Andri Freyr er frábær! Hann er sá flottasti í útvarpi og sjónvarpi!

  Eiður Guðnason,  fyrrverandi sendiherra,  fyrrverandi alþingismaður,  fyrrverandi sjónvarpsstjarna og eitthvað fleira fyrrverandi,  heldur úti áhugaverðu bloggi um málfar og miðla.  Yfirskriftin er "Molar um málfar og miðla".  Það má hafa gagn og gaman af vangaveltum hans og athugasemdum. 

  Suma gagnrýnir Eiður oftar en aðra.  Eins og gengur.  Á dögunum skrifaði Eiður þetta um ástsælasta útvarps- og sjónvarpsmann landsins:

  "Það er alveg séríslenskt sjónvarpssiðferði þegar umsjónarmaður hins sjálfhverfa vikulega Andralandsþáttar leikur aðalhlutverk í langri kaffiauglýsingu sem sýnd var rétt fyrir fréttir (19.03.2012) í Ríkissjónvarpinu. Raunar verður ekki betur séð en þetta sé skýrt brot á þeim siðareglum sem Ríkisútvarpið hefur sjálft sett. En til þess eru reglur að brjóta þær , ekki satt? Sá hinn sami hefur fastan þátt í morgunútvarpi Rásar tvö. Þar er talað um hljóstir, ekki hljómsveitir og bið í síma heitir að hanga á hóldinu. Til hvers er Ríkisútvarpið með málfarsráðunaut? Svo les maður í Fréttablaðinu (21.03.2012) að Ríkissjónvarpið ætli að gera þennan starfsmann sinn út af örkinni til að gera sjónvarpsþætti á slóðum Vestur-Íslendinga þar sem hann segist eiga skyldmenni. Hann segir orðrétt í Fréttablaðinu um skyldmenni sín vestra: ,Pabbi segir að þau séu ógeðsleg en amma segir að þau séu fín. Það er engin ástæða til að greiðendur nauðungaráskriftar Ríkisútvarpsins kosti ferðalag piltsins vestur um haf til að heimsækja ættmenni sín. Sjónvarpið ætti hinsvegar sjá sóma sinn í að gera alvöru heimildaþætti um Vestur-Íslendinga eða Kanadamenn sem eru af íslensku bergi brotnir. Til þess er þessi dagskrárgerðarmaður ekki rétti maðurinn, sé horft til þess sem hann hefur frá sér sent bæði í sjónvarpi og útvarpi. Getur hann ekki bara haldið áfram að gera þætti um sjálfan sig á Íslandi? Eru þeir sem stjórna dagskrárgerðinni í Efstaleiti búnir að tapa áttum og algjörlega heillum horfnir? Hvers eiga frændur okkar og vinir vestra að gjalda? Hversvegna á að kasta takmörkuðu dagskrárfé á glæ með þessum hætti ? Óskiljanlegt."

  Ég hef ekki heyrt Andra Frey tala um hljóstir.  Hinsvegar hef ég oft heyrt hann tala um hljómsveitir.  Enda hefur Andri verið í vinsælum hljómsveitum á borð við Bisund,  Botnleðju og Fidel. 

  Það er fagnaðarefni að Ríkissjónvarpið ætli að gera Andra Frey út af örkinni til að gera þætti um Vestur-Íslendinga.  Enginn er betur til þess fallinn.  Það hafa verið gerðir margir hundleiðinlegir og uppskrúfaðir útvarps- og sjónvarpsþættir um Vestur-Íslendinga.  Nú er röðin komin að skemmtilegum þáttum um Vestur-Íslendinga.   Sjónvarpið fær stóran plús í kladdann fyrir þættina Andri á flandri og Andraland.  Sömuleiðis fyrir að senda kappann vestur um haf til að gera þætti um Vestur-Íslendinga. 

  Það er engin tilviljun að sjónvarps- og útvarpsþættir Andra Freys tróni ítrekað í toppsæti yfir vinsælustu þætti.  Drengurinn er bráðskemmtilegur og orðheppinn.  Hann tekur sig ekki hátíðlega.  Honum er eðlislægt að vera skemmtilegur.  Það er ekkert óskiljanlegt við að stjórnendur Ríkisútvarpsins nýti þennan frábæra "talent" sem mest má vera.  Þjóðin elskar Andra Frey.  Hann var og er hvalreki á fjörur dagskrárgerðar fyrirtækisins. 

  Vitaskuld er Andri Freyr ekki yfir gagnrýni hafinn.  Hann talar hinsvegar tungumál sem þjóðin skilur.  Og elskar að hlusta á.  Hann er flottastur!   

 

Athugasemdir

[Bergur Ísleifsson (IP-tala skráð) 25.3.2012 kl. 01:56]

Ríkissjónvarpið ætti nú þegar að falast eftir kröftum Eiðs í dagskrárstjórastöðu. Sá myndi nú aldeilis sópa vel út og tryggja að þjóðin fengi loksins að sjá eitthvað almennilegt fyrir nefskattinn.

[Jóhannes Laxdal Baldvinsson, 25.3.2012 kl. 09:02]

Jens, hvað ertu gamall?  Þegar Rás 2 var sett á stofn var henni ætlað að höfða til unga fólksins. Það sem enginn sá fyrir var að Rásin myndi eldast með þjóðinni.  Nú er Rás 2 rás miðaldra fólksins.  Enda flestir þáttastjórnendur komnir vel yfir miðjan aldur.  Að bæði þú og Eiður skuli hlusta á Andra Frey, segir allt sem segja þarf

Persónulega þá er ég sammála Eiði að það lýsir miklu metnaðarleysi hjá Páli Magnússyni að taka þessa þætti til sýningar eftir að hafa séð fyrri þættina.  Og ef hann sendir svo drenginn líka í heimildarþáttavinnu til Kanada þá er verið að misbjóða öllum sem enn gera kröfur til RÚV um vandaða dagskrárgerð.

[Grrr (IP-tala skráð) 25.3.2012 kl. 09:35]

Andri er ágætur en ég held að menn þurfi að fara að passa sig að vera ekki alls staðar.

Í útvarpinu alla virka daga, sjónvarpinu og stanslaust verið að fjalla um engar sérstakar fréttir af honum í blöðunum.

Ansi hætt við að fólk fái of mikið af honum.

[Axel (IP-tala skráð) 25.3.2012 kl. 09:37]

Jóhannes og Eiður gefa sér að Andri sé ekki vandaður fjölmiðlamaður og byggja það á eigin smekk. Mín skoðun, og margra annarra er sú að Andra sé góður dagskrárgerðarmaður og þættir hans skemmtilegir. Sérstaklega finnst mér nýju þættirnir góðir.

Er Kanada og slóðir Vestur-Íslendinga svo heilagt, að ekki megi fjalla um það nema í grafalvarlegum heimildamyndastíl? Þvæla og ekkert annað. 

[Bubbi J. (IP-tala skráð) 25.3.2012 kl. 10:11]

Andri er fínn útvarps og sjónvarpsmaður... kannski aðallega vegna þess að hann tekur sig ekkert of alvarlega og er ekki að þykjast vera neitt annað en hann er... við þurfu miklu fleiri þannig. Ég er kominn yfir fimmtugt og biðst afsökunar ef ég fell ekki í kramið hjá málfarslögreglunni... nú eða menningarmafíunni... eða virðuleikagenginu... en það er mín skoðun að fyrst er maður í verulega alvarlegum málum þegar ég fer að taka mig of alvarlega. 

[Nóri Guð (IP-tala skráð) 25.3.2012 kl. 14:03]

Hvað gerir almenningur næst? Fer hann að gefa börnunum sínum farsíma af því að það höndlar ekki uppeldið og treystir ekki börnunum sínum? Ekki líst mér á almenningsálitið, ef svo er.

[Axel Jóhann Hallgrímsson, 25.3.2012 kl. 15:35]

Ég er að stofni til sammála Eið í þessu máli Jens. Mér persónulega finnst Andri hvorki spennandi eða skemmtilegur, hvort heldur er í sjónvarpi eða útvarpi. Útvarpsþáttur þeirra Andra Freys og Guðrúnar Dísar, Virkir morgnar, minnir mig að hann heiti, toppar allt, með öfugum formerkjum, sem heyrst hefur á öldum ljósvakans og þá er ekki undanskilin eggjahljóðin og gaggið í útvarpsstjóra útvarps Sögu.   Þessi þáttur þeirra skötuhjúa snýst um það eitt,  að bæði reyna hvað þau geta að kaffæra og yfirgnæfa hvort annað með  innihaldslausu blaðri. Gott efni? Foj.

[Jens Guð, 25.3.2012 kl. 16:54]

  Bergur,  Eiður var einu sinni sjónvarpsstjarna og frægðarsól hans skein skært.  Ég man vel eftir Eiði á skjánum.  Samt er það svo skrítið að ég man ekki eftir neinu sem hann gerði eða sagði í sjónvarpinu.  Ég man bara eftir ábúðafullum svipnum.

[Bergur Ísleifsson (IP-tala skráð) 25.3.2012 kl. 17:30]

Mig minnir að hann hafi verið með bráðskemmtilega umræðuþætti.

[Sólrún (IP-tala skráð) 25.3.2012 kl. 19:05]

Á ekki að skrifa nafnið með L-i ?

[Jens Guð, 25.3.2012 kl. 20:09]

  Jóhannes,  svo sagði á sínum tíma um hlutverk rásar 2:

 "Rás 2 er frétta-,  dægurmála- og tónlistarútvarp. Rás 2 á að höfða til breiðs hóps hlustenda. Kjarnahópur hlustenda er 30-60 ára og meðalaldurinn er 50 ár. Eitt helsta verkefni Rásar 2  er að sinna yngri hlustendum." 

  Ég er í skilgreindum kjarnahópi hlustenda rásar 2 (tæðlega sextugur).  Eiður er töluvert eldri (held ég).

  Rás 2 stendur bærilega undir ofangreindu hlutverki.  Af hátt í tveimur tugum útvarpsstöðva hefur rás 2 til langs tíma verið önnur af tveimur vinsælustu stöðvunum.  Það eru áratugir síðan rás 2 var í 3ja sæti (á eftir Bylgjunni og Stjörnunni).  

  Capacent Gallup mælir reglulega hlustun á margar helstu útvarpsstöðvar.  Markaðshlutdeild rásar 2 er mjög sterk,  eða36,5% (12 - 80 ára hlustendur. Bylgjan er með 36,9%).

  Til samanburðar eru unglingaútvarpsstöðvar,  eins og X-ið og FM957,  með 3,2 - 5,6% markaðshlutdeild.  

   Stjórnendur rásar 2 geta borið höfuð hátt.  Gæfa rásar 2 er að þar hafa safnast saman margir af bestu dagskrárgerðarmönnum í tónlistarútvarpi.  Þar í góðum félagsskap er Andri Freyr sá hressasti og sprækasti. 

[Jens Guð, 25.3.2012 kl. 20:38]

  Grrr,  það er rétt hjá þér að í okkar fámenna þjóðfélagi er hætta á að vinsæll einstaklingur lendi svo bratt og skart í sviðsljósinu að þjóðin fái þörf á hvíld frá viðkomandi.  Íslenskir fjölmiðlar eru það fáir að áberandi einstaklingur getur virst vera alls staðar á sama tíma. 

  Við höfum mörg dæmi um fólk sem hefur lent í þessu.  Allt frá stjórnmálamönnum til poppstjarna.

  Athyglin á Andra Frey í dag er skiljanleg.  Lengst af naut hann fyrst og fremst vinsælda meðal yngra fólks (þegar hann starfaði á X-útvarpsstöðvum, spilaði í rokkhljómsveitum og var síðan með unglingaþátt á föstudagskvöldum á rás 2).  Hægt og bítandi reis stjarna Andra einnig meðal eldra fólks.  Fyrst er hann flandraði með Ómari Ragnarssyni um landið og svo er hann tók að sér morgunþátt á rás 2.  Sá morgunþáttur,  Virkir morgnar,  er fyrsti morgunþátturinn sem náð hefur meiri hlustun en morgunþáttur Bylgjunnar.

  Því næst tóku við sjónvarpsþættirnir  Andri á flandri.  Þeir slógu rækilega í gegn.  Nú hefur Andraland slegið vinsældum þeirra þátta við.  Andraland hefur slegið nýtt met:  Hann er með mesta áhorf sem nokkur þáttur hefur náð á fimmtudegi í sögu íslensks sjónvarps. Helmingur þjóðarinnar situr limdur við skjáinn þegar þátturinn er frumsýndur.  Þá er ótalinn sá fjöldi sem stýrir sinni dagskrá með "vod-inu" (eins og ég) eða hlaðvarpinu. 

  Það er eðlilegt að þjóðin vilji lesa "slúðurfréttir" af þessum vinsælasta sjónvarpsmanni landsins.  Og fá fleiri sjónvarpsseríur frá honum.

[Jens Guð, 25.3.2012 kl. 20:39]

  Axel (#4),  ég kvitta undir hvert orð þitt.

[Jens Guð, 25.3.2012 kl. 20:40]

  Bubbi,  mæl þú manna heilastur!

[Jens Guð, 25.3.2012 kl. 22:12]

  Nóri,  þegar stórt er spurt verður fátt um svör.

[Jens Guð, 25.3.2012 kl. 22:20]

  Axel Jóhann,  ég er svo aldeilis hissa.  Og þó.  Enginn dagskrárgerðarmaður höfðar alltaf til allra.  Þess vegna dreifast hlustendur á milli margra útvarps- og sjónvarpsstöðva hverju sinni.  En flestir dreifast reyndar á útvarps- og sjónvarpsþætti Andra.

[Jens Guð, 25.3.2012 kl. 22:21]

  Bergur,  ég er sannfærður um að það sé rétt hjá þér.

[Jens Guð, 25.3.2012 kl. 22:21]

  Sólrún,  ertu að tala um nafn Eiðs?

[Steingrímur Helgason, 25.3.2012 kl. 23:28]

Leiður Tuðna er einztaklega zkemmtilega zkapztirt gamalmenni...

[Jens Guð, 25.3.2012 kl. 23:36]

  Steingrímur,  hann er ekki léttlyndasti grallarinn í partýinu.  En skemmtilegur.  Þannig lagað.

[Sólrún (IP-tala skráð) 26.3.2012 kl. 22:36]

Jens eg vissi einmitt að þú værir slyngur að ráða gátur

það brást mer ekki.

Jú eg átti nákvæmlega við það .

Mér finnst það leitt hvað kallgreyið er alltaf leiður og maður verður bara hálfleiður á því stundum.

Skil s alls ekki hvað hann á skemmtilegan og huggulegan son.

Það hlýtur að vera komið úr móðurættinni ??

[Jens Guð, 26.3.2012 kl. 23:09]

  Sólrún,  hver er sonur hans?

[Sólrún (IP-tala skráð) 26.3.2012 kl. 23:36]

Það er mér sagt að sé okkar ágæti Logi Bergmann Eiðsson og heimildin nokkuð áreiðanleg að eg held

[Jens Guð, 26.3.2012 kl. 23:49]

  Sólrún,  ég er ekki viss um að þetta sé rétt hjá þér.  Þori samt ekki að þvertaka fyrir það.  Gaman væri að fá þetta staðfest.  Það er eins og mig rámi í að Bergmann sé ættarnafn Loga.  En ég þori ekki að fullyrða neitt um það.

[Sólrún (IP-tala skráð) 27.3.2012 kl. 00:12]

Jens eg yrði þakklát ef að þú mundir leiðrétta mig ef eg fer með vitleysu þarna.

Eg hef held eg hafi aðeins einu sinni áður nefnt þetta við einhvern.

Og fékk alveg nákvæmlega sömu viðbrögð maðurinn trúði þessu ekki.

En svo var ekki farið neitt nánar út í það

[Jens Guð, 27.3.2012 kl. 00:56]

  Ég hef sterkan grun um að faðir Loga heiti Eiður Bergmann.  Mér finnst endilega eins og ég hafi einhvern tíma lesið/séð þess getið.

[Jens Guð, 27.3.2012 kl. 01:15]

  Það er út af fyrir sig gott að fólk leiðrétti texta hvers annars.  Það er sama hversu gott vald fólk hefur á íslensku:  Öllum verður á.  Eiður Guðnason hefur komið með margar góðar ábendingar.  Honum verður einnig á:  Samanber: 

 "Hann segir orðrétt í Fréttablaðinu um skyldmenni sín vestra: ,Pabbi segir að þau séu ógeðsleg en amma segir að þau séu fín. Það er engin ástæða til að greiðendur nauðungaráskriftar Ríkisútvarpsins kosti ferðalag piltsins vestur um haf til að heimsækja ættmenni sín."

  Þarna vantar gæsalappir á eftir orðinu fín.  Svona er þetta.  En ef að allir hjálpast að þá verður texti betri þegar upp er staðið.

[Jens Guð, 27.3.2012 kl. 02:18]

  Til gamans má geta að bróðir Andra Freys,  Birkir Fjalar,  er búsettur í Kanada.  Birkir Fjalar er frábær trommari og söngvari.  Hann var kostinn besti trommuleikari Músíktilrauna 1998 (með Bisund).  Hann trommaði síðar með sigurhljómsveit Músíktilrauna,  Stjörnukisa.  Einnig Celestine,  þyngstu og flottustu þungarokkshljómsveit landsins.  Svo söng hann með I Adapt sem gerði það gott víða um heim.

[Jóhannes Laxdal Baldvinsson, 27.3.2012 kl. 08:05]

Jens, fyrst þú ert með þetta allt á hreinu þá ættirðu að hjálpa Jakobi greyinu Frímanni, að finna út hver afi hans er

[Jens Guð, 27.3.2012 kl. 10:55]

  Jóhannes,  vandamálið er að ég er ekki með þetta allt á hreinu.

[Númi (IP-tala skráð) 27.3.2012 kl. 21:22]

Jens rétt hjá þér,Logi er sonur  Eiðs Bergmann.

Sólrún ætti að kíkja í Íslendingabók,áður en hún setur svona ágiskanir af stað.

[Jens Guð, 27.3.2012 kl. 21:49]

  Númi,  bestu þakkir fyrir upplýsingarnar.

[Jens Guð, 28.3.2012 kl. 01:01]

  Í athugasemd #11 átti að standa "tæplega sextugur".

[Jens Guð, 28.3.2012 kl. 01:03]

  Ég er ekki alveg viss en ég held að réttar sé að stafsetja rás 2 með litlu r. 

[Jens Guð, 28.3.2012 kl. 01:20]

  Þá er ég að miða við að rás 2 sé deild innan RÚV,  eins og fréttadeild,  íþróttadeild og svo framvegis. 

[Magnús Geir (IP-tala skráð) 3.4.2012 kl. 11:32]

Burtséð frá strákpjakknum Andra Frey til eða frá, þá er Logi nei sannarlega ekki sonur Eiðs Guðna, en sá misskilningur hefur reyndar verið uppi allt frá því Logi varð þekktur á skjánum. En pabbi hans heitir semsagt Eiður og á víst rætur út í Eyjar, veit þetta því að bróðir loga, Frosti, vann um árabil á Degi.Hins vegar er alveg óþarft af þessum Núma að vera ókurteis við dömurhann veit ekkert frekar en aðrir hvort Sólrún er yfir höfuð kunnug Íslendingabókinni á netinu.

[Jens Guð, 3.4.2012 kl. 23:09]

  Magnús Geir,  takk fyrir upplýsingarnar.