Þannig á að sjóða spaghetti

  Það er alveg merkilegt hvað fólki gengur illa að læra að sjóða spaghetti (eða pasta eða núðlur eða hvað á að kalla fyrirbærið).  Flestir falla í þá gryfju að sjóða það í saltvatni:  2 skeiðar af salti út í 3 lítra af vatni.  Eða eitthvað svoleiðis.  Besta aðferðin er að sleppa saltinu en nota þess í stað einn sprækan súputening.  Spaghettið bragðast ólíkt betur.  Það bragðast svo vel að hægt er að halda fjölmennar veislur með spaghetti eitt á boðstólum.  Ekki neitt annað.  Nema kannski tvær flöskur af kældu hvítvíni á kjaft.

  Annar kostur við súputening er að hann inniheldur miklu lægra hlutfall af salti en 2 skeiðar af borðsalti.  Almennt neytir fólk of mikils salts í fæðu yfir daginn.  Það er óhollt.  Skrúfar upp blóðþrýsting og fer illa með hjarta,  æðar,  nýru og fleira.  Það hefur vond áhrif á astma og veldur beinþynningu.  Bara svo fátt eitt sé nefnt. 

  8 grömm af salti á dag er hámark fyrir fullorðna manneskju.  Súputeningur er málið.

Athugasemdir

[eyjaskeggi (IP-tala skráð) 21.6.2011 kl. 04:05]

En er súputeningurinn ekki fullur af MSG efninu vinsæla ?

[Óskar Þorkelsson, 21.6.2011 kl. 09:32]

súputeningar eru að megninu til salt Jens ;)

[Vilhjálmur Gunnarsson (IP-tala skráð) 21.6.2011 kl. 09:32]

Eru súputeningar ekki brimsaltir.

[Jonni, 21.6.2011 kl. 13:23]

Athyglisvert.  Prófa þetta rakleiðis.

[Birna Jensdóttir, 21.6.2011 kl. 16:06]

Eru súputeningar ekki framleiddir úr gelatíni og salti?

[Óskar Þorkelsson, 21.6.2011 kl. 17:04]

ef menn vilja fá bragð í spagettíið á að elda það með salti í bullsjóðandi vatni í 8-10 mín.. og eftir suðu skella spagettíinu í skál, slettu af smjéri og síðan krydda að vild.. hræra þessu saman og servera.. ekkert vesen og kryddað eftir smekk hvers og eins..

[Óli minn, 21.6.2011 kl. 18:26]

Ég legg til að bæði salt og súputeningar verði eingöngu til sölu í apótekum.

[H.T. Bjarnason (IP-tala skráð) 21.6.2011 kl. 18:45]

Eigum við ekki bara að salta þessari umræðu?

[Jens Guð, 21.6.2011 kl. 18:59]

  Eyjaskeggi,  ég veit það ekki.  Það er ekki talið upp í innihaldslýsingu.  Að minnsta kosti ekki svo ég átti mig á.  Það getur verið skráð einhvern veginn þannig að sérstaka þekkingu þurfi sig til að átta sig á því.

[Jens Guð, 21.6.2011 kl. 19:03]

  Óskar,  vissulega er salt hæst hlutfalls hráefna í súputeningi.  En aðeins 10 grömm + alls konar grænmeti og einhver fita.  Ég þekki konu sem lifir nánast bara á kartöflum,  smjöri og súputeningum.  Hún er á kafi í yoga.

[Jens Guð, 21.6.2011 kl. 19:04]

  Vilhjálmur,  þeir eru saltir.  En gefa jafnframt vænt grænmetisbragð.  Eiginlega í humátt að kjötsúpubragði.

[Jens Guð, 21.6.2011 kl. 19:04]

  Jonni,  endilega.

[Jens Guð, 21.6.2011 kl. 19:08]

  Birna,  ég veit ekki með geletínið.  Held ekki.  Veit það samt ekki.  En saltur er súputeningurinn.  Svo sannarlega.

[Jens Guð, 21.6.2011 kl. 19:12]

  Óskar (#6),  þetta hljómar lystugt.  Ég hef reyndar ekki matreitt til fjölda ára eftir að ég fór að búa einn.  En mér þykir gaman að pæla í svona.

[Jens Guð, 21.6.2011 kl. 19:13]

  Óli minn,  það styttist í það.  Sannaðu til.

[Jens Guð, 21.6.2011 kl. 19:14]

  H.T. Bjarnason,  nei,  endilega ekki.  Þetta er spennandi umræða og fínir hlutir farnir að birtast í henni nú þegar.

[Manni (IP-tala skráð) 21.6.2011 kl. 21:38]

Ég hef prófað að nota sáputening og fannst það ekkert gott.

[Jens Guð, 21.6.2011 kl. 22:25]

  Manni,  ég get alveg trúað því að sÁputeningur hafi ekki gefið gott bragð.

[Óli minn, 22.6.2011 kl. 00:56]

Það er áreiðanlega gott að nota Vanish því þá getur maður sagt bless við blettina.

[Jens Guð, 22.6.2011 kl. 22:24]

  Óli minn,  bestu þakkir fyrir þín skemmtilegu innlegg.