Eivör, Högni, Kristian Blak og fleiri á færeyskri tónlistarhátíð um verslunarmannahelgina

  Um verslunarmannahelgina verður haldin á Stokkseyri glæsileg færeysk tónlistarhátíð,  Atlantic 2010.  Margir af helstu tónlistarmönnum Færeyja koma þar fram.  Þar á meðal margir sem hafa notið og njóta vinsælda hérlendis.  Hæst bera nöfn á borð við Eivöru,  Högna Lisberg,  Kristian Blak,  Angelika Nielsen,  Ívar Bærentsen,  Sharon Weiss,  Mikael Blak og fleiri.  Samtals hátt í tuttugu manns. 

  Um verslunarmannahelgina í fyrra var svona færeysk tónlistarhátíð sett upp á Stokkseyri í fyrsta skipti.  Hún tókst afskaplega vel í alla staði.  Gestir höfðu sjaldan skemmt sér eins vel.  Dagskrá var töluvert meiri en "bara" færeysk tónlist.  Til að mynda var varðeldur,  fjöldasöngur og allskonar.  Jafnframt voru Draugasetrið og Álfasafnið opin ásamt ýmsu öðru spennandi og áhugaverðu á Stokkseyri.

  Ég mun nánar segja frá Atlantic 2010 þegar nær dregur.

     

Athugasemdir

[Ásdís Sigurðardóttir, 5.7.2010 kl. 15:25]

Ég verð að renna þangað með húsbandið, hann komst að því á þessu ári að hann er hálfur Færeyingur, við verðum að kíkja á sveitunga hans.

[Ómar Ingi, 5.7.2010 kl. 19:15]

Það var og.

[Hannes, 5.7.2010 kl. 19:42]

Þá veit ég hvaða stað ég mun forðast um verslunarmannahelgina.

[Jens Guð, 5.7.2010 kl. 22:38]

  Ásdís,  ég sé ykkur hjónin um verslunarmannahelgina á Stokkseyri.

[Jens Guð, 5.7.2010 kl. 22:39]

  Ómar Ingi,  þetta er spennandi.

[Jens Guð, 5.7.2010 kl. 22:39]

  Hannes,  þú missir af fjörinu um verslunarmannahelgina.

[Hannes, 5.7.2010 kl. 22:46]

Jens ég myndi segja að ég myndi frekar missa af aðal leiðindunum.

[Jens Guð, 5.7.2010 kl. 23:08]

  Hannes,  það verða svo sem hvorki kanadísk kántrýsöngkona,  grískur grátsöngvari né rússneskur karlakór þarna.  Blessunarlega fyrir mína bjórdós.  En eða einmitt þess vegna verður fjörið á útopnu á Stokkseyri um verslunarmannahelgina.

[Hannes, 5.7.2010 kl. 23:48]

Hahahahaha sem sagt ömurleg skemmtun á mannamáli.

[Jens Guð, 6.7.2010 kl. 00:35]

  Nei,  bara frábær skemmtun út í eitt.  Toppurinn um verslunarmannahelgina. 

[Hannes, 6.7.2010 kl. 20:07]

Jens ferkar sit ég heima með vindill og vískí einn en að fara á þennan hrylling.

[Jens Guð, 6.7.2010 kl. 20:58]

  Hannes,  það er líka hægt að drekka viskí og reykja vindil á Stokkseyri um verslunarmannahelgina.  Munurinn er sá að þar er einnig hægt að upplifa frábæra færeyska músík af ýmsu tagi.

[Hannes, 6.7.2010 kl. 22:32]

Jens. Það er bannað að reykja inn á stöðum og svo kostar viskíið þar allt of mikið.