Íslensk músík í sænskum fjölmiðlum

 

  Í sænskum dagblöðum er dálæti á íslenskri músík áberandi.  Í áramótauppgjöri sænska dagblaðsins Aftonbladet er eftirfarandi texti undir yfirskriftinni "Konsert" (hljómleikar ársins) yfir það merkasta á árinu 2012:  "Björks konsert i augusti paa Skeppsholmen i Stockholm.  Istappar i vaaldig varm rymd, totalt minnsvard i allt."

  Ég er ekki nógu góður í sænsku til að þýða þetta yfir á íslensku.

  Undir yfirskriftinni "Musik" er þessi texti:  "Sigur Rós album Valtari har gudomligt tröghet."

  Í dagblaðinu Dagens Nyheter var birtur listi yfir það sem hæst mun bera í listum og menningu á árinu 2013.  Undir yfirskriftinni "Júlí" er fyrirsögnin:  "Sigur Rós á Hróarskeldu". 

  Danska fríblaðið Gaffa liggur frammi í sænskum plötubúðum.  Í nýjasta hefti Gaffa er listi yfir 5 hápunkta Iceland Airwaves 2012.  Frammistaða þeirra hljómsveita sem raðast í 5 efstu sætin er studd rökum og umsögn.  Þær eru:  Retro Stefson,  Skúli Sverrisson,  HighasaKite,  Sólstafir og Sigur Rós. Til gamans má rifja upp að plata Sólstafa náði 12. sæti á finnska vinsældalistanum fyrir tveimur árum.  Ótrúlega hljótt hefur verið um það í islenskum fjölmiðlum.  

Athugasemdir

[Ásthildur Cesil Þórðardóttir, 8.1.2013 kl. 13:32]

Í einni búð í Mattersburgh í Austurríki heyrði ég lag sem ég kannaðist við, svo rann upp fyrir mér að þarna var Angel okkar júróvisjónlag.  Ég hef líka heyrt bæði Björk, Sigurrós og Emiliönu Torrini í útvarpi bæði í Austurríki og Eistlandi og fleiri löndum.  Það er alltaf jafn gaman að heyra fólkið "okkar" vera að gera það gott erlendis.

Einnig sá ég auglýsta tónleika með Sigurrós í Marabor í Slóvakíu í haust.  Og sá að verið var að koma upp tónleikapalli og sætum, því miður var ég farin áður en tónleikarnir voru.  Svo ég missti af þeim.

[Jens Guð, 9.1.2013 kl. 01:40]

  Ásthildur Cesil,  takk fyrir þessa fróðleiksmola.

[Ásthildur Cesil Þórðardóttir, 9.1.2013 kl. 12:18]

Gaman að þessu Jens minn.