Rokkabillýsprengja aldarinnar á Gamla Gauknum!

  Kanadíska rokkabilly-stjarnan Bloodshot Bill lýkur hljómleikaferð sinni í Evrópu með hljómleikum á Gamla Gauknum 11. ágúst. Tónlistarferill Bloodshots Bills hófst 1998.  Síðan þá hefur hann spilað með fjölda hljómsveita (ýmist á trommur eða gítar) og í dúettum.
 Sólóferillinn er samt hans aðal.  Þá er hann eins-manns-hljómsveit:  Spilar samtímis á gítar og trommur ásamt því að syngja.  Til að svoleiðis komi vel út þarf viðkomandi að vera fjölhæfur gítarleikari, taktvís og kröftugur á
trommur og búa yfir blæbrigðaríkum söng.  Allt eiginleikar Bloodshots
Bills.  Til viðbótar er hann mikill grallari og kryddar tónlistarflutning
sinn með húmor.

  Bloodshot Bill hefur sent frá sér fjölda platna,  bæði smáskífur og
plötur í fullri lengd.  Sú nýjasta heitir "Thunder and Lightning".  Músíkin er hrátt og fjörlegt rokkabilly sem getur farið út í pönkabilly þegar sá gállinn er á honum.

https://www.facebook.com/events/487868717892605/

Athugasemdir

[Stefán (IP-tala skráð) 25.7.2012 kl. 10:29]

Þekki þetta band ekki, en var að lesa að Geir Ólafs væri með trommarann úr Simpson þáttunum, sem undirleikara hjá sér.  Þetta finnst mér skemmtileg frétt,  því að Geir hefur löngum minnt mig á Homer Simpson með fullri virðingu fyrir þeim báðum - Geir gæti því tekið upp eftirnafnið Simpson þegar hann loks nær að meika það í Ameríku.

[Gðumundur Hannesson (IP-tala skráð) 25.7.2012 kl. 17:41]

Glæsilegt!! Er hann bara einn að spila? Hvað kostar inn?

[Jens Guð, 25.7.2012 kl. 20:28]

  Stefán,  ég hef ekki fylgst með Simpson og veit því fátt um það fyrirbæri.

[Jens Guð, 25.7.2012 kl. 20:32]

  Guðmundur, einhverjir íslenskir tónlistarmenn koma einnig fram.  Það er ekki alveg frágengið með þá.  Bloodshot Bill syngur aftur á móti einn við undirleik síns rafgítars og trommuslátts.  þannig er hann flottastur. 

  Það er ekki búið að fastnegla verð á aðgöngumiða.  Það ræðst dálítið af niðurstöðunni með íslensku skemmtikraftana.  Líkast til verður miðaverðið um 2000 kall (kannski 1800 eða 1900).

[Guðmundur Hannesson (IP-tala skráð) 25.7.2012 kl. 21:41]

Alger snilld. Veistu hvar er hægt að kaupa diska/plötur með honum? Ég var að fletta honum upp á youtube

[Jens Guð, 26.7.2012 kl. 02:02]

  Guðmundur,  plötur með Bloodshot Bill fást hjá amazon.com,  play.com og allskonar svoleiðis.  Kannski er eitthvað með honum til í Smekkleysu eða Plötubúð Valda. 

[Stefán (IP-tala skráð) 26.7.2012 kl. 08:25]

Myndi byrja á því að leita í Geisladiskabúð Valda á horni Laugavegs og Vitastígs.  Þar er mesta geisladisaka úrval landsins og hreint ótrúlegt hvað hægt er að finna þar.  

[Jens Guð, 26.7.2012 kl. 18:04]

  Ég er alltaf á leiðinni að kíkja þangað.