Íslenskt lag í sænskum diskótekum

  Lagið Song For Dotér (When You Let Go)  fer nú eins og stormsveipur um sænsk diskótek.  Þetta lag kom á markað fyrir 10 mánuðum.  Þá í gjörólíkum búningi.  Látlausum, hægum og fallegum.  Fyrr í þessum mánuði kom það út í hröðum og hörðum danstakti.  Það er sú útgáfa sem spiluð er á diskótekunum.

  Höfundur lags og texta er ung íslensk kona,  Íris Kjærnested.  Hún syngur jafnframt lagið.  Mike Shiver sér um undirspil og útsetningar.  Hann er stórt nafn í skandinavísku dansmúsíksenunni:  Upptökustjóri,  plötusnúður,  plötuútgefandi og útvarpsmaður 

   Íris Kjærnested er lærður tónsmiður.  Hún hefur samið tónlist fyrir kvikmyndir, sjónvarpsþætti og auglýsingar.  Allir þekkja auglýsingastefið hennar "Veldu gæði, veldu Kjarnafæði". 

   Hér fyrir ofan er dansútgáfa lagsins.  Fyrir neðan er upphaflega útgáfan:

  Hér er samantekt og kynning á helstu nýju danslögum á alþjóðamarkaði,  Solaris International.  Solarstone er skráð fyrir þessari kynningu.  Solarstone er breskt plötufyrirtæki sem sérhæfir sig í dansmúsík.  Í inngangi nefnir kynnirinn 3 nöfn af þeim 14 sem eiga lag í þessari samantekt.  Eitt þessara 3ja nafna er Mike Shiver.  Ég sé að þetta er skráð inn á Þútúpuna 24. apríl en lagið  Song For Dotér  í dansútgáfunni kom ekki út fyrr en 8 maí.  Það heyrist á mínútu 40.50.

  Að gamni sló ég inn "Song For Doter" á google.  Það skilaði 35.500 síðum.  Ég skoðaði ekki allar síðurnar.  Af þeim fyrstu í röðinni eru það aðallega sölusíður á borð við Amazon, iTune og slíkar. 

  Nánari upplýsingar um Írisi:

http://www.imdb.com/name/nm3572798

http://www.iriskjaernested.com/

Athugasemdir

[Ómar Ingi, 19.5.2012 kl. 12:54]

 Kallinn alveg með etta

[sæunn guðmundsdóttir (IP-tala skráð) 19.5.2012 kl. 16:33]

ansi hreint vel gert hjá þeim :)

[Sigurður I B Guðmundsson, 20.5.2012 kl. 19:46]

Ert þú með fréttamenn út um allan heim?? Eða er það "kallinn sem reddar öllu" sem upplýsir þig?

[Jens Guð, 27.5.2012 kl. 01:29]

  Mín músíkdella nær til þess að ég fylgist með því sem er að gerast í músík.  Nokkuð oft hef ég "skúbbað".  Það er gaman.  Ég var fyrstur til að segja frá vinsældum Ólafs Arnalds í New York,  Ólöfu Arnalds í Skotlandi,  Sólstöfum í Finnlandi, I Adapt í Þýskalandi og Póllandi og svo framvegis.  Núna er það Íris Kjaernested í Svíþjóð.