Missið ekki af

  Kosningabaráttan hefur verið í daufara lagi.  Það er doði yfir öllu.  Fólk er eins og dofið eftir allar upplýsingarnar um gengdarlausa spillingu,  grófar einkavinavæðingar,  mútur,  keypta stjórnmálamenn,  bankarán,  siðblindu og það allt.  Og sér hvergi fyrir enda á svindlinu og svínaríinu.  - Þó varaformannsefni Sjálfstæðisflokksins,  Ólöf Nordal,  stappi stálinu í flokksbræður sína með hughreystandi ummælum á borð við:  "Þessi Rannsóknarskýrsla og þetta allt saman er að þvælast eitthvað fyrir okkur tímabundið."  Gagnrýni á spillinguna líður hjá eins og hver annar þynnkuhausverkur.  

  Á milli klukkan 4 og 5 í dag verður spennandi dagskrá á Útvarpi Sögu.  Þar munu etja kappi Ólafur F.  Magnússon,  leiðtogi H-lista,  framboðs um heiðarleika og almannahagsmuni,  og Einar Skúlason,  frambjóðandi Framsóknarflokksins.  Mér segir svo hugur að þetta verði hressilegur þáttur.  Ég spái því að Ólafur muni leggja Einar á hné sér og hýða hann á bossann með upprifjunum um margháttaða grófa spillingu Framsóknarflokksins í Reykjavík (eins og víðar). Af nógu er að taka.

 

 

 

 

 

 

 

 

 

  Fyrir þá sem ekki vita sendir Útvarp Saga út á FM 99,4 á suð-vestur horninu.  Ég veit ekki með aðra landshluta.  Áreiðanlega er hægt að finna upplýsingar um það á www.utvarpsaga.is.  Það er sömuleiðis hægt að hlusta á stöðina beint af þeirri heimasíðu.

.

.  

Skattar munu hækka eitthvað

Athugasemdir

[Benedikt Gudmundsson (IP-tala skráð) 25.5.2010 kl. 13:34]

Tekur því ekki að hlusta á þetta, hvorugur kemst inn hvort eða er.

[Jens Guð, 25.5.2010 kl. 18:33]

  Benedikt,  einhverra hluta vegna mætti Hjálmar Jónsson frá Samfylkingu í staðinn fyrir Einar.  Þetta var fróðlegur þáttur og áheyrilegur.