Endurkoma Gildrunnar

  Hljómsveitir hætta aldrei.  Þessu heldur Óli Palli stundum fram á rás 2.  Og víst er að í sumum tilfellum er meiri ástæða til að halda hljómsveitum á lífi en setja punkt fyrir aftan feril þeirra.  Þó ekki sé nema til að húrra hljómsveitinni saman einu sinni enn í tilefni einhvers viðburðar.  Það þarf svo sem ekki endilega tilefnið.  Bara upp á fjörið að gera.

  Gildran í Mosfellsbæ á þrítugs afmæli í ár.  Þeim tímamótum er fagnað með endurkomu Gildrunnar.  Hljómsveitin heldur stórhljómleika í Hlégarði 1. maí.  Forsala aðgöngumiða er þegar hafin.  Nú kætast margir.    

  Gildran var til fjölda ára ein helsta rokkhljómsveit landsins.  Framan af var rokkið þokkalega hart.  Með árunum mýktist það.  Lögin urðu ljúfari og rafmagnsreikningurinn lækkaði.  En samt alltaf stutt í rokkgírinn.

Athugasemdir

[Hamarinn, 24.4.2010 kl. 18:30]

30 ár held ég að það sé.

[Jens Guð, 24.4.2010 kl. 18:35]

  Hamarinn,  takk fyrir það.  Getur það verið?  Fyrsta platan kom út 1987.  Ja,  þetta er kannski tilfellið.

[Hamarinn, 24.4.2010 kl. 18:57]

Fyrsta platan kom löngu eftir að þeir byrjuðu að spila saman.

En hvar get ég keypt miða?

[Hamarinn, 24.4.2010 kl. 19:03]

Jens

Farðu inn á bloggsíðu Karls Tómassonar, þar eru tvö ný lög.

[Jens Guð, 24.4.2010 kl. 19:29]

 Hamarinn,  ég er búinn að lagfæra þetta með aldur hljómsveitarinnar í bloggfærslunni.  Á bloggsíðu Kalla sannreyndi ég að þetta var rétt hjá þér.  Þar kemur fram að forsala hafi verið í Hlégarði fyrir nokkrum dögum.  

  Líklegt þykir mér að áfram séu miðar seldir í Hlégarði.  Nema það sé þegar uppselt?

[Guðmundur Júlíusson, 24.4.2010 kl. 19:38]

Þarna var á ferð alvöru rokkband sem ég hafði dálæti á, gaman að þeir sjái sér færi að koma saman á ný

[Gjagg (IP-tala skráð) 24.4.2010 kl. 21:27]

Sendiherra Danmerkur í Noregi segir ad öskufrítt sé í 30,22 m haed, sem er nýtt haedarheimsmet í Legokubbabyggingu. 

http://www.aftenposten.no/nyheter/oslo/article3621710.ece

[Jens Guð, 24.4.2010 kl. 21:33]

  Guðmundur,  Gildran hefur gert margt flott. 

[Jens Guð, 24.4.2010 kl. 21:37]

  Gjagg,  takk fyrir þessar góðu fréttir.

[TómasHa, 24.4.2010 kl. 23:05]

Nú þekki ég ekki Gildruna svo vel en hvað hafa þeir annað merkilegt gert? Mér finnst þegar ég hlusta á þetta hljóma taktarnir hans Gulla Falk út um allt, hafa þeir slegið í gegn með einhverju öðru lagi?

[Jens Guð, 25.4.2010 kl. 21:42]

  Tómas,  Gildran hefur átt nokkur vinsæl lög.  Til að mynda þessi:

"Mærin": 

http://www.youtube.com/watch?v=eWg71heNVcM&feature=related

"Værðin":

http://www.youtube.com/watch?v=rjTWqTzVSts&feature=related

Og fína reggí-ballaðan "Andvökunætur"

http://www.youtube.com/watch?v=S12ZRtzMHEA&feature=related

   Ég ætla að þú kannist við þessi lög þegar þú heyrir þau.  Til viðbótar þeim átti Gildran vinsælt lag sem var sungið á spænsku.  Ég fann það ekki í fljótu bragði á Þútúpunni.  Þó ég setji hlekk á þessi lög hér þá er ég sjálfur meira fyrir harðari rokklögin með Gildrunni.  Hljómsveitin á til góða rokkspretti.  Þau lög eru hinsvegar lítið spiluð í útvarpi.

Þó Gulli Falk sé í Gildrunni á myndbandinni held ég að Sigurgeir Sigmundsson hafi yfirleitt séð um gítarleikinn þar á bæ.  

[Brynjar Klemensson (IP-tala skráð) 27.4.2010 kl. 06:07]

Jens eigum við ekki að mæta og fila rockið i botn KV.  B START.

[Jens Guð, 27.4.2010 kl. 19:37]

  Billi Start,  þetta er úrvals tilefni til að kýla á rokk!