Hverju er verið að mótmæla?

 

  Ég mætti kátur og hress í mótmælastöðu á Austurvöll í kvöld.  Ég vissi ekki alveg hverju var verið að mótmæla.  Það var góð stemmning.  Með mér í för var Vestur-Íslendingur frá Kanada.  Hann vissi ekki fremur en ég hverju við vorum að mótmæla.  Það skipti þó litlu máli.  Við mótmæltum einhverju.  Og Vestur-Íslendingurinn hefur tekið þátt i mótmælum í Bretlandi,  Kanada og víðar.  Þar var augljósara hverju var verið að mótmæla.

  En þetta var gaman.  Við mótmæltum öllu sem var í boði til að mótmæla:  Burt með spillingu,  burt með ríkisstjórn,  burt með stjórnmálastéttina,  burt með Alþingi,  burt með aðgerðarleysi,  burt með Geir Haarde og Ingibjörgu Sólrúnu,  burt með skjaldborg auðmanna,  burt með samspillingu,  burt með Sjálfstæðisflokkinn,  Framsóknarflokkinn,  Samfylkinguna,  Vinstri Græna og burt með allskonar.   Burt með fjórflokkinn,  burt með AGS,  burt með spillta verkalýðsforingja,  burt með verðtrygginguna,  burt með ESB...

  Bylting lá í loftinu 2009 og enn er hrópað á byltingu.  Heimilum  blæðir .  Glæpamenn fá milljarða afskrifaða.  Kúlulánakóngar og kúlulánadrottningar drottna á Alþingi.  Sérlegir efnahagsráðgjafar hrunsins blása sig út sem þá sem vita og geta.  Öllum öðrum betur. 

  Og hvað svo?  Kosningar strax?  Kosningar fyrsta laugardag hvers mánaðar?  Þjóðstjórn?  Utanþingsstjórn (undir forystu Gylfa Magnússonar og Rögnu)?  Einræði?  Stjórnleysi (anarkisma)?  Besta flokkinn og Frjálslynda flokkinn á þing?   

  Af hverju var lögreglan grýtt með steinum og allskonar drasli?  Af hverju tók Óli Björn Kárason brjálæðiskast í stað þess að fara heim og láta renna af sér?  Þó ekki sé nema örlítið.  

  Svona er Ísland í dag.  Mikið fjör.   "Föss" gítarsándið hjá Lennon er skemmtllegt þó George hafi hatað það.

Réttlæti og heiðarlegt uppgjör

Athugasemdir

[hilmar jónsson, 5.10.2010 kl. 00:41]

Hvað er þetta maður. Það var verið að mótmæla gellunum á Múlakaffi. Þær hafa hreint ekki verið lystugar upp á síðkastið.

Fylgjast með mar..

[Jens Guð, 5.10.2010 kl. 00:46]

  Hilmar,  ég játa að hafa ekki fylgst með.  Mér þykir saltfiskurinn í Múlakaffi góður með hömsunum.  Ennþá meira þykir mér gaman að heyra í Bítlunum.  Þetta er eitt af þeirra síðustu varðveittu myndböndum.  Allir kátir. 

[hilmar jónsson, 5.10.2010 kl. 00:52]

Þetta var lagið sem kveikti í alvöru á áhuganum hjá mér á the Beatles..

[Jens Guð, 5.10.2010 kl. 00:58]

  Hilmar,  ég er töluvert eldri en þú.  Upplifði Bítlana beint í æð.  Þetta lag kom assgoti öflugt inn í pakkann 1968.  Fram að því höfðu Bítlarnir meðvitað ekki verið mikið í blús.  Þo þeir væru miklir blús unnendur.  En þarna komu þeir sterkir til leiks í blúsnum.    

[Hólímólí (IP-tala skráð) 5.10.2010 kl. 01:17]

Ég fékk helvíti góðan plokkfisk á Múlakaffi um daginn. Gellurnar með hömsunum eru líka æði þó ekki borgi sig að borða þær þunnur. Lennon var líka andskoti góður ekki síst í Revolution. Ég mótmælti líka ... en ég var að mótmæla því að þessi girðingaframkvæmd við Alþingishúsið var ekki boðin út heldur bara afhent fyrirtækinu Hús og rekstur ehf. sem er í eigu Hannesar S. Vilhjálmssonar tengdaföðurs Helga Jónssonar hjá Innkaupa- og útboðsstofnun Ríkisins.

Tilviljun? Nei, takk. Spilling. Ekkert annað.

[hilmar jónsson, 5.10.2010 kl. 01:21]

Helvíti stóð hún sig vel...þ.e. Girðingin.

[Steingrímur Helgason, 5.10.2010 kl. 01:28]

Í þetta ~fuzz~ þarf líka að eiga alvöru gamlann '66 Zelmer lampamagnara...

Já, & já.

[Kjartan Sigurgeirsson, 5.10.2010 kl. 08:17]

Það er gott að geta gert grín að ástandinu, það geta það ekki allir!

[Sigurður Helgi Ármannsson, 5.10.2010 kl. 08:37]

http://www.youtube.com/watch?v=w8KQmps-Sog&feature=channel

Muse - Uprising

[Jón Arnarr , 5.10.2010 kl. 10:48]

Þetta er nú heldur þunnur þrettádi af atvinnubloggara að vera en það er rétt hjá þér að Lennon var góður. Það kostaði hann reyndar lífið eins og marga aðra góða menn í Bandaríkjunum.

[Jens Guð, 5.10.2010 kl. 18:18]

  Hólímóli,  hann er líka rosalega góður plokkfiskurinn á Sjávarbarnum.

[Jens Guð, 5.10.2010 kl. 18:19]

  Hilmar,  mér var sagt að hljómborðsleikarinn Hjörtu Howser hafi passað upp á að girðingin yrði ekki fyrir hnjaski.

[Jens Guð, 5.10.2010 kl. 18:21]

  Steingrímur,  takk fyrir þennan fróðleiksmola.  Ég veit ekki hvernig magnara Dave Davies átti þegar hann spilaði  You Really Got Me.  Hitt veit ég að hann skar með vasahníf í magnarann til að ná fözzinu.

[Jens Guð, 5.10.2010 kl. 18:26]

  Kjartan,  grín er nauðsynlegt.  Ekki síst í þrengingum.  Annað mál er að ég er ekki að grínast í þessari bloggfærslu heldur spyrja áleitinna spurninga sem ég hef ekki fengið samræmd svör við.  Og eiginlega engin svör.

[Jens Guð, 5.10.2010 kl. 18:31]

  Sigurður Helgi,  takk fyrir hlekkinn yfir á myndbandið.  Það smellpassar við stemmninguna.

[Jens Guð, 5.10.2010 kl. 18:41]

  Jón Arnarr,  ég er ekki atvinnubloggari.  Ég blogga frekar sjaldan.  Og aðallega um útvarpsþætti á Nálinni fm 101,5.  Einstaka sinnum set ég þó inn spurningar sem brenna á mér.  Eins og þessari um hvað mótmælin snúast.  Aldrei þessu vant er fátt um svör.  Sem er önnur ástæða fyrir því að ég nota þennan bloggvettvang til enn einnrar tilraunar til að fá svör.  Ég fatta ekki hvað það er mikið feimnismál og mikil leyndarhyggja yfir því hverju fólk er að mótmæla.   

[Gjagg (IP-tala skráð) 5.10.2010 kl. 20:35]

Trommusláttur Ringos er RÉTTUR....hann er alls ekki ad reyna ad stela svidsljósinu thví hann trommar litid sem ekkert thegar vid á en tekur gódan sprett thegar passar t.d. 1:28 - 1:40 og svo seinna í laginu med samskonar sprett.

Ringó man....yeah yeah yeah...Ringó all the way!

Ringó er gódur gaei finnst mér.

[hilmar jónsson, 5.10.2010 kl. 20:38]

Bittinú, Hvað gerði Hjörtur vinur minn ? Varann með læti ?

[Jens Guð, 5.10.2010 kl. 21:10]

  Gjagg,  Ringo var alltaf flottur trommari með Bítlunum.  Hann kunni lag á að láta lítið fyrir sér fara á þann hátt að vera frekar í því að styðja undir hljóðfæraleik hinna en vera með sýndarmennsku og óþarfa stæla. 

  Stíll hans var persónulegri en venja er.  Kannski að hluta vegna þess að Ringo er örvhentur en raðar trommusettinu upp eins og rétthentur. 

[Jens Guð, 5.10.2010 kl. 21:14]

  Hilmar,  ég heyrði í útvarpinu að Hjörtur Howser hafi tekið að sér að verja girðinguna fyrir skemmdarvörgum.  Ég man ekki hvort það var Erpur eða einhver annar sem nefndi þetta í  Harmageddon  á X-inu.  En Hjörtur var sem sagt EKKI með lætur heldur kom í veg fyrir skemmdarverk.

[hilmar jónsson, 5.10.2010 kl. 21:32]

Hjörtur er eðal maður..

[Jens Guð, 5.10.2010 kl. 21:57]

  Hilmar,  ég þekki hann ekki en hef aldrei heyrt annað um hann en einmitt að þetta sé eðal náungi.

[Brynjar Jóhannsson, 6.10.2010 kl. 16:37]

Þetta var algjör snilldar grein hjá þér jens Ég skellihló og addaði henni á facebookið hjá mér.

[Jens Guð, 6.10.2010 kl. 18:19]

  Brynjar,  takk fyrir það.