Loksins góðar fréttir frá Noregi

  Að undanförnu hafa fréttir frá Noregi verið leiðinlegar.  Bara leiðinlegar.  Aðallega hafa þær snúist um flandur tveggja framsóknarpésa til Noregs og fundarhöld þeirra með alræmdum bröskurum tengdum platfyrirtækjum.  Yfirvarp ferðarinnar var að framsóknarguttarnir væru að sækja til Noregs lán upp á 2000 milljarða evra.  Eins og allir áttu að vita var þetta sviðssetning og plat, "a la Framsóknarflokkurinn".

  Aðrar fréttir frá Noregi hafa verið af Rúnari vini mínum.  Hann flýði kreppuna á Íslandi og hélt til Noregs.  Þar hefur hann hvorki fengið vinnu né atvinnuleysisbætur.

  En nú berast gleðifréttir frá Noregi:  Hljómsveitin A-ha er hætt.

A-ha að hætta

Athugasemdir

[Karl Tómasson, 15.10.2009 kl. 21:58]

Ég er ekki jafn kátur og þú núna minn kæri.

Þessir ágætu drengir áttu sína spretti sannarlega.

Sennilega er partur af minni hrifningu af þeim, af hluta til kominn af því að við deildum sama stúdíói í Bretlandi árið 1985, Gildran og Aha.

Bestu kveðjur minn kæri frá Kalla Tomm úr Mosó.

[Jens Guð, 15.10.2009 kl. 22:30]

  Kalli,  ég hef aldrei hlustað á heila plötu með A-ha.  Og sennilega aldrei á heilt lag með þeim heldur.  Ég er svo snöggur að skipta um stöð þegar ég heyri eitthvað með þessari hljómsveit.  Þess í stað reyni ég að hlusta á norsku hljómsveitina Dimmu Borgir til að undirstrika að ég hef ekkert út á Norðmenn að setja.  Þannig lagað

  Eflaust eru strákarnir í A-ha ágætis náungar. 

[Brynjar Jóhannsson, 15.10.2009 kl. 23:44]

Mér fannst þeir ágætlega melodískir á köflum.Annars engin sérlegur aðdáendi þessarar grúbbu.

[Ómar Ingi, 16.10.2009 kl. 00:00]

A-ha betri en allt ruslið þitt frá Færeyjum kúturinn minn.

En allt tekur enda.

[Rabbii (IP-tala skráð) 16.10.2009 kl. 00:48]

Að þú skulir voga þér að tala svona um a-ha !!!

Bezta norræna grúpan á sínum tíma !

Svei og svei.

[Jens Guð, 16.10.2009 kl. 02:54]

  Brynjar,  ég geri alveg ráð fyrir að þessir guttar hafi samið einhver melódísk lög.  En mikið djöfull sem allt er leiðinlegt sem ég hef heyrt frá þeim.  Ekki mín bjórdós,  svo mikið er víst.

[Jens Guð, 16.10.2009 kl. 03:12]

  Ómar Ingi,  það er ekki hægt að setja færeyska músík undir einn hatt.  Tónlistarlíf í Færeyjum er hlutfallslega mun blómlegra en íslenskt.  Það spannar allt litrófið:  Klassísk tónlist af ýmsu tagi,  kórar,  vísnasöngur,  harmónikka og gömlu dansarnir,  kvæðasöngur,  djass,  tölvupopp,  kántrý,  þungarokk,  pönk,  léttpopp af öllu tagi og svo framvegis.

  Ég hef ekkert verið að hlusta á A-ha.  Ég get fengið hausverk og blóðnasir á skemmtilegri hátt.  Hinsvegar sé ég að plötur þeirra eru ekki að skora hátt hjá hlutlausum jákvæðum plötusölum á borð við Allmusic.  Plöturnar eru að druslast frá 1 stjörnu (af 5) eða 2 í 3 (ef undan er skilinn frumburðurinn).  Þannig að vellupoppið þeirra virðist að öllu jöfnu vera í slappari kantinum.        

[Jens Guð, 16.10.2009 kl. 03:21]

  Rabbii,  A-ha hefur fyrst og síðast verið ómerkileg væmin velluhljómsveit.  Hún var ekki góð hljómsveit í samanburði við margar ágætar norskar hljómsveitir.  Hvað þá ef litið er til þess sem ágætt er í öðrum Norðurlöndum. 

  En þetta tríó höfðaði dálítið til kvenna með mikla östrógenframleiðslu.  Bæði tilgerðarlega poppvelgjan í músíkinni og þó enn frekar súkkulaðiútlit strákanna.

[Stefán (IP-tala skráð) 16.10.2009 kl. 08:42]

Eins og fleiri ( nánast flest ) eighties bönd gerðu, þá sóttu Aha talsvert í ensku gæða-rokkarana David Bowie og Roxy Music. Fyrrnefndir áhrifavaldar höfðu þó alltaf hælana þar sem eftirhermurnar höfðu tærnar og nörtuðu í hæla þeirra. Aðrir fyrrum gæða glam-rokkarar Mott the Hoople höfðu hins vegar mjög mikil áhrif á kraftmikla nýbylgjurokka, ekki síst á The Clash.     

[Jens Guð, 16.10.2009 kl. 11:35]

  Stefán,  ég tek undir þessa greininu.

[Ómar Ingi, 16.10.2009 kl. 19:51]

Ég hef ekkert verið að hlusta á A-ha. segir meira en mörg orð hjá þér.

og segðu mér hefur / er Punkið að fá mikið af góðum dómum ? , hjá skripentum um plötur varla !!

og þessi staðhæfing þín um að tínlistarlíf í Færeyum sé líflegra en á Íslandi sannar að þú veist ekkert um tónlistarlíf  Íslendinga.

Og ef þú ferð í eitthvað já en færingar þrátt fyrir að engin nennir eða vill hlusta á þá eru miklu meira í tónlist en íslendingar rök eru aum já AUM.

Hættu vitleysunni og farðu að sjá íslenska tóna á  Airwaives

[Jens Guð, 16.10.2009 kl. 22:36]

  Ómar Ingi,  ertu að upplýsa að þú sért ófær um að staðsetja pönkplötur meðal bestu platna rokksögunnar?  Ertu jafnframt að upplýsa að framhjá þér hafi farið allar þær ótal kannanir sem útvarpsstöðvar,  sjónvarpsstöðvar,  netmiðlar,  dagblöð og tímarit eru sífellt að gera um innbyrðis stöðu platna í rokksögunni?

  Listarnir yfir bestu plötur rokksögunnar eru gegnum gangandi nokkuð samhljóða.  Hvort sem þeir eru unnir af enskum,  bandarískum eða fjölmiðlum á meginlandi Evrópu.  Litlu skiptir hvort þeir byggja á skoðanakönnun meðal almennings,  gagnrýnenda eða helstu rokkstjarna. 

  Pönkplötur eru ofarlega á þessum listum.  Einkum  The Clash  og  London Calling  með The Clash og  Never Mind the Bollocks  með Sex Pistols.

  Þú ert með verulega skekkta mynd af rokksögunni ef þú getur ekki sjálfur staðsett þessar plötur á svona lista.  Og jafnvel ennþá skrítnara er að þú vitir ekki af þessu.  Pönkið á ótal margar 5 stjörnu plötur.

[Jens Guð, 16.10.2009 kl. 23:04]

  Ómar Ingi,  ég hef þokkalega góða sýn á íslenska tónlist.  Í 30 ár var ég poppskríbent fyrir ýmis blöð og tímarit.  Á því tímabili fékk ég flestar íslenskar popp- og rokkplötur til umsagnar. 

  Í mörg ár lifði ég og hrærðist í íslenska músíkbransanum:  Sem plötubúðaeigandi og þátttakandi í ótal hljómleikum,  plötuútgáfum og svo framvegis. 

  Ég get alveg játað að ég sæki ekki lengur 2 - 3 hljómleika í viku né stend daglega í plötubúð og fæ ekki lengur flestar nýjar íslenskar plötur í hendur.  Enda er ég kominn hátt á sextugsaldur og hef dregið mig út úr auganu í hvirfilbylnum.  Engu að síður hef ég ágæta sýn á hvað er í gangi í íslenskri músík.  Og ekki síður hvað er í gangi í færeyskri músík.

  Mér er auðvelt að gera samanburð á íslensku og færeysku tónlistarlífi.  Færeyingar eru rösklega 48 þúsund á móti 330 þúsund Íslendingum.  Fjöldi færeyskra tónlistarmanna er með ágæta stöðu sem atvinnutónlistarmenn á alþjóðavettvangi.  Frægastur er Teitur.  Því næst Eivör.  Týr er með fína stöðu í alþjóða þungarokkinu.  Boys in a Band sigruðu í fyrra alþjóðlegu hljómsveitakeppni.  Makrel var í 2. sæti í samkeppni MTV sjónvarpsstöðvarinnar um bestu hljómsveitir án plötusamninga.  Kristian Blak & Yggdrasil eru bókuð út um allan heim árið um kring.  Frá Kína til Afríku,  Ameríku og svo framvegis.

  Ég gæti lengi áfram talið.  Högni Lisberg var að spila á Airwaves í gær.

  Fyrir tveimur árum fór ég á færeysku rokkhátíðina  Asfalt.  Þar spiluðu 60 færeyskar hljómsveitir.  Skilyrði fyrir þátttöku var að hljómsveitin væri búin að sanna sig með plötuútgáfu og/eða búin að ná stöðu erlendis.  Enginn af þeim færeysku tónlistarmönnum/hljómsveitum sem ég hef nefnt voru þar á meðal.  Pældu í því.  Gerðu samanburð á álíka fjölmennu íslensku samfélagi.  Til að mynda Hafnfirðingum + Garðbæingum.  Þú gætir ekki sett saman rokkhátíð með 60 hljómsveitum sem eru búnar að sanna sig í þeim bæjarfélögum.  Ekki einu sinni þó hljómsveitir frá Kópavogi væru með.

  Upphrópanir sem byggja á ranghugmyndum og aðdáun á píkupoppi A-ha eða Britney Spears duga skammt.   

[Einar (IP-tala skráð) 26.10.2009 kl. 15:27]

Færeyingar skora á norðurlönd að lána okkur

http://www.portal.fo/?lg=65843

[Jens Guð, 26.10.2009 kl. 18:15]

  Einar,  takk fyrir "linkinn".