Æðislega flottir hljómleikar í Norræna húsinu. Eivör með hljómleika í Langholtskirkju í kvöld

  Færeyska djasshljómsveitin Yggdrasil hélt frábæra hljómleika í Norræna húsinu í gærkvöld.  Með í för voru íslenski saxafónleikarinn Eyjólfur Þorleifsson og grænlenski trommudansarinn og leikarinn Miké Thomsen.  Báðir fóru á meiriháttar kostum og áttu stjörnuleik.  Yggdrasil er mjög góð hljómsveit sem ég hef fylgst með í þrjá áratugi.  Eyjólfur og Miké ljáðu djassi Yggdrasils nýja vídd.  Miké er magnaður leikari;  túlkaði á áhfrifaríkan hátt hesta,  fugla, Indíana o.fl.  Trommudans hans smellpassaði einkar vel við tónlist Yggdrasils.

  Í kvöld er Eivör með hljómleika í Langholtskirkju.  Eivör er þar ein með kassagítarinn sinn.  Þannig er hún flottust.

Athugasemdir

[Sigurður Þórðarson, 22.1.2012 kl. 22:21]

Takk fyrir þetta Jens. Ég komst því miður ekki á tónleikana en fékk þessa fínu geisladiska. Aldeilis frábær kaup.

[Sólrún (IP-tala skráð) 23.1.2012 kl. 11:26]

Eg er þessa dagana á annari löppinni eftir hnéaðgerð

og á að vera til friðs þannig að eg hef hvergi komist um helgina.

Hefði helst viljað fara á báða tónleikana

[Jens Guð, 23.1.2012 kl. 19:53]

Sigurður, diskarnir eru góðir og ég hef grun um að Færeyingarnir hafi snuðað sig með verðlagningunni. Ekki áttað sig á hruni íslensku krónunnar.

[Jens Guð, 23.1.2012 kl. 19:56]

  Sólrún,  Færeyingar verða með hljómleika hérlendis í mars.  Fyrst verður það frábær vísnasöngvari,  Högni Restrup,  og hljómsveit hans.  Síðan kemur Kristian Blak með hljómsveit á þjóðlagahátíð.  Sennilega verður það hljómsveitin Spælimeninir.

[Sólrún (IP-tala skráð) 23.1.2012 kl. 23:36]

Eg veit ekki hvers vegna eg fór allt í einu að spekúlera í þí um daginn alveg upp úr þurru hvort að færeyjingar væru ekki lúmskir tónlistarmenn sem við hefðum gott af að kynnast.

Og nokkru seinna komst þú með svarið sem að er alveg skýrt og greinilerg.

Þarna er í gangi fullt af góðum hlutum enda komnir vel á blað.

[Jens Guð, 23.1.2012 kl. 23:55]

  Sólrún,  Færeyingar eru aðeins 48 þúsund manns.  Þetta er álíka fjölmennur hópur og Hafnfirðingar og Kópavogsbúar til samans.  Nú man ég í augnabliki ekki hvað færeysk tónlistarhátíð heitir sem stendur í nokkra daga og þar koma fram tugir færeyskra tónlistarmanna er hafa gefið út plötur og náð árangri erlendis.  Ég veit ekki af hverju ég man ekki nafnið á tónlistarhátíðinni.  En hlutfallslega er miklu meira í gangi í góðri færeyskri músík en á Íslandi. 

[Guðný Anna Tórshamar (IP-tala skráð) 25.1.2012 kl. 01:54]

Hún heitir Gfestival og er haldin í Götu.