Húrra! Nú ætti að vera ball!

  Við þennan frábæra útlistann Hannesar Hólmsteins Gissurarsonar á frjálshyggjuuppskrift Sjálfstæðis-FL-okksins sem nú hefur kollsteypt íslensku þjóðfélagi er engu við að bæta.  Nema kannski mútugreiðslunum frá FL-Group og Landsbankanum.  Eins og segir í gömlum slagara:  "Húrra,  nú ætti að vera ball!"  Takið eftir því að trúboðinn virkilega trúir því sem hann er að segja.

  Merki ránfuglsins er útfært að Guðsteini Hauki Barkarsyni.

Athugasemdir

[Númi (IP-tala skráð) 16.4.2009 kl. 23:50]

Alltaf gaman að þér þegar þú virkar pólítískur,já þessi postuli Davíðs er aumkunarverður.

[Lára Hanna Einarsdóttir, 16.4.2009 kl. 23:55]

Ég meðhöndlaði þetta viðtal örlítið um daginn - sjá hér.

[Jens Guð, 17.4.2009 kl. 00:11]

  Númi,  ég er alltaf mjög pólitískur.  Ekki síst nú þegar flokkurinn minn,  Frjálslyndi flokkurinn,  á í vök að verjast.

[Jens Guð, 17.4.2009 kl. 00:15]

  Lára mín,  ég fylgist daglega með blogginu þínu og veit allt um það.  Bara bestu þakkir fyrir frábært blogg.

[hordur halldorsson (IP-tala skráð) 17.4.2009 kl. 00:38]

ÆÆ ,hlupum við ekki öll á okkur í góðærinu. Hannes karlinum er vorkunn þetta er 2007.Héldu allir að við værum dottnir í gullæð,gætum föndrað við excel skjöl með millijón á mánuði.Ég trúði þessu sjálfur.

[Jens Guð, 17.4.2009 kl. 01:05]

  Hörður,  ég deili ekki með þér trú á hókus-pókus uppskrift frjálshyggjutrúboðanna. Ein af þeim ástæðum fyrir því að ég gekk í Frjálslynda flokkinn á sínum tíma var að framsalið á óveiddum fiski myndi búa til gervihagfræði,  uppsveiflu,  blöðru sem myndi leiða til þess efnahagshruns sem nú hefur orðið.  Ég játa samt að hafa ekki séð fyrir hvað hrunið hefur orðið stórt.   

[deijó (IP-tala skráð) 17.4.2009 kl. 07:55]

„Þegar KB banki opnaði útibú í Lúxemborg fyrir nokkrum árum óraði líklega engan fyrir því hve vel íslensku fjármálafyrirtækjunum ætti eftir að ganga við að hasla sér völl á erlendri grundu. Ævintýralega vel er kannski rétta orðið yfir það. Kjarkur, þor og góð þekking íslensku útrásarmannanna skilaði meiri árangri hraðar við fjárfestingar erlendis en hægt var að sjá fyrir og víkingurinn hefur vakið athygli á alþjóðavísu. Ekki síst þegar lagt er saman við aðra útrás Íslendinga erlendis í verslun, iðnaði og þjónustu ýmiskonar.“

- Björgvin G. Sigurðsson, þáverandi viðskiptaráðherra á heimasíðu sinni 5. ágúst 2008

[Ásthildur Cesil Þórðardóttir, 17.4.2009 kl. 09:06]

Þetta er alveg rosalegt að hlusta á.  Takk fyrir uppryfjunina Jens minn.  Ég segi sama með Láru Hönnu, legg til að hún fái fálkaorðu fyrir sína frammistöðu hér á blogginu undanfarna mánuði. 

[Stefán (IP-tala skráð) 17.4.2009 kl. 09:19]

Margir vilja meina að umræddur frjálshyggjuöfgamaður sé pólitískt hræ í dag.

[Sverrir Einarsson, 17.4.2009 kl. 16:00]

Hannes Hólmsteinn hefur aldrei lifað í raunveruleikanum, bara eftir einhverjum "kenningum" úr "fræðibókum", lifandi á ríkisjötunni, sem "harðasti talsmaður einkaframtaksins. Hans eina "einkaframtak" var ritstuldur úr verkum Laxness og allir vita hvernig hann var dæmdur, þjóðfélagslega, pólitískt og ekki síst dómstólalega af þeim verkum "sínum". Hefði ég verið staðinn að álíka gjörningi í minni vinnu hefði ég verið rekinn umsvifalaust, en nei takk ríkið sér um sína.....ekki satt?

Þetta myndband ætti að vera lexía nr. 1 í kennslubókum háskóla spekúlanta um alla framtíð í ljósi afleiðinga.

[Jens Guð, 17.4.2009 kl. 23:47]

  Deijó,  góður!

[Jens Guð, 17.4.2009 kl. 23:53]

  Ásthildur,  það er jafn nauðsynlegt að rifja reglulega upp frjálshyggjutrúboð Hannesar eins og að kíkja daglega á bloggið hennar Láru Hönnu.  Í útlendum blöðum hælir Hannes sér af því að vera höfundur "efnahagsundursins" sem nú hefur sprungið framan í andlit landsmanna og skuldsett næstu kynslóðir.

[Jens Guð, 17.4.2009 kl. 23:55]

  Stefán,  hann er ekki upp á marga fiska í dag.  Svo mikið er víst.  Kominn mörg ár framyfir síðasta söludag.

[Jens Guð, 17.4.2009 kl. 23:58]

  Sverrir,  það segir sitthvað um hvar íslenska menntakerfið er statt í dag að Hannes skuli vera ríkiskennari í Háskóla Íslands í stað þess að vera hafður þar til sýnis og eða til rannsóknar.

[boli (IP-tala skráð) 18.4.2009 kl. 17:08]

Af hverju í andsk, fekk  frjálshyggjan ekki að njóta sín?

Ríkið selur bankana! ok samt stendur ríkið uppi með ábyrgðir!

 Þetta voru ekki bankar ríkisins .Á ríkið að taka ábyrgð á öllum fyrirtækjum í landinu ?

[Jens Guð, 18.4.2009 kl. 22:32]

  Boli,  það er nákvæmlega svona sem frjálshyggjan virkar í raun þegar upp er staðið.  Og er algjörlega til samræmis við ríkisreknu frjálshyggjutrúboðana sem beita öllum bolabrögðum til að komast á ríkisspenann.