Bestu plötur ársins 2010

  Bandaríska poppmúsíkblaðið Rolling Stone hefur birt lista yfir bestu plötur ársins 2010.  Rolling Stone er söluhæsta músíkblað heims.  Það selst í næstum tveimur milljónum eintaka.  Eðlilega ber listinn þess nokkur merki að blaðamenn og plötugagnrýnendur Rolling Stone eru bandarískir.  Blaðið er jafnframt dálítið íhaldssamt og sinnir aðallega þekktum poppstjörnum fremur en jaðarmúsík og  þungarokki.  Gaman væri að hlera viðhorf ykkar til listans.  Ég er svona rétt la, la sáttur.  Þannig lagað.  Ég er meira fyrir pönk. 

  Svona lítur listinn út (í bláum sviga er staða sömu plötu í áramótauppgjöri helsta keppinautar Rolling Stone,  bandaríska poppmúsíkblaðsins Spin.  Í svörtum sviga þar fyrir aftan er staða plötunnar í uppgjöri bandaríska vefmiðilsins amazon.com): 

1.    Kanye West
My Beautiful Dark Twisted Fantasy  (1) (5)

2.    The Black Keys
Brothers  (30) (2)

3.    Elton John and Leon Russell
The Union  (-) (-)

4.    Arcade Fire
The Suburbs  (3) (4)

5.    Jamey Johnson
The Guitar Song  (5) (12)

6.    Vampire Weekend
Contra  (11) (10)

7.    Drake
Thank Me Later  (16) (-)

8.    Robert Plant
Band of Joy  (35) (-)

9.    Eminem
Recovery  (38) (-)

10.    LCD Soundsystem
This Is Happening  (4) (6)

11. The Dead Weather, Sea of Cowards  (-) (-)

12. John Mellencamp, No Better Than This  (-) (-)
13. Taylor Swift, Speak Now  (-) (-)
14. Robyn, Body Talk  (10) (19)

15. The National, High Violet  (26) (8)
16. Kid Rock, Born Free  (-) (-)
17. Beach House, Teen Dream  (17) (3)
18. Kings of Leon, Come Around Sundown  (-) (-)

19. M.I.A., Maya  (8) (-)
20. Neil Young, Le Noise  (28) (-)

Athugasemdir

[Gísli Foster Hjartarson, 8.12.2010 kl. 10:15]

Sæll Jens  Takk fyrir að birta þennan lista var ekki búinn að sjá hann en er með Q og Mojo listana hérna hjá mér ekkert svakalegur samhljómur en sé í fljótu bragði að Robert Plant, Black Keys, LCD Soundsystem og Arcade Fire eru á öllum þessum listum. Beach House, Dead Weather, National, Neil Young og Kings of Leon á tveimur listum. Sé líka að Midlake er á enskulistunum en ekki þeim hjá Rolling Stone svo eitthvað sé nefnt. Manic Street Preachers líka ofarlega a´báðum ensku listunum en reikna nú sjaldnast með því að það ágæta band skori hátt annarsstaðar en þar og hjá mér!!!

Er nú reyndar ekki búinn að leggja þetta allt niður fyrir mig gagnvart því sem ég hef hlustað á á þessu ári en sá Arcade Fire í London í síðsutu viku og þau voru frábær.

[Jens Guð, 8.12.2010 kl. 20:08]

  Gísli Foster,  ég á eftir að kíkja á ensku blöðin.  Reyndar keypti ég í gær desember-hefti Mojo (Dylan-forsíðan).  Janúar-heftið er ekki komið í þær bókaverslanir sem ég hef átt erindi í.  Áramótauppgjörið er í janúar-heftinu.

  Ég ætla að skoða áramótauppgjör bandarískra miðla aðeins betur áður en ég sný mér að bresku blöðunum.  Þetta er einn af skemmtilegustu tímum ársins hjá mér:  Að stúdera og bera saman listana yfir bestu plötur ársins.  Ég velti mér upp úr því á næstu dögum.

  MSP er risanafn í Bretlandi.  Maður gerir sér varla grein fyrir því staddur hérlendis hvað MSP er virkilega stórt nafn þarna.  

[Georg P Sveinbjörnsson, 14.12.2010 kl. 19:53]

Margt ágætt þarna, nýja Killing Joke platan ætti samt að vera þarna í topp 10...finnst mér, klárlega ein af sterkari útgáfum ársins. http://www.popmatters.com/pm/review/132395-killing-joke-absolute-dissent/

[Jens Guð, 14.12.2010 kl. 22:45]

  Georg,  ég hef séð nýju KJ plötuna á svona áramótalistum.  Reyndar ekki í efstu sætum.  KJ er það langt frá "meginstraumnum" að á ritstjórnum poppblaðanna hafa ekki nægilega margir tékkað á plötunni til að setja hana á sinn lista.  Og þó skömm sé frá að segja þá er ég ekki ennþá búinn að fá mér þessa plötu.  Ég hef einfaldlega ekki rekist á hana í plötubúðum.

  Hinsvegar var ég að lesa að menningarráðuneyti Frakklands var að hengja orðu á Jaz fyrir merkilegt framlag hans til nútímatónlistar.  Mér skilst að menningarráðuneyti Frakklands njóti virðingar og vinsælda langt út fyrir Frakkland.  Það þyki standa undir nafni og vera vakandi fyrir helstu straumum í framsæknum listgreinum.

  Gott ef það var ekki þáverandi menningarráðherra Frakklands sem kom í opinbera heimsókn til Íslands á niunda áratugnum og hafði uppi þá einu ósk að fá að komast á hljómleika með Sykurmolunum.    

[Georg P Sveinbjörnsson, 14.12.2010 kl. 22:55]

Svo er svo stutt síðan hún kom út líka, fékk eintak í Skífunni fyrir helgi, var ekki komin í Smekkleysubúðina, en á leiðinni sögðu þeir.

Hafði heyrt af þessari orðu, kallinn var víst nokkuð kátur með þetta.

Já, líklega sami gaurinn.

[Jens Guð, 15.12.2010 kl. 00:22]

  Georg,  ég þarf að tékka á þessari plötu.  Ég á slatta af KJ plötum.  Sérstaklega er ég hrifinn af plötunni sem kom út 2003.  Ég var grútspældur yfir að hún rataði ekki ofarlega á lista yfir bestu plötur þess árs.

  Svo skemmtilega vill til að synir mínir eru sömuleiðis miklir KJ aðdáendur.  Og það án þess að ég hafi haldið hljómsveitinni að þeim.  Þeir vissu ekkert að gamli maðurinn væri líka að hlusta á þessa hljómsveit.  Það bara kom upp - seint og síðar meir - í einhverju spjalli að við vorum allir að hlusta á KJ.  

  Fyrir nokkrum árum árum fórum við sonur minn til Prag.  Þar var úrval í plötubúðum afskaplega rýrt.  Það var svona "Topp 10" allsráðandi.  Nema að KJ var í hávegum.  

  Það allra skrýtnasta var að í plötubúð í Prag fann ég plötu með íslensku hljómsveitinni Ham.  Innan um allt "Topp 10" draslið.  Platan heitir "Saga rokksins".  Kannski hafði titillinn eitthvað að segja - þó hann væri á íslensku.  Á umslaginu er mynd af George Michael og einhverjum fleirum slíkum poppfígúrum.  Mér þótti þetta svo súrrealískt að ég keypti eintak til að eiga það með tékkneskri verðmerkingu.   

[Georg P Sveinbjörnsson, 15.12.2010 kl. 19:15]

2003 platan var öflug, er samt enn hrifnari af 2006 plötunni Hosannas from the Basements of Hell, sennilega þeirra þyngsta og myrkasta verk, (einmitt tekin upp í gömlum vínkjallara í Prag)en fór ekki hátt og frekar stíluð inn á gamla aðdáendur en að vinna nýja.

Meirihluti hljómsveitarinnar hefur verið búsettur í Prag í nokkur ár, en held að gítarleikarinn sé sá eini sem er með fasta búsetu þar ennþá.

[Jens Guð, 16.12.2010 kl. 01:16]

  Georg,  ég þarf endilega að tékka á þessari plötu.  Ég á hana ekki.  Síðasta KJ plata sem ég keypti var XXV Gathering!