Kvótakóngur eyðilagði sjóvarnargarð

 

  Siglingastofnun og bæjaryfirvöld á Seltjarnarnesi hafa skikkað Guðmund Kristjánsson,  aðaleiganda Brims hf.,  til að endurreisa sjóvarnargarð sem Guðmundur lét fjarlægja úr fjörunni við Nesveg.  Garðurinn var reistur á sínum tíma til að afstýra hættu af flóðum.   Flóðavarnagildi garðsins skipti kvótakónginn engu máli.  "Mér fannst hann ljótur," útskýrir kóngurinn uppátæki sitt.

  Það eru fleiri en sá er stendur gegn því að blind kona fái hjálparhund sem hugsa bara um naflann á sjálfum sér.

Athugasemdir

[Grefill (IP-tala skráð) 12.7.2010 kl. 11:35]

Þetta þýðir væntanlega að nú fá Seltirningar flottari varnargarð. Fátt er svo með öllu illt ...

[Jóhannes Laxdal Baldvinsson, 12.7.2010 kl. 12:05]

Seltjarnarnesið er lítið og lágt
lifa þar fáir og hugsa smátt.....

Ég hjólaði nú þarna hringinn um daginn en tók ekki eftir þessu raski. Tók hins vegar eftir öllu þessu ónýtta byggingarlandi sem er á nesinu. Það er í raun fáánlegt hvernig sveitarfélögin á höfuðborgarsvæðinu hafa stýrt skipulagsmálum hvert í sínu horni án nokkurrar framtíðarsýnar eða samstarfs. Nú þarf að gera sameiningu Reykjavíkur, Seltjarnarness og Álftaness (Bessastaðahrepps), að forgangsmáli

[Jóhannes Laxdal Baldvinsson, 12.7.2010 kl. 12:09]

p.s Hafnarfjörður, Garðabær og Kópavogur gætu svo sameinast til að mynda mótvægi. Hvernig væri það? Hugsið ykkur allan sparnaðinn í rekstri allrar þjónustu, sem slíkar sameiningar leiddu af sér

[Grefill (IP-tala skráð) 12.7.2010 kl. 12:15]

Já, en hugsaðu þér þá alla bæjarstjórnendurna sem missa stöðu sína. Þetta er fólk sem getur ekki lifað ef speninn hverfur.

[H.T. Bjarnason (IP-tala skráð) 12.7.2010 kl. 17:41]

Þetta ónýtta byggingarland er í raun að megninu til friðlýst svæði.

[Hannes, 12.7.2010 kl. 18:56]

Það er allt í lagi þó að það flæði aðeins yfir þarna eins og 1 sinni á ári enda velur fólk að byggja þarna.

Það er góð hugmynd að sameina Reykjavík, Seltjarnarnes og Álftanes enda miklu hagkvæmara að reka þetta sem eina einingu. Það er ódýrara að hafa afæturnar á atvinuleysisbótum en að hafa þá í stjórnmálum.

[Aðalsteinn Agnarsson, 12.7.2010 kl. 19:07]

Guðmundur er líka búinn að færa  okkur öll aftur á miðaldir, almenningur  má ekki

lengur róa til fiskjar og fénýta aflann. Þetta gerir Guðmundur, svo verksmiðjuskipinn

hans geti verið að allt árið að veiðum.

[Ómar Ingi, 12.7.2010 kl. 20:14]

Er hann kallaður Garðar ?

[Jens Guð, 12.7.2010 kl. 23:20]

  Grefill,  ég hef litla trú á að flóðavarnargarðurinn verði flottari í hleðslu kvótakóngsins.  Hinsvegar þykir mér merkileg þessi sjálfhverfni hans að setja alla nágranna sína í flóðahættu fyrir það eitt að honum þykir sjóvarnargarðurinn ljótur.  Það er umhugsunarvert hvernig svona maður hugsar.  Eftir að hafa keypt glæsihýsi.  Rifið það og byggt annað miklu stærra og glæsilegra og ryðja síðan flóðavörn svæðisins burt.  Af því að honum þótti flóðavörnin ljót.

[Jens Guð, 12.7.2010 kl. 23:25]

  Jóhannes,  ég er fylgjandi sameiningu sveitarfélaga á höfuðborgarsvæðinu.  Það er eitthvað að á Seltjarnarnesinu.  Þar er fólksfækkun.  Húsnæðisverð hefur lækkað meira en annars staðar á höfuðborgarsvæðinu.  Bónus var hrakinn á brott þannig að nú versla Seltirningar á Grandanum.  Eftir stendur mikið af auðu húsnæði á Seltjarnarnesi.