Færeyskur rokkari á heimsmarkað

  Ég veit í raun ekkert um hvað ég er að skrifa.  Fyrirbærið heitir NBA 2K11.  Mér skilst að það sé tölvuleikur um körfubolta.  Þessi tölvuleikur verður settur á heimsmarkað 5. október.  Forsíða spilsins skartar mynd af bandarískum náunga sem heitir Michael Jordan og er sagður vera heimsins frægasti körfuboltakappi.  Ég kannast meira að segja við nafnið þó ég viti ekkert um körfubolta.

  Fyrirtækið sem gefur út þennan tölvuleik heitir 2K sports og hreykir sér af að bjóða í þessum leik upp á besta músíkskor sem um getur í svona spili.  Þar á meðal er músík með Snoop Doggy Dogg,  Outkast og Högna Lisberg.  Lagið með Högna heitir "Bow Down (to no man)". 

  Reiknað er með að spilið seljist í tug milljóna eintökum um heim allan.

  Högni hefur átt lög á íslenska vinsældalistanum.  Þar á meðal "Morning Dew" og "Learn to ride on Waves". 

 

  Högni var trommuleikari færeysku súpergrúppunnar Clickhaze.  Hann hefur einnig verið að spila á trommur með Eivöru.  Meðal annars á bestu plötu ársins 2010,  "Larva".

  Högni hefur tvívegis spilað á Iceland Airwaves.  Hann hélt einnig frábæra hljómleika á Færeyskum fjölskyldudögum á Stokkseyri um verslunarmannahelgina.  Þar fyrir utan spilaði hann hérlendis með Clickhaze 2002.

  Frábær tónlistarmaður og mikið fagnaðarefni að tónlist hans skuli nú vera kynnt út um allan heim í ofangreindum tölvuleik.  Högni er þegar með ágætan markað í Danmörku,  Swiss og hérlendis.  Íslensku stelpum þykir Högni vera rosalega sætur.

Athugasemdir

[Viddi (IP-tala skráð) 12.8.2010 kl. 22:17]

Jens!! Það hefur aldrei verið stofnuð súpergrúbba frá Færeyjum!!

[Jens Guð, 12.8.2010 kl. 23:30]

  Viddi,  það er rétt hjá þér að það hefur aldrei verið stofnuð súpergrúppa í Færeyjum.  Það er að segja ef við göngum út frá hefðbundnum skilningi á orðinu súpergrúppa.  Hefðbundni skilningurinn er þessi:  Súpergrúppa = hljómsveit stofnuð af einstaklingum sem hver um sig hafa "meikað það",  eru risanöfn í bransanum. 

  Liðsmenn Clickhaze voru flestir óþekktir við stofnun hljómsveitarinnar.  Hvers vegna tala Færeyingar þá um Clickhaze sem súpergrúppu?

  Í og með vegna þess að í Færeyjum er enginn samanburður við "aðra" súpergrúppu.  Einnig vegna þess hvernig hljómsveitin leystist upp og hver staða 7menninganna í Clickhaze er í færeysku tónlistarlífi.  Þeir/þau eru öll ráðandi öfl í því,  hvert á sínu sviði.  

  Þó Clickhaze sé ekki súpergrúppa í hefðbundnum skilningi orðsins þá er hún súpergrúppa í sögu færeyska rokksins.