Jenis av Rana í predikunarferð til Íslands

  Færeyski lögþingsmaðurinn,  trúarleiðtoginn,  heimilislæknirinn og formaður Miðflokksins er grátklökkur yfir þeim stuðningskveðjum sem rignt hefur yfir hann frá Íslendingum.  Einkum eru Íslendingarnir fagnandi yfir brotum Jenisar av Rana á lögum um upplýsingaskyldu er hann beitti þöggun varðandi barnaníð innan trúfélags síns.  Svo ekki sé minnst á skelegga baráttu Jenisar fyrir því að nýlegt lagaákvæði #266b verði afnumið.  Það kveður á um að bannað sé að ofsækja samkynhneigða.  Jenis av Rana vill að refsilaust sé að lemja homma.  Enda sé það nauðsynlegt þeim til góða svo þeir brenni ekki um eilífð í vítislogum.  Það er kvalafullt.  Jenis av Rana vill ekki að neinn þurfi að upplifa slíkan sársauka.  Og það svona lengi.

  Nú er Jenis av Rana á leið í predikunarferð til Íslands.  Trúfélag nokkurt hefur boðið honum að boða fagnaðarerindi sitt á samkomu hjá því.  Ekki fylgir sögunni um hvaða trúfélag er að ræða.  Aðeins að samkoman verði haldin stutt frá Reykjavík.  Jenis av Rana ætlar að grípa með sér vanan forsöngvara til að gera viðburðinn hátíðlegri.

  Grunur leikur á að Jenis av Rana muni í leiðinni halda námskeið til að kenna hvernig heppilegast er að lumbra með Biblíunni á hommum.  Annað námskeið,  þar sem kennt er hvernig þagga eigi niður barnaníð,  er óþarft.  Íslensku trúfélagarnir eru þaulvanir í því.  Eiginlega atvinnumenn. 

  Áður hefur komið fram að innan um stuðningskveðjurnar frá Íslandi leyndist kveðja frá forstöðumanni 1000 manna trúfélags.  Þau íslensku trúfélög sem eru næst því að vera með 1000 félagsmenn koma varla til greina.  Það eru Ásatrúarfélagið með um 1500 félaga og Búddistar sem eru um 900.  Önnur trúfélög eru töluvert fjölmennari eða fámennari.  Þetta er dularfullt.

  Það verður áhugavert að fylgjast með því hvort aðrir en íslenskir uppklapparar Jenisar av Rana sýni einhver viðbrögð við heimsókn hans og predikun stutt frá Reykjavík.

  Jenis av Rana hefur einnig orðið var við stuðning heima fyrir.  Hann er með 25 undirskriftir frá Færeyingum undir höndunum því til staðfestingar. 

Athugasemdir

[doctore (IP-tala skráð) 15.9.2010 kl. 12:25]

Nei nei, Valdimar að opinbera að hann sé illa haldin af geðsjúkdóm og óeðli.

Trúleysingi myndi yfirhöfuð svara því til að ALLIR hafi mannréttindi, meira að segja þú Valdimar...

[Ari (IP-tala skráð) 15.9.2010 kl. 12:33]

Hér er fréttin um þetta á Vogaportalnum

http://new.vagaportal.fo/pages/posts/jenis-av-rana-bodin-til-islands-at-halda-motir-3789.php

[Einar E (IP-tala skráð) 15.9.2010 kl. 12:34]

"Þessi hvöt er svo sterk að hún skeytir engu hvort þeir smitist af aids eða smiti aðra."

Segir Valdimar hér fyrir ofan.

Nú er ég gagnkynhneigður trúleysingi en styð réttindabaráttu samkynhneigðra.

Janis með rana er trúaður og á von á því að samkynhneigðir brenni í helvíti um alla eilífð.

samkynhneigð geðsjúkdómur????

Mér sýnist geðsjúkdómurinn vera annarstaðar í þessu máli.

Trú á guð, er að mínu mati sjálfsblekking og bænin sjálfsefjun.

Hvort þetta sé hræðsla við dauðan og/eða hræðsla við að vera einn í heiminum.

Ef fólk vill lifa í sjálfsblekkingu og trúa á sinn "gvuð og jesús" og sína skáldsögu(biblíuna), gott og vel.

En að stunda trúboð í t.d leikskólum og skólum og troða þessu upp á börn og ungmenni sem ekki vita betur.

Það samþykki ég ekki og ætti ekkert foreldri að gera.

--

Hvað varðar þennan Janis með rana að þá er þetta augljóslega veikur einstaklingur...og ekki sýnist mér þú mikið skárri Valdimar.

[doctore (IP-tala skráð) 15.9.2010 kl. 12:54]

Eins og Stephen Hawking segir: Trú er ævintýri fyrir fólk sem er hrætt í myrkrinu
http://doctore0.wordpress.com/2010/09/14/stephen-hawking-on-the-afterlife/

Vegna þrýstings frá trúarbrögðum var samkynhneigð skilgreind sem geðsjúkdómur, nú á að hætta því... mér segir svo hugur að við þurfum ekki að bíða mjög lengi eftir því að trúarbrögð/trú verði skilgreind sem geðsjúkdómur... þetta er klárlega geðsjúkdómur...

Rana er geðsjúklingur... heyrði í presti úr kristskirkju þar sem hann var að tala um að það vantaði afhommunarúrræði... hann er geðveikur líka, þar á meðferð að halda

[Ómar Bjarki Kristjánsson, 15.9.2010 kl. 12:55]

Er þetta ekki Krossinn?

600-700 meðlimi opinberlega skráð - má slétta það svona með 1000 til þæginda. 

[Valdimar Samúelsson, 15.9.2010 kl. 12:59]

Doctore þú getur veri svo findin takk..

[Steini (IP-tala skráð) 15.9.2010 kl. 13:01]

Hefur Jenis av Rana ekki fullan rètt à ad hafa sìna skodun? Thurfa allir ad lofsyngja samkynhneigd? Èg tek ofan fyrir mönnum, sem thora ad hafa adrar skodanir en vidteknar eru af fjöldanum. À ad steypa alla ì sama mòt?

[doctore (IP-tala skráð) 15.9.2010 kl. 13:15]

Þetta er ekki skoðun Steini; Þetta er dogma... þar sem biblían býður hverjum sem leggst undir Sússa(Kirkju) gull og græna skóga fyrir það að vera auðtrúa gráðugir asnar.

Kristnir menn eru mútuþægir menn... þeir neita að sjá ógeðið í biblíu vegna ótta við að missa af alsnægtum dauðans...

En auðvitað styð ég hann Rana... orð hans munu fá marga til að flýja kristni, trúarbrög hinna ábyrgðarlausu.

[Ómar Bjarki Kristjánsson, 15.9.2010 kl. 13:22]

Þetta snýst ekkert um lofsöng.  Þetta snýst um að búið er að afgreiða það mál í N-evrópu og N-löndum, að samkynhneigðir hafa sömu mannréttindi og aðrir.  Þetta er ekkert eitthvað sem menn eru að deila um núna.  Búið að afgreiða þetta.   Það er jafnframt búið að afgreiða opinberlega sjónarmið álíka og Ranans.  Þau eiga ekki við.  Liðin tíð.  Hann hins vegar heldur alltaf áfram eins og ekkert hafi gerst.  Eins og opinberlega sé ekki búið að afgreiða það.  þetta er ekki skoðun eingöngu einhers sérvitrings út í bæ.  þetta er pólitísk stefna.

Hversu mikinn stuðning hann hefur í færeyjum beint og kannski meira óbeint skal eg ekkert fullyrða um, en þegar þessi lög voru samþykkt sem bönnuðu mismunun, þá var það gert eftir utanaðkomandi þrýsting - líklega mest frá dönum, býst eg við.

Í framhaldi vekur þetta upp ýmsar pælingar, að td. ef sett hefði verið í þjóðaratkvæði að samkynhneigðir ættu að hafa jöfn réttindi á við aðra á íslandi - hefði það þá verið samþykkt?  Það hefði ekki veri samþykkt hérna fyrir ekki mjög mörgum árum.   Það urðu furðulega snöggar breytingar á íslandi í viðhorfum.  Eins og einhver sagði:  Í dag er auðveldara að vera lesbía á íslandi en blökkumaður. 

[caramba (IP-tala skráð) 15.9.2010 kl. 13:56]

Viðhald tegundanna er sterkasti aflvakinn í dýraríkinu og gagnkynhneigð er þarafleiðandi "norm" þegar að þeim málum kemur. Þessvegna hefur Valdimar fullan rétt á því að telja aðra kynhegðun óðelilega, þ.e.a.s. ekki í samræmi við líffræðilega normið. Hann hefur líka fullan rétt til að segja þetta án þess að upp rísi froðufellandi vandlætarar sem telja hann veikan á geði. Veikur á geði er einmitt sá sem telur líffræðileg frávik eðlileg í ríki manna eða dýra. Það er hægt að þykja vænt um samkynhneigða og gleðjast með þeim á góðum stundum án þess að vera með slíka hræsni í þeirra eyrum. Þeir sem hér að ofan berja sér af brjóst af vandlætingu yfir orðum Valdimars eru að mínu mati ekkert skárri en Janis av Rana - ég myndi samt ekki kalla þá geðbilaða, þeir eru bara bjálfar eins og Janis sjálfur.

Það er annars magnað að fjöldi manns skuli rísa upp nötrandi af hugaræsingi og misskilinni réttlætiskennd þegar þeim finnst hallað á samkynhneigða en missa málið þegar fréttist af miklu MIKLU alvarlegri brotum eins og kynþáttahatri. Ég hef ekki séð Jensinn sem stýrir þessu bloggi minnast á slík mál einu orði. Hann veit eins og ég af kynnum sínum við Færeyinga að þeir eru miklu umburðarlyndari og fordómalausari gagnvart fólki af öðrum kynþáttum en Íslendingar. Tvær bestu vinkonur mínar í Færeyjum hafa verið giftar Norður-Afríkumönnum um áratuga skeið og aldrei mætt annað en velvild enda eiginmennirnir báðir stórmerkir athafnamenn í veitingarekstri á eyjunum.

Færeyingar hafa alltaf komið vel fram við þig, Jens Guð, og miklu betur en landar þínir. Hvernig væri að þú færir um það nokkrum velvöldum orðum í stað þess að ýja að því að uppklapparar geti aðsúg að einu predikaragreyi?

[Gsss (IP-tala skráð) 15.9.2010 kl. 14:06]

Mig langar rosalega að sitja við hliðin á honum

[doctore (IP-tala skráð) 15.9.2010 kl. 14:21]

Ótal dýrategundir eru samkynhneigðar, þetta er 100% náttúrulegt, ekki ónáttura(yfirnáttúra) eins og trúarbrögð.

Að 2 fullorðnir einstaklingar geti ekki elskað hvorn annan bara vegna einhverra trúarruglukolla sem eru hræddir um að Guddi drepi alla ef menn fá mannréttindi(Guddi hatar mannréttindi).. er aumingjaskapur
Gayness hjá öðrum dýrategundum
http://www.youtube.com/watch?v=d68_vlLD60Y

[Ólafur Magnússon (IP-tala skráð) 15.9.2010 kl. 14:28]

Það geta allir séð að Jenis af Rana er kolgeggaður og hættulegur -hann getur vart talist maður -

Banna skal honum landgöngu - Vísa skal honum brott frá Íslandi með fyrsu ferð.

                                                              Með kveðju Ólafur Magnússon.

[doctore (IP-tala skráð) 15.9.2010 kl. 14:35]

nei nei, alls ekki banna honum að koma hingað, íslendingar þurfa að heyra um hvað Galdrastofnun Íslands(Ríkiskirkja) snýst um.
Prestar hafa nefnilega vel flestir passað sig á að segja fólki bara frá ~5% úr biblíu... ef þeir segðu allt, þá myndi fólk hlaupa úr kirkjunni... ógeðið er svo yfirgengilegt

[Öddi, 15.9.2010 kl. 17:12]

æ, góði besti Jens farðu í meðferð

[Hólímólí (IP-tala skráð) 15.9.2010 kl. 17:50]

Einkennilegt hve margir ofstækismenn eru með þunna efri vör.

[Egill Óskarsson, 15.9.2010 kl. 19:51]

Caramba, þessi rök þín um að það megi kalla samkynhneigð óeðlilega með einhverri skírskotun til dýraríkisins eru argasta bull. Vægast sagt. Síðan hvenær varð eðlishvöt dýra og það sem ríkir meðal þeirra mælikvarði á hvað telst eðlilegt og óeðlilegt í siðmenntuðum samfélögum? Þetta er aumur málflutningur.

Kynþáttafordómar eru svo af nákvæmlega sama meiði og fordómar gagnvart samkynhneigðum. Í báðum tilfellum er um að ræða að einstaklingur er dæmdur útfrá einhverju einkenni sínu í stað þess að honum sé tekið sem sjálfstæðri persónu. Það að ætla að taka eina tegund svona fordóma útfyrir sviga til þess að reyna að drepa málum á dreif í umræðu er kjánalegt. 

Ég veit svo ekki betur en að Jens Guð sé einn helsti kynningarfulltrúi færeyskrar menningar á Íslandi, þó að hann gegni ekki opinberu embætti þar um. Varðandi þessi lokaorð þín Caramba má benda á að vinur er sá er til vamms segir. 

Varðandi innlegg Valdimars Samúelssonar þá er þar á ferðinni sönnun á því að hæfileikinn til þess að kveikja á tölvu og skrifa á lyklaborð er ekki beintengdur vitsmuna- og siðferðisþroska. 

[Hannes, 15.9.2010 kl. 22:32]

Ég er viss um að hann Jenis Av Rana smellpassar inn í þennan hóp sem hann er að fara að predika fir hér á landi enda örrugglega sömu trúarbrjálæðingarnir og elska omega.

[Jens Guð, 15.9.2010 kl. 23:41]

  Valdimar (#1),  þumalputtareglan er sú að engu máli skiptir kynhneigð fólks,  kynferði,  trúhneigð, augnlitur,  hárlitur og svo framvegis.  Þeir sem eiga í vandræðum með þessa hluti eru illa settir gagnvart sjálfum sér.  Skápadæmi eitthvað.

[Jens Guð, 15.9.2010 kl. 23:43]

  DoctorE (#2)  þeir trúfrjálsu sem ég þekki eru ónæmir gagnvart kynhneigð fólks,  litarhætti og öllum þeim pakka.  

[Jens Guð, 15.9.2010 kl. 23:44]

  Ari,  takk fyrir hlekkinn.  Mér skilst að það verði eitthvað um þetta í Fréttablaðinu á morgun.

[Jens Guð, 15.9.2010 kl. 23:47]

  Einar,  mér þykir óhugnalegast þöggun trúarleiðtogans á barnaníði innan trúfélagsins.  Næst þar á eftir löngun Jenisar av Rana til að fá refsilaust að lumbra á hommum.

[Jens Guð, 15.9.2010 kl. 23:52]

  DoctorE,  ég vil ekki ganga jafn langt og þú í að lýsa hommafóbíska öfgatrúarmenn geðveika.  Ótal dæmi hafa hinsvegar komið upp þar sem svoleiðis menn hafa orðið uppvísir af barnaníði og skápahommadæmi.  En það er ofmælt að alhæfa um þetta.

[Jens Guð, 15.9.2010 kl. 23:59]

  Ómar Bjarki,  að óreyndu held ég að þarna sé ekki um Krossinn að ræða.  Gunnar Þorsteinsson hefur kúvent í afstöðu eftir að hann tók saman við Jónínu Ben.  Ég hef verulegar efasemdir um að þau Jónína og Gunnar kvitti undir þöggun Jenisar av Rana um barnaníð og áhuga fyrir refsilausum ofsóknum gegn hommum.

[Jens Guð, 16.9.2010 kl. 00:00]

  Valdimar (# 7),  það getur verið gaman að fá "komment" frá DoctorE.  Þau lífga upp á umræðuna. 

[Jens Guð, 16.9.2010 kl. 00:04]

  Steini,  það er enginn hér að útiloka skoðanir Jenisar av Rana.  Hvorki varðandi þöggun hans á barnaníði né löngun til að lemja homma refsilaust.  Hitt er annað mál að það er jafn sjálfsagt að deila á hans,  ja,  viðbjóðslegu skoðanir.  

[Jens Guð, 16.9.2010 kl. 00:17]

  DoctorE (#9),  það var áhugavert viðtalið við Úlfar Þormóðsson í Kastljósi í kvöld.

[Jens Guð, 16.9.2010 kl. 00:22]

  Ómar Bjarki (#10),  blessunarlega nýtur Janis av Rana ekki mikils stuðnings í Færeyjum.  Hann er með 5% á lögþinginu.  Langflestir málsmetandi Færeyingar segjast skammast sín fyrir hann.  Þar á meða Eivör og nánast öll færeyska rokksenan eins og hún leggur sig.

[Ólafur Gugvarðarson (IP-tala skráð) 16.9.2010 kl. 00:32]

Svo ég taki þetta allt ofansagt í eina settningu: Jens Gud, takk fyrir frábæran þátt á NálinniFM101.5. Óli Gud

[Jens Guð, 16.9.2010 kl. 00:46]

  Caramba (#11),  ég hef viðbjóð á Jenis av Rana.  það breytir í engu um ást mína á Færeyingum.  Ég er með landakort af Færeyjum húðflúrað yfir allan hægri framhandlegg minn.  Ég er með merki Föroya Bjór húðflúrað yfir allan vinstri framhandlegg minn.  Ég fer ekki sjaldnar en þrisvar á ári til Færeyja.  Þar eru margir af mínum kærustu vinum.  Ég er að skrifa bók um færeyska söngkonu,  Evöru.  Bók sem kemur út núna í október.  Ég hef til fjölda ára unnið við að koma færeyskri músík á framfæri á heimsmarkað og á Íslandi.  Án þess að fara út í smáatriði þá setti ég saman fyrir áratugi v-norræna rokkplötu  "Rock from the Cold Seas" sem opnaði margar dyr fyrir færeyska músík inn á heimsmarkað.  Ég hef tekið þátt í að setja upp ótal hljómleika hérlendis með færeyskum tónlistarmönnum.  Í þessum töluðu orðum er ég að ganga frá safnplötunni "World Music from the Cold Seas" sem fer á heimsmarkað í nóvember.  Hún inniheldur 4 færeysk lög.  Ég er að setja saman færeyska jólaplötu.  Ég hef verið að mata útvarpsstöðvar allt frá kanadískum til svissneskum með færeykskri músík.  

  Í augnablikinu er ég að aðstoða færeyska hljóimsveit,  Maríus,  við að spila á Íslandi í næsta mánuði.  

  Þar fyrir utan:  Ég hef margoft bloggað gegn rasisma.  Ég dreg í efa að margir aðrir hafi bloggað jafn oft gegn rasisma og ég.  Rasismi er ógeð djöfulsins.  Ég var í næstum aldarfjórðung giftur konu af bandarískum indíánaættum.  Börn mín tilheyra Cherokee indíánum.  Rasismi er viðbjóður,  heimska og allt hið versta sem hægt er að telja til.   

[Jens Guð, 16.9.2010 kl. 00:49]

  Gsss,  ég er búinn að panta fyrir þig sæti í fanginu á Janis av Rana.  Hann er dáldið fyrir það.

[Jón Steinar Ragnarsson, 16.9.2010 kl. 00:57]

Er þetta Valdimar Samúelsson, sem gekk undir nafninu Skolli á bloggi sínu? Undarlegt val á höfundarnafni hjá svo ofurkristnum mannhatara að það vaðrð að loka blogginu.  Kannski réttnefni þó. 

[désús hristur (IP-tala skráð) 16.9.2010 kl. 07:55]

Ætli samkoma hans verði ekki bara ágætlega sótt. Nóg er amk af fordómunum og fíflunum hér heima við... http://bylgjan.visir.is/?PageID=1312

[Jón Valur Jensson, 16.9.2010 kl. 08:47]

Jens, getur það verið, að Jenis av Rana sé í alvöru svona rosalega slæmur í viðhorfum eins og þú lýsir þeim hér? Er t.d. þetta rétt hjá þér: "Jenis av Rana vill að refsilaust sé að lemja homma."? – Vill hann ekki, að þeir eins og aðrir njóti verndar almennra hegningarlaga, m.a. verndar gegn barsmíðum? Ég taldi mig nú hafa heimild fyrir því.

Þá segirðu hér í innleggi: "mér þykir óhugnanlegust þöggun trúarleiðtogans á barnaníði innan trúfélagsins." – Er þetta staðfest? Þú hlýtur að hafa heimildirnar, sé þetta ekki einber kvittur.

Og þú bætir við á s.st.: "Næst þar á eftir löngun Jenisar av Rana til að fá refsilaust að lumbra á hommum."

Hvar varðstu áskynja um þá löngun hans?

Nú er ég hvergi að rengja þig, Jens, en óska upplýsinga um heimildir þínar. Ekki ertu nú hlutlaus gagnvart honum svo mikið er víst, en þú verður nú svo vænn að sýna okkur fram á, að engin hlutdrægni né mistúlkun hafi stjórnað orðum þínum, ekki satt?

En kristnir menn eiga í sjálfu sér ekkert undir afstöðu Jenisar í þessu efni, þeir eru hvergi hvattir til ofbeldis við samkynhneigða af kristnum ritum, heldur til að elska alla menn – en loka ekki augunum fyrir siðaboðskap Nýja testamentisins, sem er eindreginn í þessu efni.* Jenis hefur ekkert kennivald til að túlka það fyrir aðra.

PS. Var nú við því að búast, að mikill stuðningur væri við sjónarmið hans í hópi rokkara? Vart eru þeir dæmigerðir í lífsskoðun fyrir þessa býsna trúuðu þjóð – eða hvað? – Þú ert Færeyjafræðingurinn, upplýstu nú, annars hljóta einhverjir aðrir slíkir að koma hér fram.

* Og ekki samkvæmt einhverjum prestasamþykktum árið 2010.

[doctore (IP-tala skráð) 16.9.2010 kl. 09:31]

Úlfar kom illa út í kastljósi, spyrill var einnig algerlega úti að aka...

Að sjá skrif JVJ... hlægilegt; Hvað segir þú JVJ, var biskupinn þinn að nauðga börnum á Íslandi....

Muna orð mín: ALDREI AÐ TREYSTA ATVINNU TRÚMÖNNUM.. ALDREI LÁTA BÖRN NÁLÆGT ÞEIM... MUNA ÞETTA.

Hey JVJ ætlar þú ekki að fara að kæra mig fyrir að segja hvað guðinn þinn er ömurlega ömurlegur.. .og þú sjálfur búinn að taka við mútum til að hundsa meint voðaverk meints galdrakarls...

Ekki gleyma JVJ, bókin þín segir að það eigi að myrða samkynhneigða.. og já, að nauðga hreinum meyjum

[Adeline (IP-tala skráð) 16.9.2010 kl. 09:37]

Þú hlýtur að hafa fyrir þér heimildir í þessum efnum. Þetta eru ansi alvarlegar ásakanir um að halda hlífiskildi yfir barnaníðingum....

og eins gætirðu sagt hvaða trúfélag hann er að fara að heimsækja? fyrst þú ert svona ofboðslega upplýstur...

[Jón Valur Jensson, 16.9.2010 kl. 09:43]

Ég var að spyrja Jens, hefði sízt spurt þig, gervidoktor.

Enginn biskup minn hefur "nauðgað börnum á Íslandi".

Kjaftháttur þinn er samur við sig, en sjaldnast neitt að marka það sem þú skrifar. Hættu nú að skipta þér af fyrirspurn minni (og þessarar Adeline líka, sé ég) til hans Jens.

[doctore (IP-tala skráð) 16.9.2010 kl. 10:02]

Nei nei er JVJ að skipta sér af blogginu hjá Jens... ekkert nýtt við það, JVJ er ritskoðari dauðans, þetta lærði hann hjá prestum kaþóslku kirkjunnar...

Ég gæti rifið kjaft allt mitt líf,... kemst aldrei nálægt viðbjóði biblíu....

Bíddu er kaþólski biskup fyrrverandi, var hann ekki ÞINN.. muna það JVJ, kirkjan þín er að hrynja, fólk skammast sín fyrir að tengja nafn sitt við stærsta og elsta barnaníðingshring heimsins... nema þú.. þú ert líka svo sjálfselskur

[Númi (IP-tala skráð) 16.9.2010 kl. 10:47]

Það eru nú meiri mannréttindin sem ýmsir spekúlentar, láta fjúka hér ofar í pistli þessum.Hvað er að því að þessi færeyski þingmaður  hafi sína skoðun gagnvart samkynhneigð,!Honum er bara frjálst að hafa sína skoðun og eigum við barasta að bera virðingu fyrir hans skoðun.Er það skylda að allir taki þátt í því að samkynhneigð sé eðlileg,! Ó nei okkur er frjálst að hafa skoðanir og eigum ekki að þurfa að leita til Postula sem eru öfgafullir og ekki.Hvað er það annað en kúgun gagnvart þeim sem líta á samkynhneigð sem óeðlilega,þeir sem hafa þær skoðanir hafa verið hakkaðir sem  rasistar  mannhatarar  og ég veit ekki hvað og hvað.Á hvaða leið er þessi veröld,,,lifum bara í sátt og samlyndi.Margir hér eru að falla í þann pitt sem þeir eru að bera uppá Jenis Af Rana.==hatur,,illska,,níð.

[doctore (IP-tala skráð) 16.9.2010 kl. 11:06]

Jæja Númi minn... Hvað segir þú um að setja svarta í þrælahald.. .vegna þess að einhver hefur þá skoðun úr biblíu að það sé rétt..

Sorry þessi Númi...

[Númi (IP-tala skráð) 16.9.2010 kl. 11:12]

Jæja doktore ertu að gera mig að rasista,,,,???nei er það nokkuð.

[doctore (IP-tala skráð) 16.9.2010 kl. 11:26]

Ég sagði þig ekki vera rasista... en ég segi þig vera illa upplýstan. Bið þig um að leita þér upplýsinga áður en þú slengir svona fram.

Að auki verður aldrei sátt og samlyndi á meðan trúarbrögð eru til staðar, bækurnar eru stríðs og yfirgangstól...

[Númi (IP-tala skráð) 16.9.2010 kl. 12:02]

Er alveg sammála þér þarna í neðri línunni doktore.Svo er spurningin hvenær verðum við nógu upplýst.?Erum við mannfólkið ekki alltaf að leita okkur upplýsinga.Hafðu það fínt doktore.

[doctore (IP-tala skráð) 16.9.2010 kl. 12:16]

Ég veit ekki hvort þú hefur tekið eftir því, en í dag er svona "stríð" í gangi þar sem gamlar draugasögur og heimska berjast við að viðhalda sjálfum sér... gegn upplýstum og menntuðum heimi.

Það eina sem getur bjargað túarvitleysunni er að við sprengjum okkur, eða fáum slíkar náttúruhamfarir að við förum aftur á steinaldarstigið...

[Jón Valur Jensson, 16.9.2010 kl. 14:22]

Ég bíð enn svars frá eiganda síðunnar, en hann er vafalaust önnum kafinn maður og svarar mér væntanlega í lok vinnudagsins.

Á meðan heldur gervidoktorinn áfram að vega úr launsátri ragmennsku sinnar, ekki þorir hann enn að leggja nafn sitt við neitt af því sem hann skrifar, en lætur dólgslega og klínir ljótum ásökunum á alla sem andmæla honum, vitandi að með þeirri aðferð fælir hann bæði þá og aðra frá því að standa hér í upplýstum umræðum.

Það er talað gegn þrælahaldi í Nýja testamentinu (NT), og það þrælahaldsskipulag, sem talað er um meðal Ísraelsmanna í Gamla testamentinu, er af allt annarri kategóríu en hið grimma þrælahald meðal Grikkja og Rómverja að fornu. Það er löng röð af páfum sem allt frá því senmma á öldum og fram á 19. öld (og vitaskuld lengur) fordæmdu þrælahald opinskátt í yfirlýsingum sínum; það er einfaldlega í takt við anda NT.

Orðum mínum: "Enginn biskup minn hefur "nauðgað börnum á Íslandi," svarar níðhöggurinn úr launsátrinu þannig, með sínum lélega íslenzkustíl: "Bíddu er kaþólski biskup fyrrverandi, var hann ekki ÞINN [?]"

Minn fyrrverandi biskup var minn biskup vissulega. En þessi dómharði gervidoktor fellur hér í grundvallarvillu:

1) Það hafa ALDREI verið neinar fullyrðingar uppi um hinn minnsta grun um ósæmilegt atferli Geijsens biskups gagnvart börnum Á ÍSLANDI.

2) Það hafa ALDREI verið neinar fullyrðingar uppi um hinn minnsta grun um að sami maður hafi NAUÐGAÐ einu einasta barni. Það var hins vegar annar prestur í Hollendi borinn sökum um, en þetta var ásökunin á hendur Geijen biskupi: "... 63 ára karlmaður hafi kært kynferðislega misnotkun, sem hann hafi sætt í skóla í Rolduc á árunum 1959-1961. Hafi annar prestur [annarsr ern Gijsen] nauðgað sér þrívegis og einnig hafi Gijsen sýnt honum og fleiri drengjum kynferðislega áreitni. Hafi hann m.a. fróað sér framan við drengi og lagst upp í rúm til þeirra." (mbl.is) Ekki skiptir hér neinu meginmáli, að þetta var fyrir hálfri öld (um 45-47 árum áður en Geijsen tók hér við sem biskup), það er jafn ósæmilegt fyrir því, EN ÞETTA ER EKKI HÆGT AÐ KALLA RAUNVERULEGA NAUÐGUN, þótt refsivert sé.

3) Að lokum er ásökun vissulega ekki endanleg sönnun, þótt gervidoktorinn tali eins og hann sé hinn endanlegi dómari, en sannarlega ber að taka þessar kærur alvarlega og fylgja þeim eftir.

EF málstaður gervidoktorsins væri, eins og hann virðist telja, hinn bezti í heimi í þessu ásökunarefni hans, þá myndi hann ekki þurfa að ýkja á neinn hátt um málið.

Sjá nánar umfjöllun mína hér: Fyrrverandi Reykjavíkurbiskup (kaþólskra) kærður fyrir meint kynferðisbrot.

[Jón Valur Jensson, 16.9.2010 kl. 14:25]

"[annar en Gijsen]" átti að standa þarna

[doctore (IP-tala skráð) 16.9.2010 kl. 15:16]

Afhverju ertu svona æstur í að vita hver ég er... afhverju hefur þú ekki sömu kröfur á höfunda biblíu... sem eru ótal margir nafnleysingjar.. Það sem þú ert að gera JVJ er að sýna einkenni á trúar-heilkenni... Bráðum kemur þetta í bækur um geðsjúkdóma.

Ég er 99.9% viss um að biskupinn þinn nauðgaði börnum, það eru miklar líkur á að hann hafi einnig gerst sekur um slíkt hér á landi, þar sem barnagirnd er ólæknandi.

[doctore (IP-tala skráð) 16.9.2010 kl. 15:18]

Nú segir páfi að trúleysingar séu nasistar....
http://doctore0.wordpress.com/2010/09/16/bha-reacts-to-popes-first-remarks-on-state-visit/

En Hitler var kaþólikki, taldi kristni það mikilvægasta af öllu....

Páfi er alveg eins og JVJ... lýgur og lýgur... til að viðhalda stærsta barnaníðingshring í heimi... Já JVJ, ef þú styður kaþólsku kirkjuna þá styður þú barnaníðinga... og ert gegn mannréttindum.

Hjá þessu verður ekki komist

[Jón Valur Jensson, 16.9.2010 kl. 15:55]

Gervidoktorinn er gersamlega sigraður með rökum í því atriði þar sem hann fór ótal kílómetra fram úr sjálfum sér, en hefur ekki sómatilfinningu til að viðurkenna að hann hafi haft þar á röngu að standa.

Paula, systir Hitlers, sagði í minningum sínum frá eindreginni óbeit hans á kaþólskri trú. (Ég hef textana tiltæka.) Svo er þessi gervidoktor að reyna að bæta upp málefnafæð sína með því að klína illmenninu Hitler á kaþólsku kirkjuna!

Gervidoktorinn hefur ítrekað gagnrýnt höfunda Biblíunnar fyrir að vera nafnlausir (það á reyndar aðeins við um minnihluta þeirra), þó að SJÁLFUR velji hann að vera jafnan nafnlaus! Á honum og þeim (t.d. Predikaranum) er þó sá munur, að þeir skrifa uppbyggilega, megnið af verkum þeirra er fræðandi og siðbætandi, og margt er þar afar fallegt, t.d. Orðskviðirnir og Ljóðaljóðin (sem gætu þó verið eftir Salómó konung), en skrif gervidoktorsins eru óþroskuð og illa fram sett (enda gagnrýnd núna þess vegna af Hjalta í Vantrú í Moggabloggi hans) og iðulega full af formælingum sem hann spýr yfir Guð og góða menn.

Jöfnuðurinn er því enginn.

[Egill Óskarsson, 16.9.2010 kl. 16:32]

Númi segir: Honum er bara frjálst að hafa sína skoðun og eigum við barasta að bera virðingu fyrir hans skoðun.

Jenis er frjálst að hafa sína skoðun, engin hefur haldið öðru fram. Það er hins vegar argasta vitleysa að okkur sé skilt að bera virðingu fyrir skoðunum hans. Eigum við þá líka að bera virðingu fyrir skoðunum öfgafullra kynþáttahatara? Eigum við að bera virðingu fyrir skoðunum þeirra sem telja í lagi að ræna 5 ára gömlum drengjum, dópa þá upp og þjálfa sem hermenn? Á ég að bera virðingu fyrir skoðun þeirra sem telja eðlilegt að limlesta eða drepa annað fólk til þess að innheimta skuldir? 

Skoðanir eru ekki sjálfkrafa virðingarverðar, það er augljóst öllum þeim sem hugleiða málið í örlitla stund. 

En það eiga allir rétt á að hafa hverja þá skoðun sem þeir vilja en allir aðrir eiga þá líka rétt á því að gagnrýna þá skoðun. 

Númi segir líka: Hvað er það annað en kúgun gagnvart þeim sem líta á samkynhneigð sem óeðlilega,þeir sem hafa þær skoðanir hafa verið hakkaðir sem  rasistar  mannhatarar  og ég veit ekki hvað og hvað.

Það eru engar skoðanir undanþegnar gagnrýni. Og þeir sem leyfa sér að líta á annað fólk sé óæðra vegna hluta eins og kynhneigðar eða kynþáttar verða bara einfaldlega að vera tilbúnir að fá ansi harða gagnrýni á sínar skoðanir og ættu að hætta að væla undan því. 

[Jens Guð, 16.9.2010 kl. 18:54]

  Að kröfu bloggstjórnar Moggans þurfti ég að fjarlægja athugasemdina sem var # 1.  Fyrir bragðið riðlast þau svör sem ég hafði vísað til með númerum.

[Jens Guð, 16.9.2010 kl. 18:56]

  Ólafur (#13),  svo róttækar aðgerðir eru óþarfar.  Það er nær að ræða viðhorf hans en banna.

[Jens Guð, 16.9.2010 kl. 18:58]

  Óverulegur guðdómur (#15),  ég er daglega í meðferð.  Allan sólarhringinn.

[Jens Guð, 16.9.2010 kl. 19:01]

  Hólímólí (#16),  þetta er merkilegt.  Ég var ekki búinn að taka eftir þessu.

[Jens Guð, 16.9.2010 kl. 19:24]

  Egill (#17),  mæl þú manna heilastur!

[Jens Guð, 16.9.2010 kl. 19:25]

  Hannes (#18),  það er pottþétt.

[Jens Guð, 16.9.2010 kl. 19:26]

  Ólafur (#29),  þakka þér.

[Jens Guð, 16.9.2010 kl. 19:28]

  Jón Steinar (#32),  ég veit ekkert hvaða náungi þetta er.  En sé þetta rétt með Skolla þá smellpassar þetta.

[Jens Guð, 16.9.2010 kl. 19:31]

  Désús hristur (#33),  það verður troðningur á samkomuna.

[enok (IP-tala skráð) 16.9.2010 kl. 19:57]

25 undirskriftir frá Færeyingum er ekki mikið . Reyndar breytir það litlu um inngönguskylirði himnaríkis þegar það verður stofnsett . Vonandi tekst Jenis að gera fólki það ljóst . Ekki tókst mér það .

[Jens Guð, 16.9.2010 kl. 20:07]

  Jón Valur (#34),  2006 kom inn á borð til heimilislæknisins Jenisar av Rana að stúlka var beitt kynferðisofbeldis af hálfu föður síns.  Maðurinn og barnið voru í trúfélagi sem Jenis veitti forstöðu.  Jenis harðbannaði stúlkunni að kæra níðinginn og lagði áherslu á að þetta mætti ekki vitnast.

  Fyrir 2 árum eða svo var ég sem oftar í Færeyjum þegar mikið var um málið fjallað í fjölmiðlum.  Meðal annars voru viðtöl við Jenis þar sem hann skýrði ástæður sínar fyrir þögguninni. Ég held að málið sé ennþá til meðferðar fyrir dómstólum.  Það er að segja málið um að Jenis braut barnaverndarlög og gegn upplýsingaskyldu með þögguninni.  

  Fyrir örfáum vikum var upplýst í færeyskum fjölmiðlum að Jenis av Rana væri að leita fylgis við frumvarp sem hann ætlar að leggja fram í lögþinginu þess efnis að afnumin verði lagagrein #266b.  Í henni er kveðið á um að ekki megi ofsækja samkynhneigða.  

  Þegar færeyskur hommi,  Rasmus Rasmussen,  var laminn fyrir nokkrum árum marglýsti Jenis yfir í fjölmiðlum stuðning við að hommar væru lamdir.  Viðkvæði hans var það að örfáir pústrar væru lítill fórnarkostnaður til að komast hjá vítislogum.  Þar var hann að vísa til þess að barsmíðar á hommum gætu fælt þá frá því að hommast.

  Ég tek fram að ég hef aldrei talið Jenis av Rana vera talsmann kristinna fremur en talsmann Færeyinga.  Færeyingar eru almennt töluvert áhugasamari um trúmál og kirkjurækari en íslenskur almenningur.  Jenis av Rana nýtur ekki stuðnings færeysks almennings.    

[Jón Valur Jensson, 16.9.2010 kl. 22:35]

Og hann er mjög fjarri því að vera "minn maður", ef þetta er allt rétt sem þú segir hér um hann. – Takk á meðan fyrir svarið.

[Jens Guð, 17.9.2010 kl. 03:57]

  Jón Valur (#62),  ég verð í hasti að leiðrétta eitt atriði í #61.  Ég var nefnilega áðan að spyrja konu í Færeyjum betur út í þetta mál.  Umræðan sem ég varð var við í fjölmiðlum 2008 hafði gosið upp í kjölfar þess að dómstólar komust að þeirri niðurstöðu að þöggunin hafi ekki verið brot á barnaverndarlögum.  Stelpan var nefnilega orðin 16 ára þegar hún ræddi við heimilislækninn um það hvernig hún ætti að standa að kæru gegn föður sínum fyrir að hafa níðst kynferðislega á sér sem barni.

  Þegar stelpan ræddi við Jenis um þetta bað hún hann um að láta föður sinn ekki vita að hún væri að opna þetta mál.  Það næsta sem gerist er að stelpan er skömmu síðar boðuð á fund til Jenisar.  Er stelpan mætti var faðir hennar þar fyrir og Jenis búinn að segja honum frá áformum stelpunnar.  Fundurinn átti að ganga út á að stelpan myndi fyrirgefa barnaníðingnum og málið væri þar með úr sögunni.

  En sem sagt þá er málið gegn Jenis ekki lengur til meðferðar hjá dómstólum.  Það leiðréttist hér með.

[Jens Guð, 17.9.2010 kl. 04:01]

  DoctorE (#35),  þetta var samt áhugavert spjall.

[Jens Guð, 17.9.2010 kl. 04:09]

  Adeline (#36),  já,  ég hef heimildir fyrir þessu.  Í fyrsta lagi var þessu gerð góð skil í færeyskum fjölmiðlum.  Meðal annars í ítarlegum viðtölumk við Jenis.  Einnig var þetta tekið fyrir hjá dómstólum í Færeyjum.

  Varðandi íslenska trúfélagið sem Jenis er að fara að heimsækja þá hefur hann ekki viljað gefa nafn þess upp.  Ég veit ekki hvers vegna hann heldur því leyndu.  Það eina sem hann gefur upp er að þetta sé 1000 manna söfnuður og að samkoman sem Jenis muni predika á verði haldin stutt frá Reykjavík.  

  Jenis hefur heldur ekki gefið upp dagsetningu.  Aðeins sagt að þetta verði núna í haust.  Einnig hefur hann nafngreint færeyskan forsöngvara sem hann ætlar að grípa með sér.   

[Adeline (IP-tala skráð) 17.9.2010 kl. 09:44]

Já þú segir nokkuð.

Ef þetta er rétt, þá bara er það það og maðurinn bara ógæfumaður sem fær ekki minn stuðning varðandi sitt skoðanafrelsi.

Hinsvegar er öll þessi umfjöllun um hann - varðandi matarboðið fína sem hann vildi ekki fara í - fáránleg og á ekki rétt á sér sem slík.

[doctore (IP-tala skráð) 17.9.2010 kl. 09:48]

JVJ veit vel að hann er úti í horni með allt sitt galdrastöff... ef það væri ekki þá væri hann ekki með ritskoðun dauðans

Það er alþekkt í USA að foreldrar fái þau ráð hjá presti að best sé að fyrirgefa níðing...

[Jens Guð, 17.9.2010 kl. 21:35]

  Númi (#39),  ég er ekki talsmaður þess að Jenis av Rana fái ekki að viðra skoðanir sínar.  Þvert á móti hef ég kynnt hans skoðanir nokkuð rækilega á þessum vettvangi.  Hitt er annað mál að það er jafn sjálfsagt að ég geri hér grein fyrir því að vera ósammála hans skoðunum.  Eins og Jensis av Rana kynnir sínar skoðanir þá virðist mér sem þær einkennist af öðru en kærleika og umburðarlyndi.  Eitt er að skilgreina samkynhneigð sem eitthvað sem eigi að lemja úr fólki og barnaníð sem eigi að þagga niður og leita sátta um innan trúfélags.  Annað er að vera baráttumaður fyrir því að hommar séu lamdir til afhommunar og barnaníð sé leyst innan trúfélags með því að fórnarlamb fyrirgefi í kyrrþey barnaníðingnum. 

[Jens Guð, 17.9.2010 kl. 21:42]

  Egill (#50),  þú kemur inn á ágætan punkt.  Það er mikill munur á því að virða skoðanir einhvers annarsvegar og því að bera virðingu fyrir þeim skoðunum.  Í fyrra tilfellinu er skoðunum viðkomandi tekið sem einhverju sem ástæða er til að ræða og velta fyrir sér.  Í seinna tilfellinu er skoðunum viðkomandi mótmælt og þær gagnrýndar.

[Jens Guð, 17.9.2010 kl. 21:53]

  Enok (#60),  skoðanir Jenisar av Rana eiga ekki upp á pallborð hjá færeyskum almenningi.  Það hefur ítrekað verið staðfest.  Jenis barðist hatrammlega gegn því að Elton John héldi hljómleika í Færeyjum.  Jenis skilgreinir Elton John sem erindreka djöfulsins.  Jenis heldur því fram að Elton John hafi selt djöflinum sálu sína.  Sú sé ástæðan fyrir tónlistarhæfileikum Eltons.  Gjaldið fyrir sálu Eltons hafi verið það að hann þurfi að skemmta djöflinum í staðinn með samkynhneigð.

  Um 6000 Færeyingar sóttu hljómleika Eltons í Færeyjum.  Það er metaðsókn.  Jafngildir því að 40 þúsund Íslendingar (miðað við höfðatölu) myndu sækja hljómleika á Íslandi.  Mesta aðsókn á hljómleika á Íslandi er 18 þúsund á hljómleika Metallica.  Númer 2 er 12 þúsund manns á hljómleika Rammstein.

  Þetta sýnir að Færeyingar tóku ekki mark á andófi Jenisar gegn hljómleikum Eltons Johns í Færeyjum.

  Allt annað er að mér þykir Elton John leiðinlegur poppari.  Það hefur ekkert með kynhneigð hans að gera.  

[Jens Guð, 17.9.2010 kl. 22:06]

  Adeline (#66),  ég hef skýrt frá öllu eins og ég best veit um framgöngu Jenisar.  Ég er alveg viljugur til að láta hann njóta sannmælis.  Í dag ræddi ég við ofurkristna færeyska konu sem heldur því fram að Jenis gangi á vegum hins vonda.  Ég trúi ekki á neitt slíkt og var allt í einu kominn í það hlutverk að verja Jenis út frá því sjónarmiði að hann sé að standa með sínum viðhorfum.  Sem ég kvitta ekki undir en hann standi í trú um að séu guði þóknanleg.  Umræðan fór reyndar út í hálfgert rugl því konan er betur lesin í Biblíunni en ég.  Samt er ég fæddur og uppalinn í Hólakirkju og nokkuð vel að mér í Biblíunni.  En er ekki alveg inni á þeirri línu að rökræða um túlkanir á texta Biblíunnar.

[Númi (IP-tala skráð) 18.9.2010 kl. 00:16]

Tek undir skrif þín Jens´´No 68,,ég held að pistill minn þarna ofar hafi eitthvað misskilist,eða ég hafi komið honum klaufalega frá mér.Mér þykir vænt um allt fólk,hamingjan er það sem skiptir máli,og amen.