Bestu lög síðustu 15 ára

  Breska poppblaðið New Musical Express er líklega næst áhrifamesta poppblað heims á eftir bandaríska poppblaðinu Rolling Stone.  Það er dálítið skrítið að í Bandaríkjunum,  stærsta/áhrifamesta poppmúsíkmarkaði heims,  er bandaríska poppmúsíkblaðið Rolling Stone hvarvetna til sölu.  Það er svo sem ekki skrítið út af fyrir sig.  Rolling Stone selst í 2 milljónum eintaka og er til sölu á þýsku í Þýskalandi og á frönsku í Frakklandi.  Það skrítna er að breska poppmúsíkblaðið New Musical Express er til sölu í öllum helstu blaðsölustöndum í Bandaríkjunum en ekki næst söluhæsta bandaríska poppblaðið,  Spin.  Hvað þá önnur bandarísk poppblöð á borð við Under the Radar og CMJ, sem eru einungis seld í stóru bandarísku bókaverslunum (Borders,  sem mér skilst að séu á fallandi fæti.  Jafnvel í New York).

  Fyrir bragðið eru bandaríska Rolling Stone og breska NME ráðandi á alþjóðamarkaði.  Nú hefur ritstjórn NME tekið saman lista yfir bestu lög síðustu 15 ára.  Þar tróna efst:

1   Radiohead:    Paranoid Andriot

2   Arcade Fire:  Rebellion (Lies)

3   Outkast:  Hey Ya!

4  The Strokes:  The Nite

5   The Killers:  The Brightside

  Ég er ekki að kvitta undir þennan lista.  Satt að segja þykir mér hann frekar þunnur þrettándi.  Einkum er The Strokes vont dæmi.  En listinn lagast töluvert við næsta lag:

6   The White Stripes:  Fell In Love With A Girl

7   Hot Chips:  Over and Over

8   Amy Winehouse:  Rehab

9  The Verve:  Bitter Sweet Symphony (stolið frá The Rolling Stones).

10   The Libertines:  Time For Heroes.  Þetta er ekki þeirra flottasta lag en þeir áttu stundum góða spretti.

15  MIA:  Paper Planes.  Þetta lag er margverðlaunað sem einkennislag myndarinnar Slumdog Millioner.  Færri vita að það er byggt á laginu frábæra  Straight To Hell  með The Clash.

  Síðar varð þetta lag frægt í flutningi Lily Allen.  Söluhagnaður af þeirri kráku (cover song) rann óskiptur til fórnarlamba stríðs í Írak og gott ef ekki fleiri.  Elvis Costello var með þetta lag um tíma á sinni hljómleikaskrá.  Einnig Jacob Dylan (sonur Bobs Dylans).  

  Ekki má heldur gleyma kráku New York ska-döbb-hljómsveitarinnar Skinnerbox á þessu lagi:

Athugasemdir

[Grrr (IP-tala skráð) 14.10.2011 kl. 11:10]

Ef að þessi listi er marktækur á að þetta sé rjóminn af síðustu 15 árunum í tónlistinni, þá hafa síðustu 15 árin verið ansi döpur

[Ásdís Sigurðardóttir, 14.10.2011 kl. 11:21]

Ekki get ég nú tekið undir þennan lista frekar en þú, en menn hafa misjafnan smekk

[Helgi Briem (IP-tala skráð) 14.10.2011 kl. 12:56]

Þetta lag með Libertines er snilldin ein!

[Bárður Örn Bárðarson (IP-tala skráð) 14.10.2011 kl. 16:35]

Ílla farið með tíma að velta þessari þævlu fyrir sér. Þessi listi er álíka marktægur og ..... Enda skoðun einhverra stráklinga sem fá að gera sér þetta til gamans eða þannig

[hilmar jónsson, 14.10.2011 kl. 20:09]

Furðulegur og óskiljanlegur listi, if you ask me.....

[hilmar jónsson, 14.10.2011 kl. 21:32]

Hvað með: Til eru fræ ?

[hilmar jónsson, 14.10.2011 kl. 21:34]

Outkast eru reyndar með flott lag...Heya...

[Jens Guð, 15.10.2011 kl. 13:33]

  Grrr,  þau hafa verið frekar döpur.  Ég held að frekar fá lög frá þessu tímabili eigi eftir að lifa jafn vel og lengi og til að mynda það flóð sívinsælla laga sem kom á markað í upphafi rokk & róls tímabilsins (um miðjan sjötta áratuginn) og á Bítlaárum sjöunda áratugarins.

[Jens Guð, 15.10.2011 kl. 13:34]

  Ásdís,  mjög misjafnan smekk.

[Jens Guð, 15.10.2011 kl. 13:36]

  Helgi,  það er alveg fínt.  The Libertiens var ljómandi hljómsveit.  Ekki síst þegar Mick Jones var upptökustjóri þeirra.

[Jens Guð, 15.10.2011 kl. 13:37]

  Bárður Örn,  þetta er léttur samkvæmisleikur.

[Jens Guð, 15.10.2011 kl. 13:43]

  Hilmar,  það vantar eiginlega upplýsingar um það hverjar forsendurnar eru;  hvernig staðið var að uppstillingunni á þessum lista.  Hvort að hann byggir á þeim lögum sem NME hefur útnefnt í áramótauppgjöri besta lag hvers árs eða...?

  Til eru fræ  er finnskt lag sem kom á markað fyrir áratugum.  Þess vegna er það ekki gjaldgengt á lista yfir lög sem komu á markað síðustu 15 ár.   

[Sigurbjörg Sigurðardóttir, 15.10.2011 kl. 14:37]