Hin jólalögin

  Sumir hafa horn í síðu jólalaga.  Segjast ekki þola jólalög.  Þetta er hálf kjánaleg afstaða.  Jólalög eru ekki afmarkaður músíkstíll.  Það má finna jólalög í flestum músíkstílum.  (Eitt það) flottasta er í írskum þjóðlagarokksstíl,  Fairytale of New York,  með Kirsty McColl og The Pogues.  Ég á fína jólaplötu með ýmsum bandarískum blúsurum.  Önnur jólalög má finna í músíkstílum á borð við reggí, kántrý, þungarokki, djassi, sálmasöng, pönk og hvað sem er.  Heims um ból fagnar fólk sólrisuhátíðinni jólum með söng og hljóðfæraleik.  Hátíð ljóss og friðar.  Jólin eru góð skemmtun í skammdeginu.  Vottar Jehova,  Amish-fólkið og fleiri sniðganga þó jólin fyrir það eitt að þau séu upphaflega heiðin hátíð.  Það er miður.  Jólin eru svo skemmtileg með jólasveinum,  jólaálfum, jólatré, jólagjöfum, veislumat, gott í skóinn og það allt. 

  Vissulega er til eitthvað sem fellur undir víða skilgreiningu á dæmigerðu jólalagi:  Létt popplag með bjöllum, klingjandi gítarspili og einhverju svoleiðis.  Þau eru fyrirferðarmest í útvarpi.  Hér eru nokkur sem sjaldnar er spiluð í útvarpi:

 

  Þetta eru kátir piltar frá Atlanta í Bandaríkjunum.

  Bresku anarkistarnir í Crass eru jólabörn.  Á dögunum fékk borgarstjóri Reykjavíkur sér húðflúr með lógói Crass.  Crass héldu hljómleika á Íslandi á níunda áratugnum og gáfu út plötur með íslensku hljómsveitinni Kukli.

  Íslandsvinirnir í bresku hljómsveitinni The Fall gáfu út jólalag til minningar um John Quays sem lést af völdum of stórs skammts af heróíni.

  Bandaríski rapparinn Snoop Doggy Dog stendur í þeirri trú nú að hann sé endurborinn Bob Marley.  En hann er sama jólabarnið fyrir því.

  Smá jólarokk.

  Íslenskt jólarokk með hljómsveitinni F.

  Og Fræbbblarnir.

Athugasemdir

[Stefán (IP-tala skráð) 18.12.2012 kl. 08:12]

Jólalag gúanórokkaans í ár heitir ,, Iceland, Iceland, Iceland, verslið í Iceland iceland, Iceland, váa, váa, váa " Persónulega finnst mér það ekki fallegur Jólasöngur, en svona söngur ku vera einstaklega vinsæll í Skaftahlíðinni.

[Jósef Smári Ásmundsson, 18.12.2012 kl. 09:55]

Ég er nú einn af þeim sem hata jólalögin,það er að segja þessi nýju(ó,ég hlakka svo til o.s.f).En þessi gómlu góðu ylja mér alltaf um barnsræturnar og lyfta andanum í áttina til himnaríkis.Tek það samt fram að ég er 21.aldar maður hvað varðar trúarbrögð.En ég rifja alltaf upp hlustun á jólaplötu Jethro Tull um Hver jól.Skosk og írsk þjóðlög eru í uppáhaldi hjá mér og eins þjóðlagarokkið.Sakna þess að finna ekki jólalög í latin jazz og gypsy jazz stíl.En þau eru örugglega til.Bara leita.En svo gleðileg jól Jens Kristján.Megi goðin vaka yfir þér.

[Jens Guð, 18.12.2012 kl. 21:53]

  Stefán,  ég hef ekki komið við í Skaftahlíðinni og þess vegna ekki heyrtjólagið.

[Jens Guð, 18.12.2012 kl. 22:01]

  Jósef,  gott að þú minntir mig á JT jólaplötuna.  Ég var eiginlega búinn að gleyma henni.  Ég man ekki eftir neinum latin djass eða gypsy djass jólaplötum.  Goðin eru mér hliðholl og ég þeim.  Bestu óskir um gleðileg jól,  kæri skólabróðir, og skilaðu góðum jólakveðjum frá mér til bróður þíns.