Ruslfæði dýrkað

 

  Sumir dýrka ruslfæði og umgangast það eins og trúarbrögð.  Sanka að sér allskonar vörum merktum matsölustöðum sem bjóða fyrst og síðast upp á ruslfæði:  Skyrtubolum,  derhúfum,  glösum,  pennum og svo framvegis.  Þeir sem lengst ganga láta húðflúra á líkama sinn vörumerki þekktra ruslfæðisstaða.  Og eru rígmontnir. 

Hætt í ruslfæðinu

Athugasemdir

[Stefán Júlíusson, 3.6.2012 kl. 18:03]

Þetta gæti verið flott auglýsingapláss;)

[V.Jóhannsson (IP-tala skráð) 3.6.2012 kl. 23:46]

Sundurgreinum innihaldið í einum Burger king: Ferskt nautakjöt, blóðríkt og hollt- nýtt ferskt grænmeti, túmatur, kál og hrár laukur, pakkað af vítamínum og steinefnum - og t.d. ostur, prótein ríkur og góður - brauð, það eina sem ég fæ ekki brjóstsviða af. Kornbrauð í verslunum er miklu óhollara. Matarolía sem inniheldur sömu vítamín og LÝSI. Kartöflurnar sem fylgja er óhollustan í þessum skamti og má sleppa þeim og svo að sjálfsögðu gosið, en það er drukkið í tíma og ótíma og mælist ekki.

Þetta er ekkert ruslfæði, EN ef fólk borðar of mikið og hreyfir sig lítið, þá fitnar það samkvæmt náttúrulögmálinu og breytir þá engu hvað borðað er, nema ef vera skildi kál og gulrætur og vatn.

Áróður og meiri áróður.

Hangikjöt og saltkjöt er miklu óhollari matur, enda hef ég heyrt, að blóðþristingur Íslendinga á jólum og nýári sé í hæðstu hæðum og nóg að gera í sjúkraflutningum.

Þetta tattóveraða lið er að sjálfsögðu ekkert ok. lið, en það er annar handleggur.

[Axel Jóhann Hallgrímsson, 4.6.2012 kl. 01:06]

Jens þetta er verulega "sjoppulegt".

V.Jóh. þú gleymir sósunum og sullinu sem hrúgað er með góðgætinu og öllum "ferskleikanum", sem er í ansi mörgum tilfellum, af hagsmunaástæðum seljanda,  komið á tíma eða jafnvel vel yfir hann.

[Jens Guð, 4.6.2012 kl. 23:24]

  Stefán,  það er rúmt um hvert vörumerki.  Nóg pláss.

[Jens Guð, 4.6.2012 kl. 23:46]

  V. Jóhannsson,  ég hef vonda reynslu af þessum hvítu hveitisamlokum sem kallast hamborgarar.  Þykir þær vera afar ómerkilegur matur.  Jú, jú,  það er hægt að kaffæra þær í spældum eggjum, papriku, súrum gúrkum,  tómötum,  beikoni, allskonar káli,  steiktum lauk, rauðlauk, ostum og ýmsu öðru.  Það er líka hægt að henda hvíta hveitibrauðinu og sleppa sósusullinu.  Það má líka sleppa flötu hakkbollunni.  Þá er þetta farið að líkjast alvöru mat.

  Lýsing þín á girnilegum Burger King hamborgara rímar ekki við meðfylgjandi ljósmynd  af venjulegum Burger King hamborgara.  Ég hallast frekar að snöggsoðinni ýsu með soðnum kartöflum og íslensku smjöri.

[Jens Guð, 4.6.2012 kl. 23:52]

  Axel Jóhann,  ég er búinn að rýna í þessar myndir.  Sú neðsta er fótósjoppuð.  Vörumerkin falla ekki nógu vel að útlínum mannsins.  Einkum eru útlínur KFC merkisins of beinar.  Án þess merkis hefði ég "keypt" myndina.  En það merki tekur af allan vafa.