Lagalistinn í Sunnudagshugvekjunni á Nálinni

  Gríðarleg stemmning var fyrir Sunnudagshugvekjunni á Nálinni 101,5 í gær (á milli klukkan 19.00 og 21.00).  Eftir þáttinn rigndi yfir mig úr öllum áttum spurningum um flytjendur hinna ýmsu laga.  Til að einfalda málin og gera mönnum tilveruna auðveldari birti ég hér heildarlista yfir lögin sem voru kynnt og spiluð í þættinum.  Eins og sést á lagalistanum var þátturinn tvískiptur:  Í fyrri hlutanum voru spiluð þekkt lög úr klassísku rokkdeildinni.  Í seinni hlutanum voru spiluð lög frá flytjendum utan engilsaxneska málsvæðisins.  Rík áhersla var lögð á að þeir flytjendur syngi á móðurmáli sínu,  hvort sem þeir eru íslenskir eða tyrkneskir.  Óvíst er að sú regla standi til frambúðar fremur en margt annað varðandi þáttinn. 

  Þannig var lagalistinn:

1   Kynningarlag þáttarins:  The Clash:  Time is Tight

2   Gerogia Satallites:  Hippy Hippy Shake

3   Uriah Heep:  Easy Livin´

4   Deep Purple:  Black Night

5   John Lennon:  Peggy Sue

6   Paul McCartney:  Run Devil Run 

7   The Byrds:  Fido 

8   Spencer Davis Group:  Keep on Running

9   Richard & Linda Thompson:  I Want To See The Bright Light Tonight

10  Dave Edmunds:  I Hear you Knocking

11  The Animals:  Bring it on Home to Me

12  Pönk-klassíkin:  Buzzcocks:  What Do I Get

13  Reggílag dagsins: U-Roy:  Rivers of Babylon

14  Trúbrot:  Þú skalt mig fá

15  Týr frá Færeyjum:  Ormurinn langi

16  Utangarðsmenn:  Sigurður var sjómaður

17  Iris frá Portúgal:  Oh Máe!

18  Þursaflokkurinn:  Jón var kræfur karl og hraustur

19  Kim Larsen frá Danmörku:  Jakob den glade

20  Megas:  Klörukviða

21  Mariina frá Grænlandi:  Issumaangaa

22 Flowers:  Slappaðu af

23  Nina Hagen frá Þýskalandi:  My Way

24  Kamarorghestar:  Samviskubit

25  Pentagram frá Tyrklandi:  oo

26  Maggi Mix:  Snabby í Krókódílalandi

27  Afkynningarlag þáttarins:  The Clash:  Time is Tight

 

  Þátturinn lagðist vel í þá sem hafa tjáð sig um hann við mig.  Örfáir hnökrar voru á honum.  Eins og gengur.  Við þáttastjórnendurnir,  ég og Sigvaldi Búi Þórarinsson,  hittumst í fyrsta skipti 2 mínútum fyrir útsendingu.  Við lærðum nöfn hvors annars í beinni útsendingu og gekk það misvel.  Sigvaldi er vanur tæknimaður af Aðalstöðinni en var að sjá tækjabúnaðinn á Nálinni í fyrsta skipti.  Hann tók að sér tæknimálin.  Tækniborð á svona útvarpsstöð er hlaðið tugum takka,  sleða og allskonar.  Það var mesta furða hvað fátt var um mistök.  Engin stórvægileg.  Aðeins örfá smáatriði sem fæstir hafa tekið eftir.

  Lagavalið í þessum fyrsta þætti var í mínum höndum.  Í næstu þáttum velur Sigvaldi helming laga á móti mér.  Af föstum liðum sé ég áfram um pönk-klassíkina og reggílag dagsins.  Sigvaldi mun sjá um nýjan fastan lið;  soul-lag þáttarins. 

  Mér heyrist á Sigvalda að hann sé meira fyrir rólegri og mýkri músík en ég.  Reyndar sæki ég heima hjá mér yfirleitt í þyngri og harðari rokkmúsík en þá sem er á lagalistanum.  Ég verð dáldið að gæta mín á að vera ekki með of brútal músík í þættinum.  Sigvaldi kemur til með að veita mér aðhald varðandi það og "ballansera" þetta með mér.  Þegar ég var á Radíó Reykjavík í gamla daga var slegið á puttana á mér þegar ég missti mig í Amon Amarth.  Á Nálinni er viðmiðið í svona almennri dagskrá að ganga ekki mikið lengra í hörðu rokki en Black Sabbath.  Sem er fínt.  Nálin er flott útvarpsstöð og hefur farið glæsilega af stað.  

  Mér varð á að segja í kynningu á  Hippy Hippy Shake  með Georgie Satallites að Dave Clark Five hafi gert lagið frægt.  Hið rétta er að það voru Swinging Blue Jeans.  Smá fljótfærnisvilla sem ég fattaði um leið og ég ók af stað frá Nálinni eftir þáttinn.  Þessar hljómsveitir voru á líku róli og spiluðu sum sömu lög.  En rétt skal vera rétt.

  Hægt er að hlusta á Nálina hvar í heimi sem er á netinu: http://media.vortex.is/nalinfm 

  Ég veit þegar af hlustendum í Bandaríkjunum og Færeyjum.  Svo bætast Bretland og meginland Evrópu við.  Því næst Asía, Afríka og Grímsey.  Og svo framvegis.  Fjörið er rétt að byrja.

  Gaman væri að fá viðbrögð hér við þættinum og ábendingar,  bæði um lagaval og það sem betur má fara.  Og klapp á bakið fyrir það sem vel tekst til.  Já,  eiginlega aðallega það.

Athugasemdir

[Siggi Lee Lewis, 9.8.2010 kl. 01:03]

BARA SNILLDAR þáttur!!! Takk fyrir mig elsku Jens minn.

[Jens Guð, 9.8.2010 kl. 01:50]

  Ziggy Lee,  takk fyrir það.

[Axel Jóhann Hallgrímsson, 9.8.2010 kl. 02:17]

Ég missti af þættinum Jens, verður hann endurfluttur? Er fyrirframákveðin dagskrá á Nálinni, hvar er hana að finna?

[Jens Guð, 9.8.2010 kl. 02:46]

  Axel,  þátturinn verður endurfluttur.  Ég er ekki með það alveg á hreinu hvenær.  Ég held klukkan 21.00 á miðvikudag.  Kannski oftar.  Ég er ekki búinn að læra hvernig dagskráin á Nálinni er.  Ég veit að Markús Þórhallsson er með morgundagskrána ásamt fleirum.  Svo tekur Raggi Palli við.  Ég held að það sé sami Raggi Palli og var með kvölddagskrá á rás 2 til nokkurra ára.  Einar Karl,  útvarpsstjórinn,  er með þátt eftir hádegi ásamt fleirum.  Á milli klukkan 16.00 og 19.00 er það Kalli Sigurðsson sem var á rás 2 til margra ára og þar áður á Útvarpi Suðurlands.  Á milli klukkan 19.00 og 21.00 er Sigvaldi Búi með kvölddagskrá.  Hann var áður á Aðalstöðinni í áratug eða svo.  Þar á eftir held ég að helgarþættir séu endurfluttir.  Þar á meðal frábær þáttur Gunna "Byrds" sem er á dagskrá á milli klukkan 11.00 til 13.00 á laugardögum.  Meira veit ég ekki.  Mér ekki kunnugt um að dagskrá Nálarinnar sé að finna á netinu enn sem komið er.  En það stendur víst til bóta.

[Grefill (IP-tala skráð) 9.8.2010 kl. 03:27]

Ég sakna þess mest að sjá ekki á lagalistanum stórsmellinn "Hvur grefillinn" með Grefli og Gargöndunum. Kannski þú bætir út því fljótlega.

[Bubbi J. (IP-tala skráð) 9.8.2010 kl. 09:33]

Magnað að fá loks almennilega útvarpsstöð

[Jens Guð, 9.8.2010 kl. 23:35]

  Grefill,  ég hef aldrei heyrt á þetta lag minnst.  Hvar kemst ég í það?

[Jens Guð, 9.8.2010 kl. 23:36]

  Bubbi,  þessi stöð hefur farið glæsilega af stað.  Því ber að fagna.

[Jóhann Kristjánsson (IP-tala skráð) 10.8.2010 kl. 22:10]

Sæll Jens og takk fyrir frábærann þátt :Þ . Mér þykir ekki líklegt að hann verði endurfluttur á miðvikudag kl 21:00. þetta var nefnilega ekki klukkutíma þáttur heldur meira. Ég verð nefnilega með rómantíska hálftímann frá kl 22- 01 á miðvikudegi og sennilega væri mjög slæmt að klippa á þáttinn þinn eftir einungis klst. En ég skal spyrja Einar á morgun og koma til þín skilaboðum hvenær þetta verður :)

 Bestu kveðjur frá kolleganum :)

[Jens Guð, 11.8.2010 kl. 03:05]

  Jóhann,  takk fyrir ummælin og að láta mig vita.  Þetta verður ekkert vandamál.  Bara spennandi.  Ég hlakka til að heyra þáttinn hjá þér.