Fréttatíminn lýgur

 

  Veðurfræðingar eru ekki einir um að ljúga.  Ótrúlegt en satt.  Fjölmiðlar eiga það líka til að bregða fyrir sig ónákvæmni,  hálfsannleik og hreinum og tærum ósannindum.  

  Í Fréttatímanum í dag er skemmtilegur spurningaleikur á blaðsíðu 56.  Ein spurningin er:  "Hvaða bítill samdi lagið Yellow Submarine?"

  Á sömu síðu eru rétt svör gefin upp.  Svarið við þessari spurningu er sagt vera:  "Ringo Starr."

  Þetta eru rakin ósannindi frá rótum.  Ringo samdi ekki Yellow Submarine.  Höfundurinn er Paul McCartney - þó að lagið sé skráð á Lennon-McCartney.

 

  

Paul McCartney mætir á Hróarskelduhátíðina

Athugasemdir

[Stefán (IP-tala skráð) 6.3.2015 kl. 11:07]

Nákvæmlega, Paul samdi þetta lag beinlínis fyrir Ringo að syngja. Fréttatíminn greinilega ekki unnið heimavinnuna. 

[Ásthildur Cesil Þórðardóttir, 6.3.2015 kl. 11:26]

Stundum gleyma blaðamenn að vinna heimavinnuna, en sem betur fer er fullt af fólki þarna úti sem veit betur eins og þú Jens minn. 

[ls (IP-tala skráð) 6.3.2015 kl. 11:59]

Sagði ekki Paul eitthvað í þá veru að Ringo syngi þetta eins og honum einum er ekki lagið?

[Jens Guð, 6.3.2015 kl. 21:31]

  Stefán,  að óreyndu hefði ég haldið að almennt væri fólk með þetta á hreinu umfarm flest önnur Bítlalög.  

[Jens Guð, 6.3.2015 kl. 21:32]

Ásthildeur Cesil,  ég stend vaktina þegar kemur að því hvaða bítill samdi hvaða lag.

[Jens Guð, 6.3.2015 kl. 21:43]

Is,  þetta hef ég ekki heyrt.  En hljómar "Bítlalega".  Trommuleikur Ringós setti flottan blæ á mörg Bítlalög.  Hann var MJÖG töff trommari.  Þegar Cream,  Deep Purple,  Led Zeppelin og þær allar hljhómsveitir komu til sögu færðist athyglin yfir á hraðan og tæknilegan trommuleik,  trommusóló og eitthvað svoleiðis.  Það var ekki Ringó-deildin.  Hann var samt flottur eftir sem áður.  Margir héldu því til haga.

  Eitt sinn var John  Lennon spurður að því hvort að hann kvitti undir að Ringó væri flottasti trommari rokksins.  John svaraði í bullstuði (og þvert gegn betri vitund):  "Hann er ekki einu sinni besti trommarinn í Bítlunum!"

[Ómar Bjarki Kristjánsson, 7.3.2015 kl. 01:03]

Sýnir hve Bítlarnir voru mikil hljómsveit, fjórir sem mynduðu eitt o.s.frv., að Ringo fékk oft að syngja eitt lag eða svo á plötu.   Meikar engan sens að láta Ringo singja en að vísu, eftir á séð, - þá kemur það vel út í heildarsamhengi hverrar plötu.  Alveg magnað og eilíft umhugsunarefni hve heildin er sterk hjá Bítlunum.  Þessir 4 mynduðu svo sterka heild að einsdæmi er.

Stundum hefur verið sagt að Paul hafi spilað á trommur á mörgum lögum en það er víst ekki rétt.  Eru örfá lög þar sem Paul trommaði og þær ástæður eiga sér eðlilegar skýringar.

Það er ekki hægt að segja, að mínu mati, að hinir Bítlarnir hafi litið á Ringo sem varahjól.

Sýnir sig líka að Lennon valdi Ringi sem trommara í hljómsveitina sína eftir að Bítlar hættu.

Ringi hafði sérstakan stíl og var náttúrulega vel þekktur trommari í Liverpool fyrir tíma Bítla.  Hinir 3 voru að velja besta trommara Liverpool þegar þeir tóku hann inn í staðinn fyrir Pete Best.  Hann var ákveðinn frumkvöðull í trommuleik á sínum tíma, hafði sérstakt grip o.s.frv.

En svo breytast viðhorfin gagnvart trommuleik þarna á þessum tíma eins og bent er á.  Trommusóló og eilíf læti og útúrdúrar.  Ringo var ekki svoleiðis trommari.  Hann er undanfarinn.  Hann er milliliður gamla tímans og rokksinns.  Þ.e.a.s. að bakgrunnur hans er gamli tíminn og hann þróar ákveðna rokktækni í trommuleik sem aðrir byggðu svo á.

[Jens Guð, 7.3.2015 kl. 09:58]

  Ómar Bjarki,  takk fyrir þitt innlegg.  Ég tek undir þínar lýsingar.  

  Paul hefur sagt frá því hvernig tónlist Bítlanna tók risa framfaraskref með komu Ringós í hljómsveitina.  Lögin fengu nýja áferð sem stækkaði þau.

  Í árdaga Bítlanna var hljómsveitin um tíma tríó.  Paul spilaði á trommur en John og George á sitthvorn gítarinn.  Jafnframt trommaði Paul um hríð á trommur í Þýskalandi hjá söngvaranum Tony Sheridan.  Paul trommaði í fjölda laga með Bítlunum.  Þau þekktustu eru "Ballad of John and Yoko" og "Back in the USSR".  

[Brynjar Emil Friðriksson (IP-tala skráð) 7.3.2015 kl. 19:11]

 Eitt sinn var John  Lennon spurður að því hvort að hann kvitti undir að Ringó væri flottasti trommari rokksins.  John svaraði í bullstuði (og þvert gegn betri vitund):  "Hann er ekki einu sinni besti trommarinn í Bítlunum!"

Þetta mun vera mýta. Bendi þér á þessa færslu:

https://www.facebook.com/groups/117321135086548/permalink/385374564947869/

[Jens Guð, 7.3.2015 kl. 22:53]

  Brynjar,  takk fyrir þetta.  Ég hef lesið margar Bítlabækur og oft rekist á þessa tilvitnun í Lennon.  En þegar þú kemur með þetta innlegg þá átta ég mig á því að það hefur aldrei verið tiltekið hvar eða hvenær John á að hafa sagt þetta.  Samt er þetta mjög Lennon-legt (miðað við hans húmor) og þess vegna trúverðugt.  Ef frá er talið að ég hef aldrei - utan þessa dæmis - rekist á neitt haft eftir Lennon neikvætt um Ringó.  Þvert á móti.  Hann hefur ætíð og allstaðar hælt Ringó í bak og fyrir.