Sjáið Eivöru sem Marilyn Monroe

  Hér er skemmtileg mynd af færeysku álfadrottningunni Eivöru í hlutverki Marilyn Monroe í óperunni  Anyone Can See I Love You  á sviði í Kanada í gær.   Með á myndinni er mótsöngvari hennar,  breski baritónsöngvarinn Richard Morris.  Óperan er sögð vera djasskennd og sönghlutverk Eivarar er skrifað í tónhæð Marilyn Monroe.  Sjá meira um óperuna hér:  http://www.jensgud.blog.is/blog/jensgud/entry/1063834/

  Fleiri góðar fréttir af Eivöru:  Nýja platan hennar,  Larva,  hefur verið að rokka um sæti 5 til 7 á íslenska vinsældalistanum yfir söluhæstu plöturnar undanfarnar vikur.  Hún er í 6.  sætinu þessa vikuna.  Það er næsta víst að  Larva  á eftir að seljast vel á löngum tíma.  Hún er töluvert seinteknari en fyrri plötur Eivarar.  Það tekur þess vegna nokkurn tíma fyrir marga að "ná" plötunni.  Þegar þeim hjalla er náð er auðheyrt að  Larva  er besta plata ársins 2010.  Sjá umsögn:  http://jensgud.blog.is/blog/jensgud/entry/1057725

  Upphafslag  Larva,  Undo Your Mind,  hefur dvalið í efstu sætum vinsældalista rásar 2 nú um nokkurra vikna skeið.  Í dag er lagið í 2.  sæti.  Næstu tvær vikur á undan var það í toppsætinu.  Frábært lag,  samið og útsett undir áhrifum frá James Bond.  Það er gaman að bera saman Eivöru á myndbandinu hér fyrir neðan og Eivöru í hlutverki Marilyn Monroe hér fyrir ofan.

 

Athugasemdir

[Helga Kristjánsdóttir, 13.6.2010 kl. 23:33]

  Bestu lögin eru oft þau sem vinna á eftir því sem maður heyrir þau oftar. Datt inn á 1 laga hennar án þes að átta mig á að hún syngi það,fannst það mjög gott.  
                                          Hún hlýtur að syngja ,,happy birthday,mr. president,, í operunni.

[Jens Guð, 13.6.2010 kl. 23:50]

  Helga,  ég hef ekki séð söngskrána.  En mér þykir líklegt að afmælissöngurinn sé sunginn.  Að vísu er þessi ópera nokkuð hátíðleg.  Kammersveit og allur pakkinn.  Þegar Eivör var hér á Íslandi um daginn vissi hún lítið um þessa óperu.  Ég hef lesið í kanadískum blöðum að skrifað er um að Eivör sé lærð í óperusöng en þurfi að túlka söngstíl Marilyn Monroe.  Sem vel að merkja var þokkalega góð söngkona þó hún hafi ekki verið neitt verulega yfirburðagóð söngkona eins og Eivör. 

[Hannes, 14.6.2010 kl. 00:13]

ZZZZZ?????ZZZZZ?????ZZZZZ?????ZZZZZ?????. Marilyn Monroe er álíka leiðinleg og Eivör.