Hvaða Bítlasonur er líkastur pabbanum?

  Bítlarnir eignuðust aldrei nein börn saman.  Allir eignuðust þeir þó börn.  Og allir eignuðust þeir syni.  Færra var um dætur.  Allir synir Bítlanna bera sterkan svip af föður sínum,  eins og sjá má í myndbandinu.  Það bendir til þess að Bítlarnir hafi ekki haldið framhjá eiginkonum sínum meira en gerist og gengur. 

  Nú eru Bítlasynir (og Bítlaekkjur) orðnir tíðir gestir á Íslandi.  Þeir eru miklu oftar hérlendis en fjölmiðlar greina frá.  Engu að síður eru fjölmiðlar farnir að ræða um strákana sem tengdasyni Íslands. 

  En hver Bítlasona er líkastur föður sínum?

  Sean Lennon á röltinu með Rakel Ósk.

 

  Dhani Harrison á röltinu með dóttur Kára Stefánssonar.

Athugasemdir

[Theódór Norðkvist, 2.2.2012 kl. 03:13]

Bítlarnir eignuðust aldrei nein börn saman.

[Mofi, 2.2.2012 kl. 13:11]

Í myndbandinu þá virkaði eins og sonur Pauls væri sá eini sem er ekkert líkur pabba sínum en allir hinir nauðalíkir.

Tek síðan undir með Theódóri :)

[hilmar jónsson, 2.2.2012 kl. 18:48]

Sonur Harrison er eins og snýttur út úr nös föðursins.

[Jens Guð, 2.2.2012 kl. 19:24]

  Theódór,  þetta hef ég eftir áreiðanlegum heimildum.

[Jens Guð, 2.2.2012 kl. 19:35]

  Mofi,  ég er sammála því.  Þó má með vilja merkja ættarsvip á James þegar maður veit hvers son hann er.  Ég er ekki klár á því hvort að þeir McCartney feðgar séu af írskum eða skoskum ættum.  Paul hefur verið búsettur í Skotlandi frá sjöunda áratugnum.  Þar var James fæddur og uppalinn.  McCartney nafnið bendir til írsks eða skosks uppruna.  James er dáldið írskur eða skoskur í útliti með þetta rauðleita hár og andlitsfall.

[Jens Guð, 2.2.2012 kl. 19:36]

  Hilmar,  já,  það er gaman að sjá hvað Dhani er líkur pabba sínum,  jafnt á unglingsárum þeirra sem og fullorðins aldri.

[Jens Guð, 2.2.2012 kl. 19:38]

  Lennon-bræðurnir eru sömuleiðis báðir líkir föður sínum þó að bræðurnir séu ekki beinlínis eins og tvíburar.

[Grrr (IP-tala skráð) 2.2.2012 kl. 21:04]

"Það bendir til þess að Bítlarnir hafi ekki haldið framhjá eiginkonum sínum meira en gerist og gengur."

Bendir það ekki meira til þess að konurnar héldu ekki fram hjá?

[Jens Guð, 2.2.2012 kl. 21:44]

  Grrr,  þegar framhjáhald er gróflegt eru afkvæmin sjaldnast lík þeim sem haldið er framhjá. 

[Sigurbjörg Sigurðardóttir, 4.2.2012 kl. 13:59]