Þannig verða ský til

  Margir halda að ský hafi alltaf verið til.  Samt eru engar ljósmyndir til frá því í gamla daga af skýjum.  Það eru ekki til neinar gamlar heimildir um ský.  Þau eru nefnilega seinni tíma fyrirbæri.  Þau urðu ekki til fyrr en vindmyllur voru smíðaðar og teknar í notkun.  Það eru vindmyllur sem búa til ský.  Þær þjappa saman raka í loftinu.  Útkoman er ský.  Reyndar geta svokallaðar þrýstiloftsflugvélar einnig búið til ský. 

  Hægt er að búa til skemmtilega skýhnoðra með því að setja vindmillu í gang og slökkva á henni eftir hálfa mínútu.  Það er hægt að leika sér endalaust með svoleiðis. 

Blæs duglega á vindmyllurnar

Athugasemdir

[Sigurður Þór Guðjónsson, 18.2.2013 kl. 00:59]

Skýjaglópur getur þú verið!

[Jóna Kolbrún Garðarsdóttir, 18.2.2013 kl. 01:40]

[Jens Guð, 18.2.2013 kl. 01:48]

  Sigurður Þór,  ég kvitta undir það. 

[Jens Guð, 18.2.2013 kl. 01:48]

  Jóna Kolbrún,  takk fyrir innlitið. 

[Jósef Smári Ásmundsson, 18.2.2013 kl. 07:47]

Fyrrum vinnufélagi minn (Englendingur) og ég vorum einu sinni að velta því fyrir okkur þegar það var hálft tungl hvar hinn helmingurinn væri.Eftir nokkra eftirgrennslan á facebook komst ég að því að hann var einmitt á íslandi.Þetta dæmi og eins dæmið hjá þér Jens sýnir það glögglega að ef ekki væru til athugulir menn eins og við þá vissi heimurinn voða lítið.

[Stefán (IP-tala skráð) 18.2.2013 kl. 08:23]

Stundum hrannast upp ský í kring um eistaklinga. Gott dæmi um slíkan skýjaglóp er formaður Vinstri Grænna sem nú ,, flýr af hólmi " með skottið á milli lappanna og nánast allt niður um sig. Bara að hann hefði nú haft vit á því að segja af sér þingmennsku í leiðinni.   

[Steini (IP-tala skráð) 18.2.2013 kl. 13:31]

Er eitthvað til í þessu eða er þetta grín?

[Þorvaldur J. (IP-tala skráð) 18.2.2013 kl. 14:22]

Ég efast um að þetta sé rétt.

[Jósef Smári Ásmundsson, 18.2.2013 kl. 17:24]

Heyrðu,haldiði strákar að við séum að ljúga þessu.Við ljúgum aldrei.

[Jens Guð, 18.2.2013 kl. 22:16]

  Jósef (#5),  takk fyrir þessa skemmtilegu sögu

[Jens Guð, 18.2.2013 kl. 22:17]

  Stefán,  það er ekki öllum gefið að þekkja sinn vitjunartíma.

[Jens Guð, 18.2.2013 kl. 22:17]

  Steini,  það er allt til í þessu.

[Jens Guð, 18.2.2013 kl. 22:18]

  Þorvaldur,  þú þarft ekki annað en skoða efri ljósmyndina.  Þar sést glöggt hvernig skýin verða til.

[Jens Guð, 18.2.2013 kl. 22:20]

  Jósef (#9),  við lærðum það í Steinsstaðaskóla að segja frá eins satt og rétt og okkur er mögulegt hverju sinni.  Eftir því sem við á.

[Axel Jóhann Hallgrímsson, 19.2.2013 kl. 13:21]

Bera Hollendingar, sem mesta vinmylluþjóðin til skamms tíma, ekki fulla ábyrgð á því að hér á landi er oft alskýjað dögum eða vikum saman og ekki sést til sólar. Er það ekki tilefni í skaðabótakröfu á hendur þeim, svokallaða Sunsave kröfu?

[Jens Guð, 19.2.2013 kl. 20:28]

  Axel Jóhann,  svo sannarlega!