Óvenjulegt markaðsátak 365

  365 miðlar eru stærsta fjölmiðlasamsteypa landsins.  Þeir reka meðal annars Stöð 2,  Stöð 2 Sport,  Stöð 2 Extra,  Stöð 2 Bíó,  Nova TV,  Bylgjuna,  FM957 og nokkrar fleiri útvarpsstöðvar,  netmiðilinn Vísi og gefa út Fréttablaðið.  Skráður eigandi er Ingibjörg Pálmadóttir,  eiginkona Jóns Ásgeirs Jóhannessonar,  lengst af kenndan við Baug. 

  Víkur þá sögu að markaðsráðgjafa 365 miðla,  Kristjáni Óla Sigurðssyni.  Samkvæmt opinberri starfsmannastefnu 365 miðla er leitast við að ráða starfsmenn sem eru frumlegir og útsjónarsamir,  traustir og áreiðanlegir.

  Kristján Óli stendur bærilega undir því að vera frumlegur og útsjónarsamur.  Um það vitnar nýjasta markaðsátak hans.  Það felst í því að hann kemur fram undir nafni 365 og leggst af fullum þunga á DV með kröfu um að blaðið birti nafn 18 ára stelpukrakka sem kærði mann á fertugsaldri og konu fyrir nauðgun. 

  Frumleikinn í gjörningnum er margþættur.  Fram til þessa hefur fólk ekki haft hugmyndaflug til að velta fyrir sér hvort undir einhverjum kringumstæðum eigi fjölmiðlar að birta nafn stelpukrakka sem kærir hópnauðgun.  Það þarf frumleika og kaldrifjaðar hvatir til að láta sér detta þetta í hug.  Hvað þá að krefjast þessa af dagblaði.

  Í annan stað er frumlegt af markaðsráðgjafa stærstu fjölmiðlasamsteypu landsins að krefjast þess af litlu dagblaði úti í bæ að framkvæma lágkúruna. 

  Útsjónarsemin liggur í einhverju sem ég átta mig ekki á.  En næsta víst er að þetta markaðsátak hlýtur að skila fjölmiðlum 365 fjölmennum hópi nýrra áskrifenda og ennþá fjölmennari hópi auglýsenda.   

Athugasemdir

[sæunn (IP-tala skráð) 15.12.2011 kl. 22:59]

já þvílikur eðalsnillingur eina sem hann gleymdi var að Gillz sendi út frettatilkynningu í sinu nafni til fjölmiðla 'AÐUR en nokkur birti nafn hans man ekki eftir frettatilkynningu frá stúlkunni ungu

[Gunnar Th. Gunnarsson, 16.12.2011 kl. 00:11]

Par á fertugsaldri? Er ekki kærasta gils 21 árs og jú... Gils er rétt skriðinn yfir þrítugt, 31 held ég, skiptir reyndar ekki máli. Þú lætur eins og einhverjir gamlingjar hafi nauðgað barni.

En af hverju reiknast það stelpunni til tekna að vera "bara" 18 ára. Það er vissulega ungur aldur en það eru til afar forhertir glæpamenn sem eru "bara" 18 ára. Stúlkan er ekki barn samkv. lögum og þá á heldur ekki að meðhöndla hennar mál eins og hún sé barn.

Ég sá ekki myndina sem Pressan birti og auðvitað voru það mistök hjá vefmiðlinum, en hver þekkti stúlkuna af myndinni? Bestu vinir hennar og ættingjar af fötum og hári? Varla var meint nauðgunin fréttir fyrir þetta fólk. Sérstaklega ekki í ljósi þess að "bestu" vinkonur hins meinta fórnarlambs, lýstu því nákvæmlega í fjölmiðlum í hve miklu áfalli stúlkan var eftir samskipti sín við parið... hvernig hún grét og skalf á leiðinni í neyðarmóttökuna og að hún hefði þurft að fara í aðgerð til að ná út tíðatappa í leggöngum sínum.

Eiga þessar upplýsingar erindi í fjölmiðla á þessu stigi málsins. Ber meintur gerandi ábyrgð á þessum upplýsingaleka? Hver er tilgangurinn með því að upplýsa fjölmiðla um þessi atriði? Hver er að hanna þessa atburðarrás?

[Guðmundur Brynjólfsson (IP-tala skráð) 16.12.2011 kl. 01:13]

Er þetta einn og sami maðurinn á myndinni? Tvær versjónir? Eða er þetta hið alþekkta tvífaraminni úr bókmenntunum sem þarna næst í fyrsta sinn á ljósmynd? Eða er þetta bara sjónhverfing? Eru þeir/hann ekki tveir heldur einn? Og þá er það lykilspurningin eru þeir samvaxnir að neðan og því samvaxnir á heila? Og þá er það læknisfræðin: Er hægt að skilja svoleiðis menn að?

[DoctorE (IP-tala skráð) 16.12.2011 kl. 07:45]

Verða menn svona líkir af sterum.... eru eins og klónar.

Annars ætti 365 að spá í því hvað þeir eru að gera með slíkan markaðssnilling sem sendir út svona pósta í nafni fyrirtækisins... ég myndi fyllast miklum vafa um ágæti hans sem markaðsráðgjafa.

[Jens Guð, 16.12.2011 kl. 12:24]

  Sæunn,  þar fyrir utan hefur það verið regla hjá fjölmiðlum að birta ekki nöfn fórnarlamba kynferðisofbeldis.  Regla sem hefur ekki þurft að ræða.

[Jens Guð, 16.12.2011 kl. 12:55]

  Gunnar,  takk fyrir að leiðrétta aldur kærustu Gillz.  Það er assgoti perralegt að kall á fertugsaldri sæki í kynferðissamneyti við tvítuga stelpu.  Hvað þá að sækja í kynferðissamband við 18 ára stelpubarn.  Auðvitað er 18 ára stelpa ekkert annað en krakki í samanburði við kall á fertugsaldri.  Hún fær ekki einu sinni afgreiðslu í vínbúðum fyrr en eftir tvö ár.

[Jens Guð, 16.12.2011 kl. 12:56]

  Guðmundur,  þegar stórt er spurt og spurningar margar vefst manni tunga um fót.  En þetta eru vissulega áleitnar spurningar.

[Jens Guð, 16.12.2011 kl. 12:58]

  DoctorE,  þessi útsjónarsami og hugmyndaríki markaðsráðgjafi fær áreiðanlega feitan jólabónus hjá 365 miðlum.  Venjan er líka að hækka svona menn í stöðu og gera þá sýnilegri sem andlit fyrirtækisins.

[Gunnar Th. Gunnarsson, 16.12.2011 kl. 15:10]

Tek undir þetta með markaðsstjórann, frekar bjánalegt og vandræðalegt fyrir 365 miðla. 

Jens, ég sé ekkert "perralegt" við 31 árs gamlan mann og 18 ára stelpu.  "18 ára stelpubarn" og "kall á fertugsaldri"... ég held að perrinn sé í hausnum á þér... sorakall jafnvel.

[Einar (IP-tala skráð) 16.12.2011 kl. 17:19]

Er 32 ára gamall sjálfur. Ég hef ekki og myndi ekki fara í samband með 18-19 ára stelpu. Enda rétt skriðin af táningsaldri og ég tel mig vera of gamlan fyrir það.

En þannig er nú bara ég.

Tek undir þessa færslu, heilshugar.

[Gunnar Th. Gunnarsson, 16.12.2011 kl. 18:22]

Það er svo annar handleggur, Einar, hvort menn telji sig eiga samleið með svo ungum stúlkum eða ekki. En bendla slík sambönd við perraskap er ljót hugsun.

[Jens Guð, 16.12.2011 kl. 21:43]

  Gunnar Th. (#9),  ég veit ekki hvernig þessu er háttað á Reyðarfirði en þegar ég var 18 ára í Skagafirðinu var fólk á fertugsaldri - í huga mér og kunningjahópsins - eldgamalt fólk.  Allt önnur kynslóð sem stóð nær foreldrum manns.  Það hefði verið saga til næsta bæjar ef kall á fertugsaldri hefði sýnt 18 ára stelpu kynferðislegan áhuga.  Stelpan hefði áreiðanlega klagað hann og hann síðan laminn.

  Mér virðist sem svipað viðhorf séu til þessa á höfuðborgarsvæðinu í dag.  Þegar mín börn voru á þessum aldri varð ég aldrei var við að þau eða kunningjahópur þeirra blandaði geði við fólk á fertugsaldri í kynferðislegum tilgangi.

[Jens Guð, 16.12.2011 kl. 21:43]

  Einar,  ég held að þetta sé almennt viðhorf fólks á þínum aldri.

[Grrr (IP-tala skráð) 17.12.2011 kl. 01:02]

"Þú lætur eins og einhverjir gamlingjar hafi nauðgað barni." Segir Gunnar.

Ég vil benda Gunnari á að það var 19 ára pervert dæmdur um daginn fyrir nauðgun og hann var flokkaður sem barn.

Ég þekki málið svo sem ekkert nema út frá fjölmiðlum.

En þegar að hann framdi brotið var hann 17 ára.

Barn samkvæmt lögum.

17-18 ára er ansi stutt frá hvort öðru.

Mér er alveg sama hversu gamall sá sem að brýtur er en þolandinn (sem barn) er enn verra.

Auðvitað er alltaf óréttlæti hrikalegt en þegar að manneskjan er enn að ná þroska, og öll áföll eru mótandi fyrir manneskjur, en það liggur augljóslega fyrir að það er erfiðara fyrir ómótaða manneskju að taka á erfiðum hlutum heldur en fullvaxta manneskju.

[Jens Guð, 17.12.2011 kl. 01:35]

  Gunnar Th. (#11),  hefurðu prófað að spyrja 18 ára krakka um þetta viðhorf? 

[Jens Guð, 17.12.2011 kl. 01:35]

  Grrr,  góður punktur.

[Gunnar Th. Gunnarsson, 17.12.2011 kl. 04:35]

Jens #15, nei ég er lítið að spá í þetta en ég reikna með að fáar 18 ára stúlkur hafi áhuga á þrítugum mönnum, svona almennt. En það eru ótal mörg dæmi um að stelpur á þessum aldri séu til í hvað sem er með töluvert eldri mönnum, ef viðkomandi er ríkur og frægur, t.d. poppstjarna, leikari o.s.f.v.

[Skeggi Skaftason, 17.12.2011 kl. 09:51]

vegna innleggs #2:

Held ekki að vinkonurnar séu að "hanna atburðarrás" með því að veita viðtöl og segja frá upplifun sinni þessa nótt. En þeim hefur kannski fundist ástæða til að segja sögu sína þar sem meintur nauðgari hefur opinberlega ásakað 18 ára stúlkuna um að ljúga þessu öllu, og að auki að hafa sent á sig handrukkara. Ekkert hefur heyrst meira um þessar handrukkarasögu þess kærða, og er hann samt með reynda fjölmiðlaspunamenn í sínu "stuðningsmannaliði". Ef þær reynast uppspuni verður vonandi dæmt fyrir það.

[Tobbi (IP-tala skráð) 17.12.2011 kl. 11:40]

Hvað snertir perraskap vegna aldursmunar vil ég geta þess að á föður mínum og móður var tíu ára munur.  Tók enginn til þess, svo ég yrði var við, og var móðir mín þó fædd og upp alin í sömu sveit og Jensgud.  Og ekki nóg með það; á afa mínum og ömmu sem bjuggu í farsælu hjónabandi í áratugi munaði 32 árum.  Var þó ekkert minnst á perra á þeim tímum.

Jamm.

[Gunnar Th. Gunnarsson, 17.12.2011 kl. 12:04]

Skeggi, Egill hefur ekki nafngreint stúlkuna, hefur einhver gert það? Ég held að hann hafi ákveðið að segja frá því að hann myndi kæra hana, eftir að það kvisaðist út að hann og kærastan hanns væru meintir nauðgarar. Það sem ég á við með að "hanna atburðarrás" er að DV birtir nákvæma lýsingu vinkvenna stúlkunnar á atburðarrás eftir meinta nauðgun. Feministahyskið í VG og tækifærissinnar í Samfylkingunni eru ekki að krefjast þess að ríkisfyrirtæki hætti að auglýsa í DV og/eða að almenningur sniðgangi vefmiðilinn.

Það er virðist nefnilega allt í lagi að rústa mannorði Egils, því hann er hvort eð er sekur að mati þessa skelfilega fólks. Jens Guð dansar eftir þessum ofsóknartakti og talar hér fjálglega um perraskap.

Tek undir með þér Tobbi, það eru ótal mörg dæmi um þetta án þess að fólk hafi fengið á sig einhvern "óeðlisstimpil".

[Sólrún :) (IP-tala skráð) 17.12.2011 kl. 15:06]

ER ÞETTA MÁL EKKI BARA EINFALDLEGA EINN AF ÞESSUM EFTIRSÓTTU ÁVÖXTUM KLÁMVÆÐINGARINNAR

http://www.dv.is/frettir/2011/12/17/fantasiur-eru-latnar-raetast-i-naudgunum/

[Jens Guð, 17.12.2011 kl. 20:28]

  Gunnar Th. (#17),  jú,  jú.  Við höfum allar útgáfur af þessu í útlöndum.  Jerry Lee Lewis giftist 12 ára náfrænku sinni.  Það þótti ekkert afbrigðilegt í suðurríkjum Bandaríkjanna.  Hinsvegar slátraði það farsælum ferli hans þegar upp komst á hljómleikaferð hans um Bretland.

  Miðaldra bassaleikari Rolling Stones giftist ungri konu,  að mig minnir 18 ára gamalli.  Á sama tíma tók sonur hans saman við tengdamóðir pabba síns.  Eftir sem áður var allur sá pakki af almenningi skilgreindur perralegt dæmi og súrrealískt.  

[Jens Guð, 17.12.2011 kl. 20:29]

  Skeggi,  ég tek undir þín orð.

[Jens Guð, 17.12.2011 kl. 20:43]

  Gunnar Th.,  þegar um jafn alvarlega ásökun/kæru er að ræða og hópnauðgun (og þó það væri "aðeins" nauðgun) er fráleitt að stilla fórnarlambi og meintum gerendum upp sem uppgjöri á milli femínista,  VG,  Samfylgingar eða annarra.  Kynferðisofbeldi má ekki skilgreina út frá flokkspólitík eða neinu öðru en sjálfum glæpnum sem nauðgun er.     

[Jens Guð, 17.12.2011 kl. 20:48]

  Sólrún,  ég er ekki inni á því að nauðgun sé heimfærð upp á eitthvað annað en glæpinn sjálfan.  Tilvísun í klámvæðingu eða annað er aðeins til þess fallin að afsaka og færa ábyrgð glæpamannsins frá honum yfir á eitthvað annað.

[Casado (IP-tala skráð) 17.12.2011 kl. 21:40]

Er munurinn á 18 og 31 173% ???? nú þarf ég aldeilis að fara í endurmentun í stærðfræði

[Sólrún (IP-tala skráð) 17.12.2011 kl. 22:46]

Það er aldeilis rétt og satt nauðganir á ALDREI að afsaka með neinu.

Eg vil benda á DV helgarblaðið en þar er merkileg umfjöllun um þann áróður sem klámiðnaðurinn rekur og afleiðingar hans.

En þarna eru gífurlegir peningar í veltunni og ekkert til sparað við að afsiða sem flesta þannig að allt snúi öfugt í hausnum á þeim

[Gunnar Th. Gunnarsson, 17.12.2011 kl. 23:29]

Hvers vegna leggur þú Jens, svona mikla áherslu á "fertugsaldri"?

Það er ekki nema eitt og hálft ár síðan hann var "tuttugu og eitthvað". Hljómar "á fertugsaldri" betur fyrir þig svo þú getur klínt sjúkum perraskap á Egil?

Þú veist nákvæmlega hvað þú ert að gera með þessu, Jens, enda gumar þú reglulega af því að hafa starfað í auglýsingabransanum. Þú veist hvað virkar.

[Jens Guð, 17.12.2011 kl. 23:59]

  Sólrún,  það er margt til í þessu hjá þér.

[Brjánn (IP-tala skráð) 18.12.2011 kl. 02:26]

Fjögurra ára nám í auglýsingafræði, og maðurinn bara orðinn gangandi CSI.

Alveg sammála þér Jens, veit ekki hvað er verið að púkka uppá einhverja lögfræðinga í dómarastétt þegar auglýsingafræðingar eru augljóslega óskeikulir og þ.a.l. miklu hæfari. Auglýsingafræðinga og PR potara í hæstarétt, ekki seinna en strax í dag.

[Gunnar Th. Gunnarsson, 18.12.2011 kl. 04:42]

Ég tek enga afstöðu í málinu, nema gegn þeim sem taka afstöðu í málinu. 

Hvernig eru viðbrögð þess "sem í raun veit sig sekan í málinu"? ... Segjast vera saklaus?

Og hvernig eru þá viðbrögð þess sem í raun veit sig saklausan?