Sparnaðarráð - 50% sparnaður!

  Í því árferði sem ríkir um þessar mundir er brýnt að Íslendingar standi saman og deili með hver öðrum sparnaðarráðum.  Guðirnir blessi Ísland.  Ekki stendur á mér.  Ég hef komið á framfæri í  Sunnudagshugvekjunni  á Nálinni fm 101,5 mörgu notadrjúgu sparnaðarráðinu.  Þó flestir hlusti samviskusamlega á Nálina eru alltaf einhverjir í þeirri ömurlegu aðstöðu að koma því ekki við að hlusta á útvarp einmitt þegar  Sunnudagshugvekjan  er í loftinu.  Þetta á til að mynda við um fólk sem er statt í flugvél eða er í yfirheyrslu hjá lögreglunni. 

  Mér er ljúft að koma til móts við þá vesalinga sem lenda í þessum ósköpum og birta hér nýlegt sparnaðarráð úr  Sunnudagshugvekjunni.

  Þannig er að flestar fjölskyldur og einstaklingar þurfa að fara til læknis eða á slysavarðstofu af og til.  Sumir oft á ári.  Það kostar pening.  Margar ferðir kosta marga peninga.  Þennan kostnaðarlið má lækka um 50%.  Það munar um minna.  Það eina sem þarf að gera er að fara aðeins í annað hvert skipti.

Hér eru fleiri hagræðis- og sparnaðarráð:

http://www.jensgud.blog.is/blog/jensgud/entry/1031748/

http://jensgud.blog.is/blog/jensgud/entry/665336

http://jensgud.blog.is/blog/jensgud/entry/640833

http://jensgud.blog.is/blog/jensgud/entry/530712

http://jensgud.blog.is/blog/jensgud/entry/537968

http://jensgud.blog.is/blog/jensgud/entry/501251

http://jensgud.blog.is/blog/jensgud/entry/686753

http://www.jensgud.blog.is/blog/jensgud/entry/1073015/

Athugasemdir

[Andrés.si, 27.9.2010 kl. 15:17]

Rétt hjá þér. 

Sparið þíð með að búa til saft gegn hósti úr lauki fyrir nokkrar krónur en kaupa ekki hostaSTILLANDI "drykkir" í apótekinu.  Áhugasamir hafið samband. 

[Hoppandi (IP-tala skráð) 27.9.2010 kl. 16:30]

Gæti maður ekki sparað enn meira ef maður sendi reikning til Ríkisins fyrir þeim kostnaði sem Ríkið hefði hvort sem er þurft að bera ef maður hefði farið þegar maður þurfti að fara en fór ekki?

[Jens Guð, 27.9.2010 kl. 19:21]

  Andrés,  takk fyrir þetta góða ráð.  Reyndar skil ég ekki af hverju fólk er að fá sér hóstastillandi.  Nema kannski í allra verstu tilfellum þar sem fárveikt fólk líður kvalir er það hóstar eða eitthvað svoleiðis.  Undir flestum tilfellum er einungis hressandi að hósta.  Það er góð æfing fyrir varnarkerfi líkamans að takast í rólegheitum við hósta.  Eftir þau átök er varnarkerfið mun sterkara en áður.

[Jens Guð, 27.9.2010 kl. 19:22]

  Hoppandi,  þetta er góður punktur.  Hann kallar á nánari útfærslu.

[Ómar Ingi, 27.9.2010 kl. 20:42]

Meira svona sunnudagshrollvekja jens minn

[Jens Guð, 27.9.2010 kl. 20:53]

  Ómar Ingi,  þarna ertu kannski kominn með nýja nafnið á þáttinn minn:  Sunnudagshrollvekjan!  Ég þarf að velta þessum möguleika alvarlega fyrir mér.  Hann kemur til greina.