betri.

[arnar valgeirsson, 1.12.2008 kl. 22:41]

djöfull ertu duglegur. ég er bara búinn með þrjár en tek eina í kvöld. bókina hans barkar gunnars nató foringja....

líst alveg ljómandi vel á þessar bækur og langar að lesa þær allar. baldur er í ættinni og skyldulesning.  vilhjálmur skrifar ótrúlega skemmtilega og nánast skyldulesning. þekki nokkra sem hafa dvalið hjá önnu og hún er one of a kind. jóna skrifar skemmtilega og þú varst hrifinn af herði....... eða kannski bókinni:)

clapton er bara gutlari en kannski einhverjar safaríkar sögur.

en ég ætla að vinda mér  fljótlega í tvær plötur sem voru í afmælispökkum sonar, ac/dc og guns´n roses. ekkert væl.

[Jens Guð, 1.12.2008 kl. 23:24]

  Rannveig,  ansi ertu komin með góðan bókapakka.

  Arnar,  þetta er töluverður pakki fyrir mig að lesa.  Venjulega glugga ég í svona bókum fram og til baka áður en ég les þær frá A - Ö.  Síðan les ég þær tvisvar.  Eftir það held ég áfram að glugga í þær og rifja upp skemmtilegustu kaflana.

  Ég get upplýst það strax að bók Claptons er sú eina af þessum sex bókum sem hefði þurft að ritskoða rækilega með niðurskurð í huga.  Hún er dáldið endurtekningasöm.

  Ég vonast til að fleiri splunkunýjar plötur skili sér í hús til mín fyrir jól.    

[Steingrímur Helgason, 2.12.2008 kl. 00:10]

Mjófirðíngum líkt að stofna til innbyrðis samkeppni í jólabókaflóðinu !

[Jens Guð, 2.12.2008 kl. 03:34]

  Steingrímur,  Mjófirðingar þola léttilega samkeppni við hvern sem er.  Líka hvern annan.