Kallinn reddar þessu

  Öll þekkjum við þúsund þjala smiðinn.  Kallinn sem kann öll ráð til að redda hlutunum.  Eitthvað fer úrskeiðis og hann reddar dæminu með hið sama.  Leitar ekki langt yfir skammt heldur grípur það sem hendi er næst og málið er dautt.  Hér eru skemmtileg dæmi:

  Það vantar skeið til að slafra í sig súpuna.  Kallinn lítur í kringum sig.  Sér einnota plastfrauðsmál og gaffal.  Þetta steinliggur.

  Festing öryggisbeltisins virkar ekki.  Kallinn reddar því.  Klemmir beltið bara með rúðunni.  Málið er dautt.

  Gamla túpusjónvarpið smellpassaði í hillusamstæðuna.  Nýi flatskjárinn tekur meira pláss.  Kallinn sagar bara úr hliðarplötunni.  Flatskjárinn passar eins og hanski.

  Hver kannast ekki við það vandamál að upptakarinn finnst ekki.  Kallinn reddar því.  Skellir skrúfbolta í næstu spýtu sem hann rífur undan sófasettinu.

  Nýja sparperan í stofunni gefur ekki nóga birtu.  Kallinn reddar því.  Bætir bara við nokkrum perum til viðbótar.

  Það er eitthvað ólag á innstungunni.  Kallinn reddar því með skærum.

  Geislaspilarinn og útvarpið í bílnum virkar ekki.  Kallinn reddar því með ferðatækinu.  Þetta þarf ekki að vera merkilegur gettó-blaster.  Öllu skiptir að þetta virkar.

  Bókahilluna í bókabúðinni vantar stuðning.  Sem betur fer er til nóg af bókum í búðinni til að redda því.  Kallinn kann þetta.   

Athugasemdir

[Hannes, 13.9.2010 kl. 22:59]

Hahahaha skemmtilegar myndir hjá þér gamli.

[Sigurbjörg Sigurðardóttir, 13.9.2010 kl. 23:11]

Alltaf gaman að fara á bloggið þitt.Surprise alltaf.Skemtilegar mindir.Nú er okkur farið að vanta þínar stjörnur um ýmis veitingarhús sem þú heimsækir,bíðum spent.

[Jens Guð, 13.9.2010 kl. 23:21]

  Hannes,  það er alltaf rosalega gaman að þúsund þjala smiðnum sem reddar öllu á "no time".  Hann þarf ekki að fara í verkfæratöskuna.  Hann græjar málin á staðnum.  Og það sem var að virkar eftir að hann hefur gripið til þess sem hendi er næst.

[Jens Guð, 13.9.2010 kl. 23:23]

  Sibba,  ég þarf að drífa mig á fleiri staði en BSÍ og Múlakaffi.  Gott að fá þrýsting á það.

[Jóna Kolbrún Garðarsdóttir, 14.9.2010 kl. 00:38]

  Frábærar myndir

[Ómar Ingi, 14.9.2010 kl. 09:33]

Góður

[Gsss (IP-tala skráð) 14.9.2010 kl. 21:56]

Ekki nóg með að bóka kallinn kann að redda þessu, þá er hann með fyrirmyndar smekk - Ballard!

[Jens Guð, 14.9.2010 kl. 22:41]

  Jóna Kolbrún,  það er gaman að þessum snillingum.

[Jens Guð, 14.9.2010 kl. 22:41]

  Ómar Ingi,  takk fyrir innlitið.

[Jens Guð, 14.9.2010 kl. 22:43]

  Gsss,  þetta er bókabúð svo það er ekki víst að kallinn sé með sínar uppáhaldsbækur í sölu heldur þær bækur sem fólk vill kaupa.  En það má líka vera að hann selji bækur vegna ástríðu á bókmenntum.

[Gsss (IP-tala skráð) 14.9.2010 kl. 23:24]

Ertu viss um að hann sé með bókabúð? Hillan er ansi sjúskuð, en hann skrifar á ensku, og bretar og kanar eru ansi sjúskaðir - reyndar allir sem að kunna að rita ensku, kannski

[Jens Guð, 15.9.2010 kl. 00:14]

  Nei,  ég get ekki staðið við að þetta sé bókabúð.  Mig minnir að í texta við myndina hafi staðið að þetta væri bókabúð.  En það þarf ekki að vera neitt til að taka mark á.