Skúbb! Merkasta endurkoma hljómsveitar í rokksögu Íslands

  Nei,  ég er ekki að tala um Trúbrot.  Endurkoma Trúbrots er jafn óraunhæf og endurkoma Bítlanna.  Hljómborðssnillingurinn Karl Sighvatsson,  trommusnillingurinn Gunnar Jökull og bassaleikarinn og söngvarinn Rúnar Júlíusson eru fallnir frá.  Ég er ekki heldur að tala um Steina spil eða Frostmark.  Ég er að tala um hljómsveitina sem að margra mati var í bland "besta og merkasta" hljómsveit "Rokk í Reykjavík" senunnar,  ÞEYR.  Ég set "besta og merkasta" innan gæsalappa vegna þess að pönkbyltingin snérist ekki beinlínis um það besta og merkilegasta.  Engu að síður,  já,  sko... eða þannig.

  Tónlist Þeysara hefur elst assgoti vel (nema platan "Þagað í hel".  Hún var þöguð í hel).  Aðrar plötur Þeysara eru í hópi bestu og merkustu platna íslensku rokksögunnar.  Háðsádeila Þeysara á nasisma dansaði á línunni og kom í veg fyrir að hljómsveitin fengi þann hljómgrunn sem henni bar erlendis. 

  Gítarleikari Þeysara,  Guðlaugur Kristinn Óttarsson,  og trommuleikari Þeysara,  Sigtryggur Baldursson,  stofnuðu hljómsveitina Kukl og útrás íslenskra rokkara hófst fyrir alvöru:

  Á dögunum birtist söngvari Þeysara,  Magnús Guðmundsson,  í myndbandinu "Drápa":

  23. ágúst sameinast hópurinn aftur og heldur hljómleika í Reykjavík.  Meira um það síðar.

   

Athugasemdir

[Hannes, 22.7.2010 kl. 22:43]

ZZZZZZZZZZZZZZZZZZZZZZZZZZZZZZZZZZZZZZZZZZZZZ. Það hlómar ekki illa að vera í kistu eftir að hafa hlustað á þessa hörmung.

[Jens Guð, 22.7.2010 kl. 22:50]

  Hannes,  "Rúdólf the red nose" er dúndur flott. 

[Gjagg (IP-tala skráð) 22.7.2010 kl. 22:54]

To be or not to be....that is the question.  Já...lífid ER STUTT!  Madur verdur gamalmenni ádur en madur veit af.  Gud...eftir cirka 17 ár verdur thú bara skuggi af sjálfum thér...nema náttúrulega ad thú gerbreytir um lífstíl og byrjir ad hjóla, gera armbeygjur, sit ups og éta helling af fiski og graenmeti.  En thú drepst thrátt fyrir thad...ad lokum.  FIN...THE END....ENDIR.  Hrörnun byrjar thegar madur verdur 19 ára.  Batteríid missir kraft...og deyr ad lokum...thad jákvaeda er ad madur tharf thá ekki lengur ad borga reikninga.  Ég spái thví ad Paul deyji á undan Ringo. 

Ég byggi spá mína á frá vinstri til haegri reglunni:

[Gjagg (IP-tala skráð) 22.7.2010 kl. 23:00]

Já...á medan ég man.  Gud...thar sem thú ert menntadur auglýsingateiknari:  Hvada fontur er thetta á plötuumslaginu sem notadur er í ordinu RESIDENTS?

[Hannes, 22.7.2010 kl. 23:03]

Jens. Þetta rusl er skemmtilegra.

Best er að deyja áður en maður verður heiladautt gamalmenni.

[hilmar jónsson, 22.7.2010 kl. 23:05]

Þeyr er eitthvað það merkilegasta sem komið hefur fram í Íslenskri rokksögu, og ég er á því að Steini sé magnaðasti íslenski gítarleikari sem ég hef heyrt í.

Rudolf er cult...

[Jens Guð, 22.7.2010 kl. 23:25]

  Gjagg,  að lifa lífinu lifandi eða ekki.  Ég er gamalmenni.  Nálgast sextugsaldurinn.  Og kann því vel.  Ég stend upp og sest til skiptis,  borða fisk og grænmeti.  En get ekki verið í útkeyslu á hjóli.  Kassarnir eru of þungir.  Og of margir.  Armbeygjurnar geri ég með því að dröslast með kassana til og frá.  Þess vegna er ég svona sterkur.  

  Það er rétt að hrörnun - eða réttara sagt hægari efnaskipti - hefjast á bilinu 19 - 25 ára.  Á móti kemur vaxandi viska (lífsreynsla og yfirvegun til að vinna úr henni).  Ég var mjög seinþroska.  Var mikill kjáni lengst af og hef ekki enn hlaupið af mér hornin á öllum sviðum.  En ró gamalmennis hefur færst yfir mig allra síðustu ár.

  Á sínum tíma tók Ringó þátt í keppni við John Lennon,  Harry Nilson og Keith Moon um það hver yrði fyrstur til að drekka sig til dauða eða drepast í glannaskap.  Meðal annars með því að henda sér blindfullur út úr bíl á fullri ferð.  Ringó tapaði.  Hinir eru fallnir frá.  Spá þín um að hann lifi Paul er raunhæf.  Samt var Ringo mikill sjúklingur sem barn og fram eftir öllum aldri.

  Ég hef ekki unnið með leturfonta í 15 ár.  Á sínum tíma voru helstu fontar í steinskrift Helvetica og Univers.  Þetta gæti verið "bold" útgáfa af einhverju þannig letri.  Taktu eftir hvað miklu betur er unnið úr stafabilum í nafni Residents en öðru letri á plötunni.  Í dag sér maður yfirleitt ekki passað svona vel upp á stafabil.  

[Jens Guð, 22.7.2010 kl. 23:27]

  Hannes,  þetta dæmi þitt er hræðilegt.  Það er eins gott að ÁTVR komist ekki í þetta.  Myndbandið yrði bannað með það sama.  Stórhættulegt klám.

[Jens Guð, 22.7.2010 kl. 23:28]

  Hilmar,  Steini var og er gítarsnillingur.  Alveg einstakur. 

[Hannes, 23.7.2010 kl. 00:04]

Ég vissu að við værum sammála því að þetta drasl væri hræðilegt.

[Gjagg (IP-tala skráð) 23.7.2010 kl. 01:07]

Já...Helvetica tröllrídur öllu.  Ég held samt ad thetta sé ekki Helvetica.  Snillingurinn Stanley Kubrick notadi thennan leturfont í a.m.k. einhverja kvikmyndatitla.  Hvítir stafir á raudum grunni man ég eftir. Vil gjarna fá ad vita hvada fontur thetta er thví ég gaeti hugsad mér ad nota hann sjálfur.  Vardandi stafabilid...thá held ég ad hönnudurinn vilji gera kassa úr MEET og T H E fyrir framan RESIDENTS.

MEET                                                                                                                                                        T H E  

[Helga Kristjánsdóttir, 23.7.2010 kl. 02:42]

   Mér er svo minnistæður trommarinn Sigtryggur Baldursson vinur minn.Hann var markmaður í yngri ,flokkum Breiðabliks í ,,Knattspyrnu.Reyndum að halda honum þar, því hann var stórefnilegur,en það var hann bara líka í hljómlistinni.Hans var valið og sá er búinn að gera það gott strákurinn.

[Gsss (IP-tala skráð) 23.7.2010 kl. 09:40]

Að hugsa sér hvað helvítis fótboltinn er líklega búinn að sóa mörgum góðum mannskapnum

[Valdimar Hreiðarsson, 23.7.2010 kl. 18:21]

Eru Þeyr ekki löngu orðnir skallapopparar?

[Jens Guð, 24.7.2010 kl. 00:31]

  Hannes,  aldrei þessu vant.

[Jens Guð, 24.7.2010 kl. 00:44]

  Gjagg,  á sínum tíma átti ég bók með öllum helstu leturgerðum.  Þar voru þær sýndar í öllum útgáfum (hallandi,  feitletrað,  samanpressað,  teygt o.s.frv.).  Kannski er hægt að finna þetta á netinu í dag.  Ég kann ekkert á svoleiðis.

  Eitt vandamálið er að margar af þekktustu leturgerðum eru uppfærðar í áranna rás.  Einstaka stafir í þeim endurbættir og þess háttar.

  Í gamla daga þegar grafískir hönnuðir voru að útbúa vörumerki fyrir hljómsveitir eða annað var til í dæminu að einn og einn stafur væri sóttur í aðra leturgerð.  Það ruglaði menn stundum í ríminu þegar verið var að finna út hver letrugerðin var.

  Umslag The Resident er stæling á annarri plötu Bítlanna,  With the Beatles.

  Til gamans má geta að tveir kunningjar mínir spiluðu inn á plötur með The Residents, trommarinn Chris Cutler og gítarleikarinn Fred Frith.  Þeir fengu aldrei að vita hverjir voru í The Residents.  Liðsmenn The Residents voru með grímur.

[Jens Guð, 24.7.2010 kl. 16:39]

  Helga,  Sigtryggur er búinn að margsanna að hann valdi réttan vettvang þar sem músíkin er.  Hann er mikill snillingur. 

[Jens Guð, 24.7.2010 kl. 16:40]

  Gsss,  fótboltinn er yfirleitt til bölvunar hvar sem á hann er litið.

[Jens Guð, 24.7.2010 kl. 16:43]

  Valdimar,  orðið skallapopp lýsir léttmúsík án sköpunar.  Mér segir svo hugur að liðsmenn Þeysara séu ennþá að springa úr sköpunargleði.  Mér skilst að prógrammið hjá Þeysurum í Norræna húsinu 23. ágúst verði í ferskum útsetningum.  

[Óli Sigur (IP-tala skráð) 28.7.2010 kl. 00:41]

Einhver sagði það yrði ekkert gamalt, bara nýtt. Svona eins og þeir myndu spila í dag, hefðu þeir haldið áfram. Það verður vonandi pláss fyrir alla í Norræna Húsinu. Hljómplötuklúbburinn Íslensk Tónlist heldur tónleikana að tilefni 100 ára afmæli Íslensk hljómplötunnar, Dalvísur með Pétri Jónssyni. HÍT er á fésbók, allir velkomnir.

[Jens Guð, 29.7.2010 kl. 00:23]

  Einhver sagði mér að Þeyr ætli að flytja gömlu lögin sín en í gjörólíkum útsetningum.  Annars er þetta bara spennandi hvaða leið sem þeir fara.

[Valdimar Hreiðarsson, 31.7.2010 kl. 20:26]

Magnús er fullur af réttlátri reiði og reyndar kominn með veiðileyfi á útrásarvíkinga og vonda kalla, vona  að pönkarinn hafi ekki skalla (:-)

Lagið sem Magnús syngur heitir "The Night the Lights went out in Georgia".  Lagið er amerísk ballaða frá árinu 1968 að ég held.  Þetta sýnir enn og aftur hvað pönkarar eru veikir fyrir væmnum ballöðum :) 

- Kannske eru þeir svona reiðir vegna þess að þeir kunna bara þrjá hljóma ;-)

Eru ballöður ekki  "léttmúsik án sköpunar"?

[Jens Guð, 2.8.2010 kl. 19:27]

  Valdimar,  liðsmenn Þeysara höfðu góða kunnáttu á sín hljóðfæri.  Afburðargóðir spilarar og að springa úr sköpunargleði.