Bestu lög síðustu 6 áratuga

  Breska popptónlistarblaðið New Musical Express er sextíu ára.  Til hamingju með það.  Þetta er vikublað.  Það hefur náð að hrista af sér alla keppinauta í áranna rás.  Um hríð atti það kappi við fjölda annarra popptónlistarvikublaða (Melody Maker,  Sounds, Record Mirror...) sem öll lognuðust út af, hægt og bítandi. 

  New Musical Express er næst söluhæsta popptónlistarblað heims (á eftir bandaríska Rolling Stone).  Það mokselst í Bandaríkjunum og út um alla Evrópu.  Í Bandaríkjunum er NME selt í öllum blaðsölustöndum úti á gangstéttum.  Bandarísk poppblöð,  önnur en Rolling Stone, eru ekki til sölu í þessum blaðsölustöndum.  Þau fást aðeins í bókabúðum.  NME hefur mikil áhrif í popptónlistarbransanum og er breskri popptónlist ómetanlegur sendiherra.

  Í tilefni afmælisins hefur New Musical Express leitað til fjölda rokkstjarna til að setja saman lista yfir bestu lög sem komið hafa á markað á líftíma New Musical Express.  Ég er sjaldan verulega óánægður með svona lista.  En þeir eru samt aldrei alveg eftir mínu höfði.  Þessi listi er meira á skjön við mín viðhorf en flestir aðrir listar.  Engu að síður er ég sáttur við toppsætið.  Þar fyrir utan lít ég svo á að eiginleg sætaröð skipti ekki miklu máli.  Mikilvægara er að viðkomandi lag sé á listanum.  Svo er þetta nú bara léttur samkvæmisleikur.  Engin ástæða til að taka hann of alvarlega.  Þetta er líka góð ástæða til að rifja upp kynni við mörg frábær lög.

1. Joy Division – 'Love Will Tear Us Apart'
2. Pulp – 'Common People'

3. David Bowie – '"Heroes"'
4. The Beach Boys – 'Good Vibratons'
5. New Order – 'Blue Monday'
6. The Stone Roses – 'She Bangs The Drums'
7. The Smiths – 'There Is A Light That Never Goes Out'

8. The Specials – 'Ghost Town'
9. Dizzee Rascal – 'Fix Up, Look Sharp'
10. Oasis – 'Wonderwall'
11. The Rolling Stones – 'Sympathy For The Devil'
12. The Ronettes – 'Be My Baby'
13. Michael Jackson – 'Billie Jean'

14. Sex Pistols – 'God Save The Queen'

15. The Beatles – 'A Day In The Life'
16. The Cure – 'Boys Don't Cry'
17. Bob Dylan – 'Like A Rolling Stone'
18. The Beach Boys – 'God Only Knows'
19. Madonna – 'Like A Prayer'
20. The Stone Roses – 'I Am The Resurrection'

  Lesendum var boðið upp á að setja saman samskonar lista.  Hann er glettilega líkur.  Svo kannski er þetta bara dálítið eins og staðan er.

1. Joy Division - Love Will Tear Us Apart

Einkunn: 8.18

2. The Cure - Boys Don't Cry

Einkunn: 8.02

3. Nirvana - Teen Spirit

Einkunn: 7.90

4. The Smiths - There Is A Light That Never Goes Out

Einkunn: 7.68

5. Oasis - Wonderwall

Einkunn: 7.62

6. Arctic Monkeys - I Bet You Look Good On The Dancefloor

Einkunn: 7.60

 

7. The Clash - London Calling

Einkunn: 7.58

8. The Strokes - Last Night

Einkunn: 7.51

9. The Killers - Mr Brightside

Einkunn: 7.50

10. The Kinks - You Really Got Me

Einkunn: 7.50

11. Pulp - Common People

Einkunn: 7.46

12. The Smiths - How Soon Is Now?

Einkunn: 7.42

13. The Rolling Stones - Paint It Black

Einkunn: 7.31

14. The Who - My Generation

Einkunn: 7.29

15. The White Stripes - Seven Nation Army

Einkunn: 7.23

16. Sex Pistols - God Save The Queen

Einkunn: 7.21

 

17. Bob Dylan - Like A Rolling Stone

Einkunn: 7.18

18. The Beatles - Eleanor Rigby

Einkunn: 7.13

19. The Verve - Bittersweet Symphony

Einkunn: 7.12

20. David Bowie - Heroes

Einkunn:  7,12

Athugasemdir

[Tobbi (IP-tala skráð) 23.6.2012 kl. 17:32]

Er virkilega hvergi smíðuð tónlist í veröldinni nema í enskumælandi löndum?  Hafa Færeyingar til dæmis ekkert gott gert? Og ekki heldur Danir?

Maður bara spyr?

[hilmar jónsson, 23.6.2012 kl. 22:19]

Flottur listi. Ég samþykki hann.

[Jens Guð, 24.6.2012 kl. 00:30]

  Tobbi,  sennilega hafa fáir eða engir (utan Færeyja) skrifað jafn oft og mikið um færeyska músík og ég.  Ég hef til að mynda skilað af mér til prentunar bók um færeysku álfadrottninguna Eivöru.  Bókin kemur út í haust.  Í henni er ýmis fróðleikur um færeyska músík.

  Þegar ég byrjaði að skrifa í íslensk blöð um færeyska músík fyrir 15 árum eða svo kvörtuðu ritstjórar undan þeim skrifum.  Þeir bentu mér á að lesendur vildu frekar lesa um Michael Jackson og Madonnu en færeyska tónlist.  Sem var rétt á þeim tíma.  En ég hélt mínu striki og að því kom að Íslendingar meðtóku færeyska tónlist.  Hinsvegar hefur hróður færeyskra tónlistarmanna ekki farið hátt í engilsaxneskum músíkblöðum.  Með nokkrum ánægjulegum undantekningum.  Án þess að færeysk lög nái inn á svona lista,  eins og þennan hjá NME.    

[Jens Guð, 24.6.2012 kl. 00:31]

  Hilmar,  mér þykir gaman að rifja upp kynni við þessi lög.

[Tobbi (IP-tala skráð) 24.6.2012 kl. 12:46]

Það sem ég var að fara var spurningin:  Hvernig er hægt að setja fram svona lista um bestu lög veraldarinnar á tilteknu tímabili og hafa einungis á honum verk enskumælandi listamanna? 

[Axel Jóhann Hallgrímsson, 24.6.2012 kl. 16:16]

Raggi og Elly, eru þau ekki á listanum?

[Jens Guð, 24.6.2012 kl. 18:09]

  Tobbi,  það gerist svona:  Fjöldi tónlistarmanna (breskra og sennilega líka bandarískra) er beðinn um að gera lista yfir bestu lög veraldar.  Almenningur er beðinn um að gera slíkt hið sama. 

  Báðum hópum var frjálst að velja lög frá hvaða málsvæði sem er.  Enskumælandi skemmtiiðnaðurinn er svo allsráðandi að niðurstaðan varð þessi.  

  Þegar frægir Íslendingar eru beðnir um að nefna sína uppáhalds hljómsveit,  söngvara,  plötu,  kvikmyndaleikara eða kvikmynd telja þeir upp það sem hæst ber í Bretlandi og Bandaríkjunum.  Sama kemur fram í þeim upplýsingum sem fólk gefur um sig á Fésbók.  Músíkmyndbönd sem fólk póstar inn á Fésbók ásamt klippum úr bíómyndum eða sjónvarpsþáttum eru sama marki brennd.

  Í hádeginu fór ég á BSÍ og fletti sunnudagshefti málgagns LÍÚ.  Það telur ekki margar blaðsíður.  En þar má lesa grein um hljómleika tveggja bandarískra hljómsveita í útlöndum.  Þar má einnig finna lista yfir tekjuhæstu leikkonur heims (allar bandarískar) ásamt greinargerð.  Á sömu opnu er grein um bandaríska söngkonu.  Önnur opna er lögð undir bandaríska kvikmynd sem nú er til sýningar í íslenskum kvikmyndahúsum.  Í heftinu er jafnframt grein um leikkonu í Dallas sjónvarpsþáttunum.  Ennfremur er í heftinu grein um bandaríska leikarann Bill Murray.  

  Svona er þetta.  Það snýst allt um engilsaxneska skemmtiiðnaðinn. 

[Jens Guð, 24.6.2012 kl. 18:11]

  Axel Jóhann,  eflaust eru þau á listanum.  En það neðarlega að þeirra er ekki getið.