Niðurdregnustu þunglyndissöngvarnir

  New Musical Express heitir vinsælasta breska poppmúsíktímaritið.  Þetta er vikublað sem selst bærilega víða um heim.  Þar á bæ dettur mönnum margt áhugavert í hug og leggja á borð skemmtilegar vangaveltur.  Nú hafa þeir tekið saman lista yfir niðurdregnustu þunglyndissöngvana.  Augljóslega koma einungis vel þekktir söngvar til greina.

  Nokkur sátt virðist ríkja um niðurstöðuna ef marka má athugasemdir á Fésbók.  Einhverjir sakna söngva á borð við  Mother  með John Lennon,  Strange Fruit  með Billie Holyday og einhverra úr herbúðum Radiohead.  Aðrir hlupu til og bentu á að textar Radiohead væru of þokukenndir til að eiga heima á listanum.

  Eins og með alla aðra svona lista er hér aðeins um léttan samkvæmisleik að ræða en ekki Salómonsdóm.

  Hvaða vinsæl íslensk lög ættu heima á svona lista?

1   Johnny Cash - Hurt

2   Joy Division - Love Will Tear Us Apart

3   The Smiths - This Night Have Opened My Eyes

4   Lou Reed - The Kids

5   Bruce Springsteen - The River

Athugasemdir

[Hrannar Baldursson, 14.5.2012 kl. 06:14]

"Hurt" á heima þarna efst á listanum. Algjör snilld í þunglyndi. :)

Annars hef ég nákvæmlega ekkert vit á þessu, en hendi inn uppástungum, vonandi þér til skemmtunar.

Ætli "Söknuður" skori ekki hátt á íslenska listanum. Kannski líka þessi fornu: "Maístjarnan", "Nóttin var sú ágæt ein" og "Fyrir átta árum".

Sigurvegarinn hlýtur samt að vera sjálfur Bubbi þegar hann spáir fyrir um Hrunið í Hírósíma:

Hvert barn sem fæðist í dag
á minni og minni möguleika að lifa.

Hver þrítugur maður í dag
er með falsaðan miða.

Þið munið öll, þið munið öll þið munið öll deyja
Þið munið stikna, þið munið brenna.

Feður og mæður
börn ykkar munu stikna.

Dauðinn situr á atómbombu
hún fer ekki framhjá.

[Grrr (IP-tala skráð) 14.5.2012 kl. 15:51]

Hefði haldið að Nick Cave myndi vera þarna.

[Sigurður I B Guðmundsson, 14.5.2012 kl. 17:18]

Hvað með Einar áttavillta?

[Jens Guð, 14.5.2012 kl. 18:00]

  Hrannar,  "Hurt" er eftir Trent Reznor og kom upphaflega út með hljómsveitinni Nine Inch Nail.  Í NME er dregið fram að þunglyndið í textanum hafi öðlast dýpt og vægi í veiklulegri gamals manns söngrödd Jóns Reiðufés.

  Takk fyrir vangavelturnar um íslensku textana.

[Jens Guð, 14.5.2012 kl. 18:01]

  Grrr,  já.  Spurning hvort að hans þunglyndustu lög eru nógu þekkt almenningi.

[Jens Guð, 14.5.2012 kl. 18:02]

  Sigurður I.B.,  ég er vanur að hlæja og skemmta mér konunglega í glaðværð þegar ég heyri í Einari.  Góð uppástunga samt

[Jón Steinar Ragnarsson, 14.5.2012 kl. 18:27]

Ég einskis barn er, með Kristínu Ólafs er sennilega þunglyndislegasta lagið okkar, en við eigum talsvert mörg slík. Lítill drengur með Villa Vill, 'eg kom til að kveja í gær (man ekki titilinn) með Hauli Mortens, Guð minn góður koma engin skip í dag Með Ellý að mig minnir.  Væri gaman að setja upp Íslenskan lista.  Ég ger'i það einhverntíman og lagði til að gerð yrði plata sem héti Lög til að drepa sig við.

[Jón Steinar Ragnarsson, 14.5.2012 kl. 18:29]

Til eru fræ, er annað og svo á ubbi náttúrlega slatta af botlausu og samhengislausu þunglyndi í nauðrímsformi.

[Jón Steinar Ragnarsson, 14.5.2012 kl. 18:34]

Einar blessaður var nú bara krúttlegur. Ef menn lesa textann við hittarann hans þá skilja mennaf hverju hann fékk viðurnefnið.

Þú vilt ganga þinn veg

og ég vil ganga minn veg

einhvern tímann mætumst

við um miðjan völl

Þú vilt gera hinsegin

og ég vil gera svona

síðan verðum við

að mæta honum öll

Þú ert lengst til hægri

og ég er lengst til vinstri

þú elskar svart ég elska hvítt

Þú ert á leið niðrúr

ég er á leið uppúr

ég þrái frið og þú snýrð þér við

Þú vilt ganga þinn veg ...

Þú vilt fara nýja leið

en ég vil gamlar götur

Þú segir vin ég segi óvinur

Þú ert rétt að byrja

og ég er rétt að byrja

Þú vilt hún með svart

ég ljósið bjart

[Jón Steinar Ragnarsson, 14.5.2012 kl. 18:35]

húmið svart á að standa þarna í síðasta erindinu. Einhverjar fleiri villur þarna þó.

[Jens Guð, 14.5.2012 kl. 19:15]

  Jón Steinar,  bestu þakkir fyrir þessar vangaveltur.  "Ég einskis barn er" er vissulega dapurlegur texti um blint munaðarlaust barn.  Þetta var eitt fyrsta lagið sem Bítlarnir hljóðrituðu,  "Nobody´s Child",  með Tony Sheridan.  Bítillinn George Harrison söng það löngu síðar inn á plötu með Traveling Wilburys og lét ágóðann renna til einhverrar Barnahjálpar.

  Ég held að Kristín Ólafsdóttir hafi sungið  "Komu engin skip í dag?",  eins og "Ég einskis barn er".  Hún hefur verið dálítið á sorgmæddum nótunum,  blessunin.  "Komu engin skip í dag?" er eftir Magnús Eiríksson.  Það er tregi í mörgum hans söngva.  

  Freyr Eyjólfsson og Magnús R. Einarsson sendu frá sér plötu fyrir nokkrum árukm sem heitir "Lög til að skjóta sig við".   Mig minnir að þeir hafi kallað dúett sinn Sviðna jörð.

  Ég get ekki annað en flissað við lestur textans hans Einars áttavillta.   Hann var ekki nema 11 eða 12 ára þegar hann orti þetta.

[Ásthildur Cesil Þórðardóttir, 14.5.2012 kl. 20:45]

Íslensk þunglyndislög? mér dettur strax í hug Þrek og tár, söngur villiandarinnar og Nína og Geiri.

[Jens Guð, 14.5.2012 kl. 21:22]

  Ásthildur Cesil,  svo sannarlega "Söngur villiandarinnar".  Þegar ég var 6 - 7 ára hágrét ég alltaf þegar það lag var spilað í útvarpinu.  Það varð eldri bróðir mínum stríðni að spila það lag fyrir mér.  Þegar það hljómaði í útvarpi hljóp hann með útvarpið út á tún til að ég færi að gráta.  Mér fannst það svo sorglegt.  Og þrábað pabba minn að hætta að skjóta endur. 

[Ásthildur Cesil Þórðardóttir, 14.5.2012 kl. 21:27]

Jamm ég grét líka alltaf þegar ég heyrði þetta lag.

[hilmar jónsson, 14.5.2012 kl. 22:07]

Pabbinn á kránni sem vildi ekki koma heim þrátt fyrir að barnið væri veikt ?

Svo dó barnið og pabbinn hélt bara áfram að drekka.

Er til meira niðurdrep í einum texta ?

Hurt er vellandi gleðisöngur við hlið þessa lags

[Ásthildur Cesil Þórðardóttir, 14.5.2012 kl. 22:09]

Já einmitt var búin að gleyma því lagi. Pabbi minn kæri komdu með mér heim....

[Jens Guð, 14.5.2012 kl. 22:21]

   Hilmar,  það var annað lag sem ég grét yfir sem barn.  Ég man ekki eftir því á plötu sem barn en fólk söng þetta á réttarböllum.  Þá grét ég.  Þetta var svo sorglegt.  Löngu síðar kom þetta út á plötu með Mánum eða söngvara Mána,  Labba.  Svo sorglegt.

[Jens Guð, 14.5.2012 kl. 22:23]

  Ásthildur Cesil,  einmitt.  Þetta var mjög sorglegt fyrir barn að hlusta á. 

[Jóhann (IP-tala skráð) 14.5.2012 kl. 22:25]

http://www.youtube.com/watch?v=4WXYjm74WFI

[hilmar jónsson, 14.5.2012 kl. 23:25]

http://www.youtube.com/watch?v=5egkmJRikKw

[hilmar jónsson, 14.5.2012 kl. 23:27]

Var búinn að gleyma þessum söng hér að ofan. Slær eitthvað hann út í niðurdrepi ?

[Elías Rúnar Ingvarsson. (IP-tala skráð) 14.5.2012 kl. 23:38]

Hlustaðu vel og vandlega á Coma með Guns ´n roses.Mjög langt lag. Gott lag.

Bestu kveðjur.

[Grrr (IP-tala skráð) 15.5.2012 kl. 07:27]

http://www.youtube.com/watch?v=ptPZtt1cvf8

[Jens Guð, 15.5.2012 kl. 11:45]

  Jóhann,  takk fyrir þetta.  Hvað er dapurlegra en gráta vegna einmanaleika?  Hehehe!

[Jens Guð, 15.5.2012 kl. 11:46]

  Hilmar,  þessi var góður!

[DoctorE (IP-tala skráð) 15.5.2012 kl. 13:31]

Það eina sem ég veit er að þegar ég heyri lagið hans Bubba um þorpið.. þá langar mig að brjóta hluti, vælið er svo yfirgengilega ömurlegt. .að það liggur við að maður snappi

[Jens Guð, 15.5.2012 kl. 15:44]

  Elías,  ég þekki lagið.  Takk fyrir ábendinguna.  Ég tek undir að lagið sé flott.  Hinsvegar hugsa ég að aðrir en harðir GNR þekki ekki lagið.  Það er aldrei spilað í útvarpinu.

[Jens Guð, 15.5.2012 kl. 15:46]

  Grrr,  nú hló ég.  Þetta er virkilega fyndið.

[Jens Guð, 15.5.2012 kl. 15:47]

  DoctorE,  þetta er algeng viðbrögð.

[Sólrún (IP-tala skráð) 15.5.2012 kl. 17:09]

Hvað með "Yfir kaldan eyðisand "?

[Jens Guð, 15.5.2012 kl. 22:36]

  Sólrún,  jú, vissulega tregafullt kvæði.  En hver er flytjandinn?

[Sólrún (IP-tala skráð) 15.5.2012 kl. 23:10]

http://www.youtube.com/watch?v=itZHdo4zqa0

[Jens Guð, 16.5.2012 kl. 01:15]

  Sólrún,  takk fyrir þetta.  Blessuð börnin syngja fallega.