Ókeypis plata! Gjörðu svo vel! Assgoti áhugaverð og merkileg!

 

 

 

 

 

 

 

 

 

  Annað tveggja söluhæsta bandaríska poppmúsíktímaritið er Spin.  Það söluhæsta er Rolling Stone,  sem jafnframt er söluhæsta poppmúsíktímarit heims.  Spin spriklar stöðugt.  Núna í tilfefni af 20 ára afmæli plötunnar  Nevermind  með Nirvana.  Plötunni sem kippti grugginu (grunge) upp á yfirborðið og negldi það í toppsæti vinsældalista út um allan heim. 

  Spin-liðar hafa smalað saman í einn pakka krákum af öllum lögunum á  Nevermind.  Meðal flytjenda eru hljómsveitirnar The Meat Puppets og The Vaselines.  Nirvana krákaði lög frá þeim á plötu sinni  MTV Unplugged in New York. Skemmtileg tilviljun.  Önnur skemmtileg tilviljun er að flutningur The Vaselines ber sterkan Bítlakeim.  Kurt Cobain var frá 2ja ára aldri forfallinn Bítlaaðdáandi.

  Þú getur eignast þessa Spin-plötu,  Newermind.  Hún er ókeypis.  Það eina sem þú þarft að gera er að smella á þennan hlekk:  http://www.spin.com/articles/free-album-spin-tribute-nirvanas-nevermind  og síðan á "Enter E-mail and Download.  Þá færðu í netfangið þitt sendan hlekk.  Þú smellir á hann og platan er þín.  Þú þarft ekkert að hafa keypt eintak af tölublaðinu sem platan fylgir eða vera áskrifandi að tímaritinu.  Þetta er ókeypis fyrir alla.  

  Þetta er dúndur áhugavert dæmi. 

Athugasemdir

[tommi (IP-tala skráð) 15.9.2011 kl. 20:40]

Snilld. Hendi mér i þetta.

[Jens Guð, 15.9.2011 kl. 20:48]

  Tommi,  það er margt assgoti skemmtilegt á þessari plötu.  Gott framtak hjá Spin.  Og Texas heróínfíkillinn Steve Earle afgreiðir Breed skemmtilega,  alt-kántrý kallinn að verða sextugur eða eitthvað.