Vinsælustu lög Bítlanna

  Á þriðjudaginn voru öll lög bresku Bítlanna,  The Beatles,  sett á iTunes.  Ég veit ekki hvað þetta iTunes er.  En svo virðist vera sem fólk með aðgang að tölvu og nettengingu geti sótt sér lög í gegnum þetta iTunes.  Sennilega þarf að borga eitthvað fyrir lögin.  Hvernig svo sem það allt saman er þá er gaman að skoða lista yfir hvaða lög Bítlanna njóta mestra vinsælda á iTunes.  Sá listi er dálítið gallaður.  Sum lög eru á fleiri en einum stað á listanum.  Ástæðan fyrir því er sú að þau lög er að finna á fleiri en einni plötu.  Hvert og eitt sæti fyrir sig gefur upp viðkomandi lag af aðeins einni plötu.

  Þannig er listinn:     

1   Hey Jude

2   Twist and Shout

3   Let It Be

4   Here Comes the Sun

5   Twist and Shout

6   Blackbird

7   In My Life

8   I Saw Her Standing There

9   Come Together

10  A Day In The Life

11  Hey Jude

12  Help!

13  Eleanor Rigby

14  I Am the Walrus

15  Let It Be

16  Lucy in the Sky With Diamonds

17  A Hard Day´s Night

18  Yesterday

19  Hey Bulldog

20  While My Guitar Gently Weeps

21  Yesterday

22  You´ve Got to Hide Your Love Away

23  Strawberry Fields Forever

24  Strawberry Fields Forever

25  With a Little Help From My Friends

26  In My Life

27  Norwegian Wood

28  Penny Lane

29  Sgt Pepper´s Lonely Hearts Club Band

30  The Long and Winding Road

.

  Allar stóru plötur Bítlanna (17 talsins með safnplötum) fóru með það sama inn á "Topp 50" á iTunes.  Þar af 3 inn á "Topp 10":  Abbey Road,  "Hvíta albúmið"  og  Sgt.  Pepper´s...  Til viðbótar er heildarsafn Bítlaplatna,  The Beatles Box Set,  inni á "Topp 10".  Þeir eru vinsælir þessir guttar.

Athugasemdir

[Jóna Kolbrún Garðarsdóttir, 18.11.2010 kl. 00:21]

  Bítlarnir rokka, flest lögin þeirra voru góð...

[Jens Guð, 18.11.2010 kl. 02:14]

  Jóna Kolbrún,  þeir áttu góða spretti.

[Handoltafregnir - Allt um handbolta!, 18.11.2010 kl. 15:43]

nei þeir áttu ekki einungis góða spretti, þeir voru ALLTAF GÓÐIR !!!!!!!!!!!!!

[Sigurbjörg Sigurðardóttir, 18.11.2010 kl. 16:10]

Fíla þá betur núna en áður.Maðurinn minn var meira fyrir Elvis,Jerry lee, og aðra,svo lítið var hlustað á þá,en þeir eru eins og rauðvínið,betri með aldrinum.Alltaf hrifin af hvíta albúminu.

[Gunnar Th. Gunnarsson, 18.11.2010 kl. 16:59]

Ég man ekki eftir að hafa heyrt lélegt lag með Bítlunum. Engin hljómsveit í veröldinn getur státað af slíku.

[Viddi (IP-tala skráð) 18.11.2010 kl. 17:24]

Hey Jude finnst mér alls ekki eiga að vera þarna á toppnum!!While my g g w á að vera miklu ofar og hvar er Free as a bird??Að mínu mati á að vera á topp 10.En það er bara mín skoðun:)  Takk fyrir þetta Jens.

[Ómar Bjarki Kristjánsson, 18.11.2010 kl. 22:14]

Hefði vilja skipta Hey bulldog út fyrir It wont be long.

http://www.youtube.com/watch?v=LYa0S65E3vo

Talandi um It wont be long sem kemur út svo snemma sem 63 og er aðallega Lennin lag þó Paul hafi komið eitthvað þar að, að þá sést strax hve furðulega pældir þeir eru strax í tónlistinni.  Þessi einkennilegi skilningur og dýpt sem ólýsanlegur er náttúruega.

Bara byrjað á fullu.  Stokkið á míkrófónin og:  It vónt bí long je alveg hreint og svo eftir innganginn kemur þessi næmi og listræni gítartaktursem ristir djúpt.  Og í gengum lagið hárnákvæmt samspil raddanna bæði inbyrðis og út til hljóðfæranna.  þetta er mystískt.  Ekkert annað.  Galdur.

Allt annað, og talandi um youtube,  að þegar maður er að horfa á youtube af Beatles á sviði - þá er soldið eftirtektarvert (að mínu áliti)  hve John ber sig miklu betur á sviði en hinir eða svona er sterkari einhvernveginn.   Hann kemur yfirleitt út á sviði - eins og hann sé aðalmaðurinn í bandinu.  

[Jens Guð, 18.11.2010 kl. 23:07]

  Einar Örn,  ég hef ekki gaman af öllum lögum Bítlanna.  Hinsvegar hef ég mjög gaman af mörgum lögum Bítlanna.  Sennilega var það og er ennþá styrkur Bítlanna hve þeir spönnuðu breitt svið:  Allt frá harðasta og háværasta rokki (Helter Skelter) til léttvægra barnagæla (Ob-La-Di,  Yellow Submarine...).  Þar á milli eða til hliðar og allt í kring er rosalega langt lag án laglínu og án takts (Revolution #9),  kassagítarballöður,  kántrý,  blús,  djass,  raga,  sýra og allskonar. 

[Jens Guð, 18.11.2010 kl. 23:14]

  Sigurbjörg,  að mörgu leyti hafa plötur Bítlanna elst vel.  Góð dæmi um það er að  Strawberry Fields Forever  hljómaði svo skrýtið á sínum tíma að margir áttu í erfiðleikum með að greina laglínu.  Það var fyrsta lag Bítlanna í áraraðir sem fór ekki í 1. sæti í Bretlandi.  Plötunni  Sgt Pepper´s...  var slátrað af mörgum gagnrýnendum.  Þannig mætti áfram telja.  Í dag eru bæði  Strawberry... og  Sgt Pepper´s...  á toppnum. 

[Jens Guð, 18.11.2010 kl. 23:15]

  Gunnar Th.,  ég vísa á "komment" #8.

[Jens Guð, 18.11.2010 kl. 23:18]

  Viddi,  það eru viðbrögð kaupenda laga á iTunes sem settu  Hey Jude  á toppinn.  Reyndar er lagið  Here Comes The Sun  núna komið upp fyrir  Hey Jude  á iTunes.

[Jens Guð, 18.11.2010 kl. 23:36]

  Ómar Bjarki,  It Won´t Be Long  er 100% Lennon lag.  Þetta er skemmtileg lýsing hjá þér á laginu. 

  Framan af voru Bítlarnir hljómsveit Johns Lennons.  Það var hann sem stofnaði hljómsveitina og réð ferðinni.  Enda "sterkur" karakter.  Allir liðsmenn Bítlanna hafa marg ítrekað í viðtölum að Lennon hafi alltaf verið "leiðtogi" Bítlanna.  Á sviði var Lennon einn með sinn hljóðnema en Paul og George saman um annan hljóðnema.  

  Þetta er samt ekki alveg rétt lýsing.  Það er að segja að á seinni hluta ferils Bítlanna var Paul í raun að mörgu leyti sá sem keyrði Bítlana áfram,  átti hugmyndina að  Sgt Pepper´s...  Magical Mystery Tour  ,  B-hlið  Abbey Road  og svo framvegis.  Lennon var meira og minna hálfur út úr heiminum vegna dópneyslu,  hálf óvirkur vegna ofur áhuga á Yoko Ono og eitthvað svoleiðis. 

  Lennon játaði fúslega að þegar hann tók Paul inn í hljómsveitina þá stóð hann frammi fyrir tveimur valkostum:  Að vera áfram aðal kallinn í hljómsveitinni og ná ekki þeim árangri sem hann stefndi að:  Að vera í hljómsveit sem myndi leggja undir sig heiminn:  Eða taka Paul inn í bandið og deila með honum hans hæfileikum sem voru um margt meiri en Lennons.  Og ná þannig að leggja undir sig heiminn.

[Gunnar Th. Gunnarsson, 19.11.2010 kl. 12:50]

fróðlegt

[Sigurbjörg Sigurðardóttir, 19.11.2010 kl. 17:32]

alltaf fróðlegt að lesa þig.Gefur okkur marga gullmola með þínu bloggi.Er þessa dagana að gánga í gegnum mínar vínilplötur,sem eru bara reysnalegar og er bara montinn yfir valinu,flott val og gífurleg hamingja.