Lulla frænka fann upp nýja aðferð

  Síðustu árin bjó Lulla frænka á Skúlagötu.  Hún var tíður gestur á heimili vinafólks á Leifsgötu.  Það er ekki löng akstursleið þar á milli.  Eitt sinn hringdi Lulla í mig.  Hún var dálítið drjúg yfir því að vera búin að finna upp aðferð til að keyra þessa leið án þess að þurfa að stoppa á leiðinni:  "Ég keyri bara mjög hægt alla leið," sagði hún.  "Stoppa aldrei.  Keyri á jöfnum hraða.  Þannig kemst ég alla leið án þess að stoppa."

  Ég spurði:  "En þegar kemur að ljósunum á Hverfisgötu?  Þú verður að stoppa þar ef að það er rautt ljós."

  Lulla hélt nú ekki:  "Nei, ég keyri löturhægt yfir á rauðu ljósi.  Ef að bílar eru fyrir og stopp þá beygi ég framhjá þeim og held áfram.  Bílarnir sem keyra upp og niður Hverfisgötuna stoppa þegar þeir sjá að ég held mínu striki yfir götuna. "

--------------------------------

  Fleiri sögur af Lullu frænku:  http://jensgud.blog.is/blog/jensgud/entry/1369024/

Athugasemdir

[FORNLEIFUR, 4.4.2014 kl. 23:49]

Dæmigerður Íslendingur hún frænka þín.

[Ásthildur Cesil Þórðardóttir, 5.4.2014 kl. 12:20]

Óborganleg þessi kona.

[ingibjörg kr einarsdóttir (IP-tala skráð) 5.4.2014 kl. 13:03]

Lulla frænka er gersemi. Ég kemst alltaf í sólskinsskap við að lesa sögurnar.

[Jens Guð, 6.4.2014 kl. 21:20]

Fornleifur, já, þetta er dálítið íslenski stíllinn.

[Jens Guð, 6.4.2014 kl. 21:21]

Ásthildur Cesil, takk fyrir það.

[Jens Guð, 6.4.2014 kl. 21:21]

Ingibjörg, gaman að heyra þetta.