Gífurlegur ávinningur af eldgosinu

  Einhverra hluta vegna hefur verið ólund í mörgum vegna eldgossins í Eyjafjallajökli.  Svokallaðir farþegar á flugvöllum hérlendis,  erlendis og víðar hafa vælt eins og bandarískir hnefaleikarar undan eldgosinu.

  Stjórnmálamenn og hagsmunafólk í túrhestaiðnaði hafa vælt undan því að forseti Íslands svari spurningum erlendra fréttamanna um eldgos á Íslandi án þess að ljúga einhverju sniðugu í anda 2007.  Annað eftir því. 

  Það sem gleymst hefur í umræðunni um eldgosið er góða hliðin á málinu.  Út frá umhverfisverndarsjónarmiði er eldgosið happdrættisvinningur.  Flugvélar eru einhver mesti skaðvaldur gagnvart ósonlaginu rétt fyrir neðan himininn og gróðurhúsaáhrifin eru flugvélum að kenna.  Þær menga svo svakalega.  Að auki eru þær frekar á takmarkaðar bensínbirgðir heimsins.

  Eldgosið í Eyjafjallajökli hefur kyrrsett flugvélarnar þvers og kruss um heim dögum og vikum saman.  Þannig hefur eldgosið dregið stórlega úr mengun,  bensínbruðli og allskonar.  Betra gerist það ekki.

.

Sami gangur í gosinu

Athugasemdir

[Hannes, 29.4.2010 kl. 22:10]

Hefur þú reiknað út hversu mkið þú mengar við að borða og anda? Ég er mest hissa á að öfga umhverfissinnar fremji ekki sjálfsmorð í stórum stíl til að koma í veg fyrir mengun.

[ThoR-E, 29.4.2010 kl. 22:44]

Evrópski flugflotinn setur um 344.000 tonn af CO2 út í adrúmsloftið á meðan gosið í Eyjafjallajökli blæs út eitthvað um 15.000 tonnum af CO2.

Bara gott fyrir jörðina að fá eitt og eitt eldgos á nokkra ára fresti.

Og já, það voru margir ósáttir við þessa lokanir á flugvöllunum. Ýmislegt sagt á FB síðum og í athugasemdum við erlendar fréttir um Ísland, sem og íslendinga. Ekki mjög fallegt.

[Hamarinn, 29.4.2010 kl. 23:23]

Afi minn hét Hilaríus. Alveg satt.

[Grefillinn Sjálfur - Koma svo! (IP-tala skráð) 30.4.2010 kl. 00:12]

"Hættu að þvaðr'um hann afa þinn." - Mikki Refur.

[Jens Guð, 30.4.2010 kl. 00:17]

   Hannes, ég er ekki vel að mér í þessum málum.  Ég er sinnulaus og fáfróður umhverfið, umhverfisvernd, mengun,  útblástur,  gróðurhúsaáhrif og það allt.  Alveg úti á túni. 

[Jens Guð, 30.4.2010 kl. 00:18]

  AceR,  takk fyrir fróðleikinn.

[Jens Guð, 30.4.2010 kl. 00:19]

   Hamarinn, ég átti tvo afa. Í það minnsta.  Annar hét Stefán.  Hinn hét Jens Kristján.  Alveg satt.

[Jens Guð, 30.4.2010 kl. 00:20]

   Grefill,  þetta var vel mælt hjá Mikka og skal haldið til haga.

[Hamarinn, 30.4.2010 kl. 00:23]

Sagði þetta bara af því þú settir inn myndband með Hilarious.

Það er nú ekki algengt nafn hér á landi.

[Sanon (IP-tala skráð) 30.4.2010 kl. 01:34]

þu ert barn í alltof storum likama

[Jón Logi (IP-tala skráð) 30.4.2010 kl. 09:49]

Nokkrir punktar, og reynið að hnekkja þeim!

-Ósonlagið hefur hingað til aðallega skaðast af öðru en flugvélum, - aðallega kælitækjum, og þá sérdeilis ódýrri kynslóð kælitækja, svo og spreybrúsa.

- Losun CO2 frá flugvélum er afar lítil miðað við það sem kemur frá bílum.

- Losun CO2 frá eldfjöllum er sáralítil (ca 1%) miðað við losun CO2 af mannavöldum

- "Útblástur" eldfjalla hefur venjulega kólnunaráhrif í för með sér.

En Jens, - þú hefur væntanlega verið þarna með svartan húmor....

[ThoR-E, 30.4.2010 kl. 10:25]

Þetta átti auðvitað að vera 344.000 tonn af CO2 á hverjum degi. Á meðan gosið sprengdi út úr sér c.a 15.000 tonnum á dag.

Kv.

[Grefillinn Sjálfur - Koma svo! (IP-tala skráð) 30.4.2010 kl. 11:18]

Skyldi hljómsveitin Aska hafa verið til?

[Axel Þór Kolbeinsson, 30.4.2010 kl. 13:19]

Hljómsveitin Aska eða Ash.

[Jens Guð, 30.4.2010 kl. 23:06]

  Hamarinn,  rétt er það.  Hilarious er sjaldgæft nafn hérlendis en algengt í Bandaríkjunum.

[Jens Guð, 30.4.2010 kl. 23:08]

  Sanon,  ég er alltof stórt barn í litlum líkama.

[Jens Guð, 1.5.2010 kl. 15:20]

  Jón Logi,  ég reyni ekki að hnekkja þessum punktum.  Ég hef ekkert vit á svona.

[Jens Guð, 2.5.2010 kl. 18:33]

  AceR,  takk fyrir leiðréttinguna.

[Jens Guð, 2.5.2010 kl. 18:38]

  Grefill og Axel Þór,  írska pönk-popp hljómsveitin Ash er heimsfræg.  Hún hefur meðal annars haldið hljómleika hérlendis.  Vinsælasta lagið þeirra heitir  Girl from Mars.