Lokaorð um "hönnunardeilu" okkar Bubba

.

  Í nýlegri bloggfærslu gerði ég grein fyrir vinnu minni við umslög söluhæstu platna Bubba.  Sjá:  http://www.jensgud.blog.is/blog/jensgud/entry/1184171/.  Bubbi virðist skilgreina höfunda ljósmynda á umslagi sem umslagshönnuði.  Almenna reglan er sú að ljósmyndir á umslagi sé eitt en hönnun umslags annað:  Nái yfir heildarútlit plötuumslags,  uppsetningu,  leturval,  litaval,  bakhlið umslags,  textablað o.s.frv.

  Þannig er það skilgreint á kreditlista plötuumslaga.  Svo að við tökum dæmi af söluhæstu plötu Bubba,  Dögunar,  þá er ég skráður sem hönnuður umslags og Valdís Óskarsdóttir sem höfundur ljósmynda.  

  Kreditlistinn barst í mínar hendur frá Ásmundi Jónssyni og áreiðanlega skráður í samráði við Bubba.     

  Frá því að  Dögun  kom út hefur mér vitanlega aldrei áður komið fram athugasemd við það að ég sé skráður hönnuður umslagsins og Valdís höfundur ljósmynda.  Engu að síður heldur Bubbi því núna fram að Valdís sé umslagshönnuðurinn.

 

  Af minni hálfu er umræðu um þessa svokallaða "hönnunardeilu" lokið.  Ég ber sömu virðingu fyrir Bubba sem tónlistarmanns og skemmtilegrar persónu eins og áður.  Skilgreini hann áfram sem vin minn og hef bara haft gaman af þessu sprelli öllu saman. 

.

 

REM á pöbbarölti í Reykjavík

 

  Bítlabarinn Ob-La-Dí á Laugavegi 45 er orðinn einskonar arftaki Sirkuss.  Það er að segja:  Þetta er barinn sem rokkstjörnurnar sækja ásamt öðrum sem hafa gaman af að ræða um rokkmúsík og hlusta á áhugaverða tónlist.  Í tilfelli Ob-La-Dí er það tónlist með Bítlunum,  The Byrds og REM.  

  Þó að starfsfólk Ob-La-Dí sé ýmsu vant þá rak það upp stór augu þegar bassaleikari REM,  Mike Mills,  birtist á staðnum í gær.  Með í för var fjölskylda hans. 

  Hópurinn dvaldi á Ob-La-Dí í drjúga stund og blandaði geði við gesti og starfsfólk.  Um nóg var að ræða.  REM er nefnilega í hávegum á Ob-La-Dí. 

Umdeildustu músíkmyndböndin

  Aðstandendur vinsælasta breska poppmúsíkblaðsins,  New Musical Express (NME),  ýttu nýverið úr vör netsíðu sem sérhæfir sig í umfjöllun um músíkmyndbönd.  NME er eitt af áhrifamestu poppblöðum heims vegna þess að það selst einnig vel utan Bretlands.  Bæði í Bandaríkjunum og á meginlandi Evrópu.

  Í tilefni af opnun músíkmyndbandavefsins hefur NME tekið saman lista yfir umdeildustu músíkmyndbönd sögunnar.  Þannig er listinn:

1.   Aphex Twin:  Come To Daddy

2.   Madonna:  Like A Prayer.  Þetta myndband þótti daðra um of við guðlast.  Eða jafnvel ver guðlast.

.

.

3.   The Cribs:  Men's Needs.  Það voru ekki afhöggnir útlimir sem fóru fyrir brjóstið á fólki heldur að fræg fyrirsæta,  Kate Moss,  væri nakin í myndbandinu.  Svörtu kassarnir sem hylja að hluta nekt fyrirsætunnar voru ekki í upprunaútgáfu myndbandsins.

.

.

4.   Serge and Charlotte Gainsbourg:  Lemon Incest.  Þessi kappi er þekktastur fyrir það sem hérlendis gekk undir nafninu  Franska klámlagið  á sjöunda áratugnum.  Það naut mikilla vinsælda í íslensku útvarpi þrátt fyrir að fjöldi að þar á bæ væru ýmis "ósiðsamleg" lög bönnuð.

.

5.   The Prodigy:  Smack My Bitch Up.  Það þarf að fara einhverjar krókaleiðir að uppruna myndbandinu við þetta lag.

.

.

6.   Erykah Badu:  Window Seat

.

.

7.   Neil Young:  This Note´s For You.  Myndbandið fór fyrir brjóstið á mörgum vegna harðrar ádeilu á hórerí frægra poppstjarna (Mikjál Jackson og Whitney Houston) í þágu "ómerkilegra" auglýsenda. 

.

.

8.   Nirvana:  Heart Shape Box

.

.

9.   George Michael:  I Want Your Sex

.

.

10.  MIA:  Born Free.  Myndbandið er bannað.  Það er ekki aðgengilegt á þútúpunni.  Samt er það tiltökulega saklaust.  Sýnir ofsóknir á hendur rauðhærðum (sennilega sem tákn um ofsóknir gegn minnihlutahópum).  Í stað  Born Free  myndbandsins set ég hér inn myndband með margverðlaunuðu lagi MIA úr kvikmyndinni Slum Dog Millionaire.  Þetta lag byggir á ennþá flottara lagi með The Clash,  Straight to Hell.  Síðar krákað af Lily Allen.

.

.

11.  Smashing Pumpkins:  Try Try Try

.

12.  Nine Inch Nails:  Closer.  Ekki aðgengilegt á þútúpunni.

..

.

13.  Simian Mobile Disco:  Hustler

.

14.  Nas:  Hate Me Now

.

..

15.  Korn:  A.D.I.D.A.S.

.

16.  Björk:  Pagan Poetry.  Myndbandið er sagt vera umdeilt vegna húðgötunarmyndskotanna og kynlífsatriða.

.

.

17.  Pearl Jam:  Jeremy

Gömul kona stelur lagi frá Bubba

  Á myndbandinu hér fyrir ofan má glöggt heyra hvernig fingralöng gömul kona tekur ófrjálsri hendi,  stelur,  frá Bubba hans besta lagi,  Það er gott að elska.  Hún sneyðir lipurlega hjá viðlaginu.  Myndbandið mátti nefnilega ekki fara upp í 5 mín. að lengd.  Meira máli skiptir að hún er að segja ljóðræna sögu og flytur þetta því sem ljóðsöng fremur en poppklisju. 

  Sú gamla er búsett í útlandinu.  Hún safnar töngum.  Myndbandið er tekið í eldhúsinu hjá henni fyrir framan hornið þar sem hún raðar uppáhalds töngunum sínum.  Aðrar tengur, sem hún heldur ekki eins mikið upp á, geymir hún inni á baðherberginu.  Hún safnar líka tannstönglum.

  Sumir segja konuna vera 105 ára.  Aðrir segja að hún sé ekki til.  Hún sé bara þjóðsaga.  Eins og Mike Tyson. 

.

Rétt skal vera rétt. Já, því ekki?

 

  Það er fjör.  Allt út af skemmtilegri stórfrétt í Fréttablaðinu af söluhæstu plötum Bubba Morthens.  Þar kom eftirfarandi fram:  "Þrjár mest seldu plöturnar,  Dögun,  frá 1987,  Frelsi til sölu,  frá 1986 og Kona,  frá 1985 (...) eiga sameiginlegt að Jens Guð sá um markaðssetningu þeirra allra ásamt því að hanna umslögin að mestu eða öllu leyti."

  Bubbi gerir alvarlega athugasemd við þetta á fésbókinni.  Hann fullyrðir að Ámundi Sigurðsson hafi hannað frá a til ö umslag plötunnar  Sögur af landi  og hafi ásamt Bubba Morthens hannað umslag plötunnar  Lífið er ljúft.  Jafnframt fullyrðir Bubbi að Bubbi Morthens hafi gert mynd sem er á umslagi sömu plötu.  Valdís Óskarsdóttir hafi hannað umslag  Dögunar  og Inga Sólveig Friðjónsdóttir gert umslag  Konu.

  Eftir þessa upptalningu segir Bubbi ekki vera mikið eftir handa Jens Guð og hnykkir á með orðatiltækinu góða:  Rétt skal vera rétt.  Undir það skal tekið.  Rétt skal vera rétt.  Þess vegna er ástæða til að fara yfir dæmið lið fyrir lið.

  - Sögur af landi

  Ég hef hvergi rekist á eða orðið var við orðróm um að einhver annar en Ámundi sé hönnuður þessa umslags.  Það er ekki ágreiningur um þetta.  Það var ekki stafkrókur um þessa plötu í frétt Fréttablaðsins né á bloggsíðu minni.  Það má telja upp umslög miklu fleiri platna sem ég hef hvergi komið nálægt.  Bæði plötur með Bubba og hverjum sem er.  Jafnvel Bítlunum og Rolling Stóns.  Ég mun ekki gera ágreining um þau dæmi.  Og tæplega nokkur annar.

  - Lífið er ljúft

   Ég hef hvergi rekist á eða orðið var við orðróm um að einhverjir aðrir en Ámundi og Bubbi hafi hannað þetta umslag.  Það er ekki ágreiningur um þetta.  Né heldur að Bubbi Morthens hafi gert myndina á umslaginu.  Það var ekki stafkrókur um þessa plötu í frétt Fréttablaðsins né á bloggsíðu minni.

  - Dögun

  Umslagið varð þannig til:  Ég hitti Valdísi Óskarsdóttur sem hafði tekið ljósmyndir af Bubba og einnig uppstilltar og stíleseraðar myndir.  Alveg bráðskemmtilegar og flottar myndir.  Ási í Gramminu var líka á þessum fundi.  Það var ákveðið hvaða myndir yrðu notaðar á umslagið. 

  Næsta skref var að ég skoðaði nokkrar leiðir til að markaðssetja plötuna og skissaði upp 3 mjög ólíkar framhliðar á umslagi út frá því hvaða leiðir yrðu farnar.  Ási og Bubbi tóku ákvörðun um það hvað varð fyrir valinu.  Kannski var þetta borið undir Valdísi.  Ég hitti hana þó aldrei eftir þennan eina áðurnefnda fund með henni þegar við skoðuðum ljósmyndirnar.  Mér bárust aldrei neinar athugasemdir eða óskir frá henni um hönnun umslagsins.  Ég fullvann þá skissu sem varð fyrir valinu.  Og gríðarmikil ánægja var með þetta umslag.

  Til gamans má geta fyrir þá sem aðeins þekkja umslagið af geisladisksútgáfunni að upphaflega var umslagið hannað fyrir Lp vinylplötu.  Þar var gyllt upphleypt letur sem skilaði tilteknum hughrifum og vísaði til útfærslu á hágæða konfekti í gjafaumbúðum.  Það var reisn yfir því.

  Ég vil ekki gera lítið úr þætti Valdísar á umslaginu.  Alls ekki.  Myndirnar hennar eru frábærar og eiga sinn stóra þátt í því hvað þetta umslag er flott.  Og þar með hversu söluvænleg platan var.  Hinsvegar kemur skýrt fram á umslaginu og í bókinni  100 bestu plötur rokksögunnar  hver hannaði umslagið.  Ásamt því hver á ljósmyndirnar á því.  Þetta er óumdeilanlega söluhæsta plata Bubba.  26 þúsund seld eintök.

  - Frelsi til sölu

  Sömu vinnubrögð voru höfð og við  Dögun.  Nema að þar var valið úr myndum eftir Bjarna Friðriksson.  Til gamans má geta að á nærhaldi (innra umslagi) vildi ég gera út á tölvupoppsútfærslu og "space rokk".  Hugmyndafræðin var sú að búa til tilfinningu fyrir "future" stemmningu.  Enda ferskur tónn ráðandi á plötunni.  Á síðustu stundu kom upp ágreiningur varðandi þá leið.  Mig minnir að það hafi jafnvel verið byrjað að prenta þá útfærslu þegar - að mig minnir Bubbi -  strækaði á það dæmi.  Í fljótheitum hannaði ég þá nýtt nærhald sem fékk afskaplega lofsamlega dóma hjá plötugagnrýnendum (sem að öðru jöfnu nefna sjaldnast umslagshönnun).  Enda var það flott.  Eftir stóð þó á bakhlið umslagsins tilvísun í upphaflega nærhaldið.  Sú tilvísun er dálítið út í hött í endanlegri útfærslu.

  Þegar umslagið var endurprentað vantaði á það grænan teygðan þríhyrning á bak við nafn Bubba.  Sá þríhyrningur þjónaði hlutverki dýptar á uppstillingunni.  Umslagið er hálf kjánalegt án þess.

  Frelsi til sölu er næst söluhæsta plata Bubba.  22 þúsund seld eintök.

  - Kona

  Vinnubrögðin voru lík og við  Dögun  og  Frelsi til sölu.  Munurinn var þó sá að Inga Sólveig var búin að skissa upp gróft uppkast að framhlið umslagsins.  Hún var búsett í Bandaríkjunum.  Þess vegna var ekki hægt að hafa neitt samráð við hana um hönnun bakhliðar,  textabæklings,  plötumiða,  letur eða uppsetningu og frágang á pakkanum.  Þetta var fyrir daga tölvu og internets.

  Mér er fjarri lagi að gera lítið úr framlagi Ingu Sólveigar í hönnun umslagsins.  Ég hef ætíð tekið fram að hún átti grunnhugmyndina að umslagsinu.  Ljósmynd hennar á framhlið þess setur svo sannarlega sterkan svip á umslagið.  Það breytir ekki því að allt annað en framhlið umslagsins var hannað af mér og ég handskrifaði titil plötunnar og nafn Bubba á framhlið þess.  Þar fyrir utan stillti ég upp markaðssetningu á  Konu  eins og  Dögun  og  Frelsi til sölu.

  Kona  er 3ja söluhæsta plata Bubba.  20 þúsund seld eintök.

  Á meðan ég var í auglýsingabransanum kynntist ég einungis rosa mikilli gleði,  gargandi fagnaðarlátum og þakklæti fyrir góðan söluárangur,  hvort sem um var að ræða á bókum,  bílum,  sælgæti eða öðru.  Það er alveg nýtt að viðbrögð við glæsilegum söluarangri séu ólund og reynt að gera lítið úr minni vönduðu og árangursríku vinnu. 

  Hér fyrir neðan má sjá skemmtilega unna frétt Pressunnar um þetta hitamál.  Það er fjör.  Stanslaust fjör.  Og rétt skal vera rétt.  Ég átta mig ekki á því hvers vegna ég er þarna titlaður "fyrrverandi poppspekúlant":

------------------------------------------

11. ágú. 2011 - 14:28 Kaffistofan

Uhhh...hvað gerði Jens þá?

Bubbi Morthens

Hún var flennistór fréttin í Fréttablaðinu um þátt fyrrverandi poppspekúlantsins Jens Guð í velgengni Bubba Morthens.

Þar sagði um vinsælustu plötur Bubba að allar ættu þær sameiginlegt að Jens Guð hafi ekki aðeins markaðssett þær, heldur séð um að hanna umslögin að mestu eða öllu leyti. Svo segir Jens:

Ég þarf að passa mig á því að hljóma ekki rogginn. En ég var búinn að fara í gegnum nám í grafískri hönnun í Myndlista- og handíðaskólanum. Á þeim tíma var markaðsfræði töluverður hluti af náminu

Á kaffistofunni tóku menn undir orð Jens Guð um að hann yrði að passa sig...enda segir Bubbi á Facebook-inni hjá sér um málið:

Valdís Óskardóttir kvikmyndagerðarkona og klippari hannið umslagið á Dögun - Inga Sólveig Friðjónsdóttir gerði umslagið á Konu. Bubbi Morthens gerðir mynd og hannði umslagið á Lífið er Ljúft ásamt Ámunda Sigurðssyni vini sínum. Sögur af landi gerði og hannaði Ámundi frá a til ö. Þá er ekki mikið eftir handa Jens Guð af þessum fimm söluhæstu plötum. Rétt skal vera rétt

Er nema von að spurt sé hvað Jens hafi þá gert?  Einn lesandi Bubba svarar því kannski á Facebookinu þegar hann segir:

Hann hefur örugglega hlustað á plöturnar, eins og við hin ;)

Gríðarlega mikilvægt að leiðrétta

  Frétt í Fréttablaðinu um að sólóplötur Bubba Morthens hafi selst í 320 þúsund eintökum hefur vakið mikla athygli.  Ekki síst vegna þess að þær 3 plötur hans sem selst hafa lang mest eiga það sameiginlegt að umslög þeirra og markaðssetning á þeim var í sérlega góðum höndum gamla mannsins sem heldur úti þessu bloggi.

  Í umfjöllun fjölmiðla um þessa einstæðu markaðshlutdeild Bubba í plötusölu hefur gætt misskilnings um margt.  Til að mynda hefur fallið á milli stafs og hurðar að sölumetið telur ekki sölu á vinsælum plötum Bubba með hljómsveitum.  Þó hafa þær margar selst í góðu upplagi.  Nægir þar að telja upp Utangarðsmenn,  Egó,  Das Kapital, MX-21 og GCD. 

  Þegar allt er saman talið má ganga út frá því sem vísu að plötur með Bubba hafi selst í nálægt hálfri milljón eintaka.  Alla vega vel yfir 400 þúsund eintökum.

  Annað sem einhverra hluta vegna hefur skramsað til er að á bloggsíðum,  fésbók, í morgunútvarpi Bylgjunnar og í blöðum er talað um að 3 söluhæstu plötur Bubba hafi selst í næstum 50 þúsund eintökum.  Hið rétta er að þær hafa selst í næstum 70 þúsund eintökum. 

  Söluhæsta platan,  Dögun,  hefur selst í rösklega 26 þúsund eintökum.  Sú í öðru sæti,  Frelsi til sölu,  hefur selst í rúmlega 22 þúsund eintökum.  Og  Kona  í meira en 20 þúsund eintökum.  Samtalan er 68 þúsund eintök.  Við erum að tala um að þessar 3 plötur eru næstum 22% af heildarsölu á sólóplötum Bubba.  Því ber að halda til haga með réttum tölum. 

http://www.visir.is/a-bak-vid-staerstu-plotur-bubba/article/2011708109963

Skúbb! Íslensk hljómsveit slær í gegn í Brasilíu

  Brasilíski plötumarkaðurinn er einn sá stærsti í heiminum.  Ekki aðeins eru íbúar Brasilíu um 200 milljónir heldur nær brasilíski markaðurinn langt út fyrir landamæri Brasilíu.  Til að mynda nær hann yfir til nágrannalanda og einnig til Portúgals.  Í liðinni viku kom út í Brasilu safnplata með íslensku pönkhljómsveitinni Q4U.  Útgefandinn er eitt stærsta þarlenda plötufyrirtækið,  Wave Records.  

  Forsaga málsins er merkileg.  Forstjóri Wave Records heyrði eitthvað með Q4U fyrir nokkrum árum en gekk illa að ná sambandi við liðsmenn Q4U.  Það tók hann tvö ár eða svo að leita hljómsveitina uppi.  Þegar það loksins tókst vildi hann gera mikið til að afgreiða hana almennilega.  Í síðustu viku gaf hann út "Best of" plötu með Q4U en hefur á plötunni einnig ný lög með hljómsveitinni.  Útgáfunni vill hann fylgja eftir með hljómleikum hljómsveitarinnar í Brasilíu og myndböndum. 

  Á heimasíðu Wave Records er nýja platan með Q4U efst á blaði: 

http://www.waverecordsmusic.com/q4U_bestof_port.htm

  Þetta er virkilega spennandi dæmi.

 

  Til gamans má geta að Q4U á einnig þokkalega fjölmennan harðsnúinn kjarna aðdáenda í Þýskalandi.

Merkileg tilviljun...?

 

  Í Fréttablaðinu í dag er skemmtileg frétt af metsölutónlistarmanninum Bubba Morthens.  Á 31 ári hefur hann selt 320 þúsund eintök af sínum plötum.  Þetta er afskaplega merkilegt.  Ólíklegt er að annars staðar í öllum heiminum (að meðtöldum öðrum soul-kerfum.  Tilvisun í nýjustu plötu kóngsins,  hans fyrstu soul-plötu.  Dúndur góða.) sé eða hafi nokkur poppstjarna verið með jafn stóra markaðshlutdeild.

  Um miðjan níunda áratuginn sá ég um nokkur umslög á plötum Bubba og markaðssetningu á þeim.  Þær urðu hver um sig lang söluhæsta plata síns útgáfuárs,  eins og markaðssetningin gekk út á.  Hitt þykir mér merkilegra:  Að þessar sömu plötur raða sér snyrtilega í öll efstu sætin yfir söluhæstu plöturnar á farsælum ferli Bubba:  1.  Dögun  (26.000 eintök),  2.  Frelsi til sölu  (22.000) og  3.  Kona  (20.000).  Skylt er að halda því til haga að Inga Sólveig á grunnhönnunina á  Konu,  ljósmyndina og er fyrirsætan á framhliðinni.

http://www.visir.is/bubbi-hefur-selt-fleiri-en-320-thusund-plotur/article/2011110809145

  Svona geta tilviljanir verið skemmtilegar.  Reyndar er sömu sögu að segja af markaðssetningu á bókum,  skemmtunum og ýmsu öðru sem ég tók að mér á meðan ég var í auglýsingabransanum.  En ekki orð um það meir.  Það gæti hljómað eins og mont af minni hálfu.  Til þess má ég ekki vita. 

Pistilinn skrifar postulinn Páll Óskar Wilde

  Það er aldeilis frábært hvað orð poppkóngsins Páls Óskars Wilde í gleðigöngu samkynhneigðra,  Gay Pride,  hafa hitt í mark.  Ummæli hans eru eins og postulinn Páll Óskar hafi borið þau fram ásamt kærleikserindinu.  Pistilinn skrifar postulinn Páll Óskar (það er skylda að standa upp á meðan pistillinn er lesinn.  Það lærði ég ungur í Hóladómkirkju.  Það er bannað að sitja undir beinni tilvitnun í postula):

    „Mér finnst gay-pride-hátíðin vera löngu komin út fyrir það að vera bara einhver hátíð vegna mannréttindabaráttu samkynhneigðra. Þetta er hátíð fyrir alla þá sem láta sig lágmarksmannréttindi einhverju varða. Alla þá sem eru orðnir leiðir á hatrinu og níðinu - inni á netinu, öllum ógeðslegu kommentunum sem hægt er að segja um alla minnihlutahópa.

Það er engu líkara en sá eini sem fær að vera í friði í þessum heimi sé hvítur straight karlmaður í jakkafötum, hægrisinnaður og á peninga. Og stundum er þessi karlmaður með Biblíuna í annarri hendi og byssuna í hinni. Allt annað má kalla einhverjum nöfnum. Allt annað er hægt að uppnefna: „Helvítis femínisti, helvítis kellingar, helvítis hommar, helvítis þið, bla, bla!“ Þannig að út með kvenfyrirlitninguna, út með fyrirlitningu á öðrum kynþáttum, öðru fólki sem er af annarri stöðu og stétt en þú. Við eigum öll að sitja við sama borð. Og til þess er þessi dagur. Við verðum að gera þetta einu sinni á ári. Við megum ekki sofna á verðinum.“

  Poppkóngurinn hittir naglann á höfuðið.  Hvítir karlmenn átta sig á því að orðum er ekki beint nákvæmlega að þeim sem slíkum.  Straight karlmenn átta sig á því líka.  Sömuleiðis menn í jakkafötum.  Líka þeir sem eiga peninga.  Jafnvel þeir sem eru með Biblíu í annarri hendi og byssu í hinni.  En ekki örfáir hægri öfgamenn sem heyra undir samnefnara þessarar upptalningar.  Þeim finnst að sér vegið.  Og fara hamförum í bloggi og á fésbók.  Vola hátt með fólskuhljóðum.  Friðbjörn Orri hefur varla undan að hlaða bloggfærslum grátkórsins inn á hatursvefinn amx.  Það sýnir að orð Páls eru í tíma töluð.

 

Mikil umræða um orð Páls Óskars

Hænurnar taka yfir

  Það eru ekki margir áratugir síðan Íslendingar fóru að leggja sér hænur til munns.  Hænsnakjötsát þekktist ekki í skagfirskum afdölum í mínu ungdæmi.  Kominm á fullorðinsaldur barst með vindinum slúður um að á veitingastaðnum Aski við Suðurlandsbraut væri gerð tilraun með að matreiða hænur.  Það þótti okkur í Skagafirðinum ólystug frétt.  Þegar á reyndi var þetta meira en slúður.  Þetta var staðreynd.  Ekki leið á löngu þangað til fleiri íslenskir veitingastaðir þreifuðu sig áfram í tilraunum með að elda hænur.  Enda bárust fréttir af því vestan frá Ameríku að þar þættu hænur góðar undir tönn.  Ekki aðeins í Kanada heldur líka í Mexíkó.

  Vinsældir hænsnakjöts undu snöggt upp á sig.  Í dag eru reknir hérlendis veitingastaðir sem selja fátt annað en hænur.  Jú,  náttúrulega franskar kartöflur og kokteilsósu líka. 

  Þessi þróun er ekki bundin við Ísland og Íslendinga.  Þetta er þróunin í heiminum.  Í dag borða jarðarbúar rösklega 95 milljón kíló af hænsnakjöti.  Með sama áframhaldi munu þeir sporðrenna 122,5 milljónum kílóa eftir 9 ár.  Þetta hefur OECD reiknað út.  Það sér hvergi fyrir enda á þessari þróun.  Hænurnar eru að taka yfir.  Ryðja burtu svínakjöti,  beljukjöti,  rollukjöti og svo framvegis.

  Ástæðan er meðal annars sú að einungis örlítill hluti ofsatrúarfólks fúlsar við hænum.  Hinsvegar reka gyðingar,  múslímar og fleiri upp skaðræðisóp ef minnst er á svín.  Þeir,  ásamt kristnum,  æla ef hrossakjöt er á borðum.  Hindúar borða ekki beljur.  Þær eru víst heilagar.  Þannig mætti áfram telja.

  Svo öllu sé til haga haldið þá er tiltekinn hópur bandarískra kántrý-pönkara "á beinu brautinni" (straight edge) andvígir hænsnaáti.  Á móti vegur að þeir eru assgoti skemmtilegir,  eins og MDC (áheyrendur dansa eins og kátir kjúklingar): 

"Ormurin langi" kominn í hágæða upplausn

  Undanfarin mörg ár hafa hátt í 400 þúsund manns skemmt sér konunglega við að skoða á þútúpunni myndbandið við  Orminn langa  með færeysku víkingarokkurunum í Tý.  Gallinn er bara sá að það myndband er í vondri upplausn.  Það er eins og tekið af gamalli og slitinni filmu.

  Nú hefur tekist að hafa upp á höfundi myndbandsins,  Ingólfi Júlíussyni,  og véla hann til að setja myndbandið inn á þútúpuna í hágæða upplausn.  Útkomuna má sjá hér fyrir ofan.  Þetta er allt annað.  Mig grunar að það sé jafnvel hægt að sjá myndbandið í þrívídd með þar til gerðum gleraugum.  Eða allt að því.

  Til samanburðar er vonda útgáfan hér fyrir neðan.

  Ef hjá einhverjum kviknar spurning um það hvers vegna  Ormurin langi  sé stafsettur með einu n í fyrirsögninni þá er svarið þetta:  Þannig er nafn þessa kvæðalags stafsett á færeysku.

  Það er gaman að leyfa  Ólavi Riddararós  að fylgja með:

Færeyskir fjölskyldudagar á Stokkseyri - samantekt

  Með því að smella á eftirfarandi hlekk má sjá dagskrá Færeyskra fjölskyldudaga á Stokkseyri um síðustu helgi:  http://jensgud.blog.is/blog/jensgud/entry/1181666/.  Færeyska hljómsveitin Kvönn hélt hljómleika öll kvöld helgarinnar.  Þetta er "instrumetal" þjóðlagahljómsveit (án söngs).  Nafnið Kvönn er sótt í nafn unga fiðlusnillingsins Angeliku Nielsen.  Angelika er latneska nafnið á kvönn. 

  Angelika var barnastjarna í Færeyjum.  Eða kannski frekar unglingastjarna.  Hún náði ung algjörri snilli á fiðlu.  Og reyndar ýmsu öðru.  14 ára gömul mætti hún á skrautskriftarnámskeið hjá mér í Færeyjum 1998.  Þetta var 3ja kvölda námskeið.  Hún missti af fyrsta kvöldinu.  En strax á öðru kvöldinu dúxaði hún.  Náði kennsluefninu með því sama og varð strax flinkust allra á námskeiðinu.  Hún hafði ekkert fyrir þessu.  Var eins og atvinnuskrautritari frá fyrstu mínútu.

  Nokkru síðar las ég í færeysku dagblaðið að hún hafi dúxað í frönsku.  Ég man ekki hvenær ég las í færeysku dagblaði að hún hafi verið valin í alþjóðlega hljómsveit undrabarna. 

  Einhverjum árum síðar spilaði færeyska djasshljómsveitin Yggdrasil á Íslandi.  Forsprakki hennar,  píanóleikarinn Kristian Blak,  sagði mér að Angelika væri komin í hljómsveitina.  Hann sagðist hafa útskýrt fyrir henni út á hvað djass gengi og á hvaða hátt djass væri ólíkur þjóðlagamúsík.  Síðan var hljómsveitaræfing.  Þá spilaði Angelika eins og hún hefði aldrei spilað annað en djass.  Hún spilaði óaðfinnanlega,  vatt sér í frábær djasssóló og þurfti enga æfingu.  Djassinn var henni eins eiginlegur og að drekka vatn.

  Kvönn bauð upp á fjölbreytta dagskrá.  Hverjir hljómleikar voru öðrum ólíkir.  Til að mynda var flauta eitt af aðalhljóðfærum fyrstu tvo hljómleikana en saxafónn á síðustu hljómleikunum.

  Píanóleikarinn Kristian Blak er skemmtilegur kynnir.  Húmor hans kemst ekki til skila í endursögn.  Hann gerir út á stemmningu augnabliksins.  Ég freistast þó til að nefna þegar hann kynnti til sögu lag frá 18. öld.  Hann sagði það hafa verið spilað í kvikmyndinni um Titanic þegar Titanic sökk.  Niðurlag kynningarinnar var þannig:  "Ég hef ekki séð kvikmyndina en ég hef sé ljósmynd af henni."

  Af öðrum færeyskum skemmtikröftum á Færeyskra fjölskyldudaga má nefna Guðríði (nafnið framborið Gúrí) og Benjamín.  Guðríð er rokkuð vísnasöngkona (alt-folk rock).  Hún er góður lagahöfundur og söngstíllinn í humátt að Kate Bush.  Hún syngur "jöfnum höndum" á færeysku og ensku.  Er mjög góð í gítarpikki.  Hún er með ágæta stöðu í Danmörku,  Þýskalandi og víðar.  Guðríð verður með hljómleika á Menningarnótt í Reykjavík og Airwaves.

  Benjamín er færeyskur gítarleikari,  söngvari og söngvahöfundur (singar/songwriter).  Lög hans eru grípandi.  Hann hefur m.a. spilað með Eivöru.

  Jógvan (nafnið er framborið "Ég vann") sló í gegn á Íslandi sem sigurvegari í X-Factor.  Áður sigraði hann í danska "So You Think You Can Dance".   Þar áður var hann stjarna í Færeyjum með unglingahljómsveitinni Aria. 

  Jógvan afgreiddi dansiball á laugardagskvöldinu á Færeyskum fjölskyldudögum ásamt Vigni Snæ.  Þeir spiluðu báðir á kassagítar.  Að óreyndu er það ekki uppskrift að stuðballi:  Tveir kassagítarar og söngur.  En þeir félagar hröktu allar efasemdir á haf út.  Þeir náðu upp þvílíku fjöri að engan endi ætlaði að taka stanslaust stuðið.  Dansgólfið iðaði allt kvöldið og þeir tvímenningar hittu stöðugt í mark.  Þeir kunnu svo sannarlega að lesa salinn.  Þar munaði um að Jógvan er fyndinn og orðheppinn í kynningum á milli laga.

  Að frátöldu færeyskum skemmtikröftum léku Labbi í Mánum og Bassi sonur hans (trommari) fyrir dansleikjum á föstudags- og sunnudagskvöldi.  Feðgarnir fóru á kostum.  Mér heyrðist sem Labbi væri með einhvers konar bassa-"effekt" á gítarnum þannig að dekkstu tónar væru afgreiddir eins og um bassaleikara væri að ræða.  Studdum af öflugum bassatrommuslætti Bassa. 

  Ýmislegt fleira mætti nefna af vel heppnuðum atriðum á Færeyskum fjölskyldudögum.  Til að mynda flugeldasýninguna,  varðeldinn og smakk á þjóðlegum færeyskum mat (skerpukjöt og ræstkjötssúpa) og færeyskum drykkjum.  Og ekki má gleyma sköruglegum kynningum Sigurgeirs Hilmars.  

  Ég er strax farinn að hlakka til næstu verslunarmannahelgar. 

Fallegur minningaróður

  Systurdóttir mín,  Íris Kjærnested,  vinnur við tónsmíðar í Svíþjóð og víðar.  Hún hefur meðal annars samið tónlist fyrir íslenska auglýsendur.  Þekktastur er sennilega Kjarnafæðisslagarinn ("Veldu gæði,  veldu Kjarnafæði!"),  sem er sunginn í öllum tjaldútilegum og í rútuferðum um landið. 

  Þetta gullfallega lag hér á myndbandinu fyrir ofan samdi Íris til minningar um kæran vin.  Hér er íslensk þýðing á textanum:

SONG FOR DOTÉR (þegar að þú fórst/lést)

.

Heimurinn hefur frosið,
en enginn virðist vita það.
Á miðju sumri
falla minningar sem snjór.
Undir sólhlífum
er óvitund sæla,
en ég myndi ekki skipti henni

í staðinn fyrir allt sem ég hefði misst af (saknað) ...

Ég sakna þín
Ég sakna þín
Ég sakna þín
Hvernig geta þau ekki vitað
að heimurinn staðnæmdist
þegar að þú fórst/lést.

Sólargeisli
sem stjörnurnar tóku.
Nú urðu allir litir
svartir.
Orðin bregaðst mér,
helguð, til einskis
Ég heyri enn í þér:
"Taktu næstu lest!"

Ég sakna þín
Ég sakna þín
Ég sakna þín
Hvernig geta þeir ekki vitað
að heimurinn staðnæmdist
þegar að þú fórst/lést

... að heimurinn staðnæmdist
þegar að þú fórst/lést.

.

Lag, söngur og texti: Íris Kjærnested

Tónlist: Mike Shiver

Frábærlega vel heppnaðir Færeyskir fjölskyldudagar

  Ef lagt er út af málflutningi forsvarsmanna Þjóðhátíðar í Vestmannaeyjum má þakka fyrir að banni á bjórdrykkjum var aflétt og að fulltrúar Stígamóta voru ekki í Vestmannaeyjum um helgina.  Að þeirra mati æsa Stígamót til nauðgana og bjórinn slær á alls konar þannig ofbeldi og annað.  Staðan var því þannig að næstum eins og best var á kosið í Vestmannaeyjum um helgina.  Nauðganir frekar fáar,  aðrar líkamsárásir líka og dópneysla,  tengd bjórleysi,  í lágmarki.

  Þetta eru vandamál sem enginn þarf að velta fyrir sér á Færeyskum fjölskyldudögum á Stokkseyri.  Þar skemmtu allir sér hið besta.  Það kom ekki upp eitt einasta vandamál.  Þvert á móti.  Það var einungis glaðværð sem einkenndi Færeysku fjölskyldudagana.

  Það er ekki auðvelt að átta sig á hvað nákvæmlega margir sóttu heim Færeysku fjölskyldudagana á Stokkseyri um helgina.  Um 300 manns voru á tjaldstæðinu.  Sennilega annar eins fjöldi dvaldi í heimahúsum eða sumarhúsum á Stokkseyri og nágrenni.  Hátíðin var einnig sótt af íbúum á Selfossi,  Hveragerði,  Eyrarbakka og Þorlákshöfn.  Einhverjir óku til og frá höfuðborgarsvæðinu.

  Íbúar Stokkseyrar eru tæplega 500.  Á heimasíðunni www.stokkseyri.is sögðust 44% ætla að sækja Færeyska fjölskyldudaga. 

  Heildartala gesta á Færeyskum fjölskyldudögum er ekki auðútreiknanleg.  Fjöldi dagskráratriða var með ókeypis aðgangi.  Þar af kannski flestir á flugeldasýningu,  varðeldi og bryggjuballi. 

  Ætla má að einhversstaðar á bilinu 700 - 1000 manns hafi tekið þátt í Færeyskum fjölskyldudögum á Stokkseyri í ár.  Einhver sagði mér að um 800 matargestir hafi fengið sér í svanginn á veitingastaðnum Við fjöruborðið um helgina.  Sá veitingastaður er á heimsmælikvarða þegar kemur að humarsúpu og öðrum humarréttum.  Mjög líklega gerðu sumir sér erindi þangað oftar en einu sinni um helgina.  Sjálfur náði ég þar veislu einu sinni um helgina.  Og ætlaði að endurtaka dæmið.  En þá var 90 mínútna biðlisti svo að ég í 20 manna hópi varð frá að hverfa í það skiptið. 

  Meira um Færeyska fjölskyldudaga á Stokkseyri á morgun.

 

„Við erum slegin yfir þessu“

Guðríð á Færeyskum fjölskyldudögum á Stokkseyri

  Guðríð (nafnið er framborið Gúrí) er eitt af stóru færeysku nöfnunum sem skemmta á Færeyskum fjölskyldudögum um helgina.  Hún hefur sent frá sér 3 vinsælar plötur í Færeyjum og nýtur vinsælda í Danmörku,  Þýskalandi og víðar.  Hún hefur tvívegis fengið færeysku tónlistarverðlaunin,  Planet Awards:  Annarsvegar sem "Besta færeyska söngkonan".  Hinsvegar fyrir "Bestu færeysku plötuna". 

  Músíkstíl hennar má lýsa sem alt-folk-rokki.  Það er að segja "alternative" þjóðlagakenndu rokki.  Kate Bush með Jimi Hendrix ívafi.  Eða eitthvað svoleiðis. 

  Með því að smella á þennan hlekk má sjá og heyra smá spjall Arnars Eggerts við Guðríði:  http://www.mbl.is/folk/frettir/2011/07/17/arnar_eggert_a_g_6_hluti/

  Með því að fletta örlítið niður bloggsíðuna mína getur að líta kynningar á fleiri færeyskum tónlistarmönnum sem skemmta á Færeyskum fjölskyldudögum.

Mikilvæg leiðrétting um Færeysku fjölskyldudagana á Stokkseyri

 

  Í Morgunblaðinu í dag stendur skrifað:  "Færeyskir fjölskyldudagar - Stokkseyri.  Skemmtileg fjölskylduhátíð þar sem boðið verður upp á ýmsa viðburði við flestra hæfi.  Fólk verður að borga sig inn á hvern viðburð..."  Þetta er allt rétt nema að fólk þarf ekki að borga sig inn á hvern viðburð.  Flest af því sem stendur gestum til boða á Færeyskum fjölskyldudögum er ókeypis eða á tilboðsverði.  Það sést þegar eftirfarandi dagskrá er skoðuð:

Fimmtudagur 28. júlí

09:00 – 21:00 Kajakaferðir. Róbinson Krúsó ”kannið vatnasvæðið á eigin vegum”

10:00 - 20:00 Álfa-, trölla- og norðurljósasetrið.  Tilboð ef farið er á bæði söfnin

12:00    Veitingahúsið Við Fjöruborðið opnar. Humar, humarsúpa og lambakjöt

13:00 - 18:00 Draugasetrið.  Tilboð ef farið er á bæði söfnin

13:00 - 21:00 Sundlaug Stokkseyrar opin

 

Föstudagur 29. júlí

09:00 – 21:00 Kajakaferðir. Róbinson Krúsó ”kannið vatnasvæðið á eigin vegum”

10:00 - 20:00 Álfa-, trölla- og norðurljósasetrið.  Tilboð ef farið er á bæði söfnin

12:00  Veitingahúsið Við Fjöruborðið opnar. Humar, humarsúpa og lambakjöt

13:00 - 18:00 Draugasetrið.  Tilboð ef farið er á bæði söfnin

13:00    Menningarkaffi opnar í Lista og menningarverstöðinni

13:00 - 21:00 Sundlaug Stokkseyrar opin

13:00 - 18:00 Valgerður Þóra opnar Mósaík vinnustofuna  Aðgangur ókeypis

13:00 - 18:00 Elfar Guðni opnar vinnustofu sína Svartaklett  Aðgangur ókeypis

18:00 –19:00 Diskótek fyrir yngri kynslóðina í Lista og Menningarverstöðinni  Aðgangur ókeypis

Kvöldskemmtun fram á nótt, verð 1900 kall.  

21:00  Benjamin og Kvönn

22:30  Færeyskir dansar

23:30  Pabbi og prinsinn. Labbi (Mánum) og Bassi halda uppi fjörinu fram á rauða nótt

 

Laugardagur 30. júlí

09:00 – 21:00 Kajakaferðir. Róbinson Krúsó

10:00 - 20:00 Álfa-, trölla- og norðurljósasetrið.  Tilboð ef farið er á bæði söfnin

10:00 - 17:00 Sundlaug Stokkseyrar opin

11:00 - 18:00 Veiðisafnið opið

12:00   Kajakakennsla fyrir 6-12 ára  Aðgangur ókeypis

12:00   Veitingahúsið Við Fjöruborðið opnar. Humar, humarsúpa og lambakjöt

13:00   Dorgveiðikeppni á Stokkseyrabryggju (hafið veiðitól með)  Aðgangur ókeypis, vegleg verðlaun

13:00 - 18:00 Draugasetrið. EXTRA MIKLIR REIMLEIKAR. Tilboð ef farið er á bæði söfnin

13:00    Menningarkaffi opnar í Lista og menningarverstöðinni

13:00 - 18:00 Valgerður Þóra opnar Mósaík vinnustofuna  Aðgangur ókeypis

13:00 - 18:00 Elfar Guðni opnar vinnustofu sína Svartaklett  Aðgangur ókeypis

14:00   Listaverkið Brennið þið vitar kynnt í Lista og menningarverstöðinni  Aðgangur ókeypis

15:00   Tónleikar með KVÖNN. Verð 1000 kall.

17:00 - 18:00 Diskótek fyrir yngri kynslóðina í Lista og Menningarverstöðinni  Aðgangur ókeypis

18:00 - 19:00 Kennsla í færeyskum dönsum  Aðgangur ókeypis

Kvöldskemmtun fram á nótt, verð 2500 kall.

20.00  Stór tónleikar með KVÖNN

21:00  GUÐRIÐ

22.30  ”Ólavur Riddararós” FØROYSKUR DANSUR

23.00   Jógvan Hansen og Vignir Snær halda uppi fjöri fram á rauða nótt

 

 

Sunnudagur 31. ágúst

09:00 – 21:00  Kajakaferðir

10:00 - 20:00  Álfa-, trölla- og norðurljósasetrið.  Tilboð ef farið er á bæði söfnin

10:00 - 17:00  Sundlaug Stokkseyrar opin

11:00 - 12:00  Angelica og Kristian gleðja sjúklinga á Sjúkrahúsi Suðurlands í boði GT

11:00 - 18:00  Veiðisafnið opið

12:00  Veitingahúsið Við Fjöruborðið opnar. Humar, humarsúpa og lambakjöt

13:00 - 18:00  Draugasetrið.  Tilboð ef farið er á bæði söfnin

14:00   Kappróðurskeppni á Kajak (öllum opin) Aðgangur ókeypis, vegleg verðlaun

13:00   Menningarkaffi opnar. Listsýningar o.fl.  Aðgangur ókeypis

13:00 - 18:00  Valgerður Þóra opnar Mósaík vinnustofuna  Aðgangur ókeypis

13:00 - 18:00  Elfar Guðni opnar vinnustofu sína Svartaklett  Aðgangur ókeypis

15.00 Tónleikar með Angelika, Kristian og hljómsveit. Verð 1000 kall.

16:00 Færeyskt smakk.  Ókeypis fyrir tónleikagesti 

16.30   ”Dvørgamøy” FØROYSKUR DANSUR  Aðgangur ókeypis

22.00   Brenna og bryggjusöngur með Labba og færeyskum listamönnum  Aðgangur ókeypis

23.00   Glæsileg flugeldasýning í boði Guðmundar Tyrfingssonar ehf.  Aðgangur ókeypis

Kvöldskemmtun fram á nótt, verð 1500 kall.

23:30 Pabbi og prinsinn. Labbi (Mánum) og Bassi halda uppi fjörinu fram á rauða nótt + óvæntar uppákomur og kveðjupartý með færeysku listamönnunum.

 

Viltu frípassa á Færeysku fjölskyldudagana á Stokkseyri?

 

  Það er auðvelt að eiga möguleika á fríum helgarpassa á Færeysku fjölskyldudagana á Stokkseyri um helgina.  Það er nefnilega í gangi skemmtilegur leikur sem gerir þér þetta kleift.  Passinn gildir inn á alla dansleiki helgarinnar og alla aðra kvölddagskrá Færeysku fjölskyldudaganna.

  Þú þarft að smella á þennan hlekk:  http://www.facebook.com/pages/F%C3%A6reyskir-fj%C3%B6lskyldudagar/140770739276188

  Því næst þarftu að "skrolla" örlítið niður síðuna sem birtist.  Þar finnur þú innlegg,  merkt Færeyskir fjölskyldudagar.  Næsta innlegg fyrir neðan innlegg Ólöfu Lóu Jónsd.  Lestu textann í innleggi Færeyskra fjölskyldudaga og gerðu eins og þar segir.

  Heppilegt er að hafa hraða á vegna þess að leiknum lýkur klukkan 15.00 á morgun (Þórsdegi 28. júlí) með því að 10 nöfn þátttakenda verða dregin út.

  Hér í bloggfærslum fyrir neðan má sjá smávegis upplýsingar um Færeyska fjölskyldudaga.  

   

Jógvan á Færeyskum fjölskyldudögum á Stokkseyri um helgina

  Hver færeyska súperstjarnan á fætur annarri skemmtir á Færeyskum fjölskyldudögum á Stokkseyri um helgina.  Ég ætla að kynna þær helstu hér á þessum vettvangi.  Í gær kynnti ég til sögunnar píanóleikarann Kristian Blak.  Núna er röðin komin að Jógvani.  Hann er vitaskuld súperstjarna á Íslandi eins og í Færeyjum.  Samt hef ég orðið var við að margir Íslendingar eru með ranghugmyndir um Jógvan og almenningur þekkir lítið til hans annað en að hann sigraði með glæsibrag í X-Factor (með 70% atkvæða) og hefur farið í undanúrslit með lög í söngvakeppni evrópskra sjónvarpsstöðva,  Júrivisjón.  Gott ef munaði ekki 1% eða svo í eitt skiptið að hann færi með lag í aðalkeppnina í útlandinu.

  Ranghugmyndir um Jógvan snúa að því að hann er poppstjarna.  Fyrst og fremst þekktur sem slíkur fyrir létt og poppuð dægurlög.  En hann getur líka brugðið sér í rokkaragalla.  Rokkað hressilega.  Einnig er sterk þjóðlagataug í honum.  Á hljómleikum er hann góður og fyndinn sviðsmaður.  Hann var á Færeyskum fjölskyldudögum fyrir tveimur árum og fór á kostum.  Afgreiddi frammíköll frá áhorfendum með hnyttnum tilsvörum og lék á alls oddi.  Það er tilhlökkun að sjá hann aftur á Færeyskum fjölskyldudögum nú um helgina.

  Það sem farið hefur hljótt er að Jógvan sigraði í sjónvarpsþættinum  So You Can Dance  fyrir mörgum árum.  Það er að segja í dönsku útgáfunni af þættinum.  Því til viðbótar er ekki á allra vitorði að Jógvan var vinsæl unglingastjarna í Færeyjum sem söngvari í popprokkssveitinni Aría.  Eftir Aríu liggur ein plata sem var ofurvinsæl í Færeyjum.

  Jógvan er liðtækur fiðluleikari,  jafnframt því að spila á gítar.  Hann er alveg að detta inn í föðurhlutverk.  Það er lítill Jógvan á leiðinni.

  Nánar um Færeyska fjölskyldudaga á Stokkseyri:

http://www.facebook.com/notes/f%C3%A6reyskir-fj%C3%B6lskyldudagar/f%C3%A6reyskir-fj%C3%B6lskyldudagar-2011-dagskr%C3%A1/222655274436351

Kristian Blak á Færeyskum fjölskyldudögum á Stokkseyri um næstu helgi

  Færeyskir fjölskyldudagar eru nú haldnir um verslunarmannahelgina á Stokkseyri í þriðja skipti.  Þeir tókust rosalega vel í fyrri tvö skiptin.  Það var stanslaust fjör og mikil gleði.  Nákvæmlega ekki eitt einasta vandamál kom upp.  Engin slagsmál og ekki svo mikið sem deilur.  Að vísu kom upp í fyrra smávægilegur ágreiningur í lok knattspyrnukeppni á milli Færeyinga og Íslendinga.  Íslendingar unnu leikinn en einn færeysku leikmannanna hélt því fram að Íslendingar hafi verið rangstæðir allan leikinn.  Enginn leikmanna studdi ásökunina og þetta var ekki rætt frekar. 

  Meðal skemmtikrafta á Færeyskum fjölskyldudögum í ár er hljómborðsleikarinn Kristian Blak.  Hann er aðal driffjöðrin í færeysku tónlistarlífi undanfarin 35 ár eða svo.  Meðal annars rekur hann eina stóra plötufyrirtækið í Færeyjum,  Tutl (framborið tútl).  Það fyrirtæki hefur gefið út plötur með öllum helstu færeyskum tónlistarmönnum.  Þar á meðal Eivöru,  Tý,  Jógvan,  200,  Clickhaze, Teit,  Högna,  Orku,  Kvönn og svo framvegis.  Í fyrra gaf Tutl út plötuna  Baldur  með íslensku víkingarokkurunum Skálmöld.

  Kristian Blak hefur gert út fjölda hljómsveita.  Þar á meðal þjóðlagasveitina Spælimeninir og samnorrænu djass-rokkshljómsveitina Yggdrasil.  Um nokkurra ára skeið var Eivör í Yggdrasil og söng með hljómsveitinni á hljómleikum hérlendis.

  Kristian Blak er stuðkall og verður klárlega hrókur alls fagnaðar á Færeysku fjölskyldudögunum um helgina.  Myndbandið hérna efst segir frá hljómleikum sem Kristian Blak stendur árlega fyrir á færeysku eyjunni Mykanes. 

  Með því að smella léttilega á eftirfarandi hlekk má sjá dagskrána á Færeyskum fjölskyldudögum:

http://www.facebook.com/notes/f%C3%A6reyskir-fj%C3%B6lskyldudagar/f%C3%A6reyskir-fj%C3%B6lskyldudagar-2011-dagskr%C3%A1/222655274436351

 

Íslenskir fjölmiðlar og G!Festival

  Í ársbyrjun 2001 vissu Íslendingar fátt sem ekkert um færeyska tónlist.  Og vildu ekki af henni vita.  Svo sló  Ormurin langi  með Tý rækilega í gegn.  Þökk sé Guðna Má á rás 2.  Ormurin langi  varð vinsælasta lagið á Íslandi 2002.  Í kjölfar opnuð allar gáttir og Íslendingar uppgötvuðu að í Færeyjum var fjörlegt og blómlegt tónlistarlíf.  Íslendingar uppgötvuðu hverja hágæða færeysku poppstjörnuna á fætur annarri:  Eivör,  Makrel,  Clackhaze,  Hanus G.,  200,  Kára Sverrison,  Yggdrasil og svo framvegis.  Talað var um færeysku bylgjuna.  Færeyska barnastjarnan Brandur Enni varð ofurstjarna á Íslandi.  Næstu ár sá hvergi fyrir enda á vinsældum færeyskra tónlistarmanna á Íslandi:  Högni,  Teitur,  Lena Andersen,  Deja Vu,  Gestir,  Boys in a Band,  Orka og ég áreiðanlega að gleyma hellingi af nöfnum.

  2002 var fyrsta G!Festivalið haldið í Götu í Færeyjum.  Í ár var G!Festival haldið í 10. sinn.  Það hefur verið gaman að fylgjast með þróun G!Festivals,  áhuga Íslendinga á því og ekki síst afgreiðslu íslenskra fjölmiðla á þessari stærstu árlegu rokkhátíð í Færeyjum.

  Vel á annað hundrað Íslendinga sótti G!Festival í ár.  Þar á meðal voru íslenskir tónlistarmenn þátttakendur í dagskránni og íslenskir fjölmiðlar fylgdust náið með.  Þau íslensku nöfn sem mest kvað á í dagskránni voru Mugison og þungarokkssveitin Skálmöld.  Þeirra nöfn eru vel þekkt í Færeyjum.

  Rás 2,  X-ið,  Morgunblaðið,  DV og Fréttablaðið áttu sína "tíðindamenn" á G!Festivalinu.  Morgunblaðið trompaði með tíðum sjónvarpspistlum frá hátíðinni.  Arnar Eggert fór þar á kostum í virkilega vel unnum sjónvarpsþáttum á mbl.is (fólk),  svo og í blaðagreinum í prentmiðlinum.

  Atli Fannar gerði G!Festivali góð skil í helgarblaði Fréttablaðsins og laugardagsþætti sínum á X-inu.  X-ið var jafnframt með leik þar sem hlustendur unnu ferð á G!Festivalið.

  Andrea Jóns tók viðtöl við færeyska tónlistarmenn fyrir rás 2 og hefur verið að mjatla þeim út í kvölddagskrá rásar 2.  Andrea er snillingur eins og flestir eiga að vita.

  Sjálfur afgreiddi ég G!Festivali í opnufrásögn í DV síðasta miðvikudag.  Og einnig í nokkrum fréttum á netmiðli DV.

  Þetta er gaman.  Ekki síst vegna þess að flestir færeysku tónlistarmennirnir sem skemmtu á G!Festivali í ár hafa áður spilað á Íslandi:  Týr,  Hamferð,  Guðrið Hansen,  Högni,  Orka,  Búdam,  Benjamín,  Sic,  Spælimeninir,  Pétur Pólsen og enn og aftur er ég áreiðanlega að gleyma einhverjum. 

  Um verslunarmannahelgina verður Færeysk fjölskylduhátíð á Stokkseyri.  Það skemmta meðal annarra Kristian Blak,  Benjamín,  fiðlusnillingurinn Angelika Nielsen,  Guðrið og Jógvan.  Ég mun blogga um það ævintýri innan tíðar.