Fegursta kona heims er á sextugsaldri

  Útlent tímarit,  People,  hefur lagst í mikla rannsóknarvinnu til að finna út hver sé fegursta kona heims.  Niðurstaðan er afhjúpuð í tölublaði sem kom á markað í fyrradag,  miðvikudaginn 22. apríl.  Svo ótrúlegt sem það hljómar þá fann tímaritið fegurstu konu heims í Bandaríkjunum.  Ólíklegt er að það tengist því að tímaritið sé bandarískt.  Það er óháð og frjálst. En þetta er þeim mun merkilegra að bandarískar konur eru aðeins rúmlega 2% af jarðarbúum.

  Samkvæmt vísindalegri könnun og rannsókn People er fegursta kona heims kvikmyndaleikkonan Sandra Bullock.  Hún er á sextugsaldri.  Niðurstaðan verður ekki vefengd.  Sandra er hugguleg.  Hún ber þess sterk merki að vera hálf þýsk.

  Svo skemmtilega vill til að bróðurdóttir mín,  tæplega tvítug Fjóla Ísfeld,  hefur löngum verið talin ótrúlega lík Söndru Bullock.  Það bendir til þess að hún muni líta svona út á sextugsaldri:

  

   

Athugasemdir

[Jósef Smári Ásmundsson, 25.4.2015 kl. 16:52]

Og fallegasti karlinn verður 58 ára 10. júní næstkomandi. Líka á sextugsaldri.

[Jens Guð, 25.4.2015 kl. 21:46]

Jósef Smári,  þið eruð eins og tvíburar!

[Jósef Smári Ásmundsson, 26.4.2015 kl. 14:07]

Ég er tvíburi, Jens. Ég veit ekki um hana. En æi. Er þetta nú ekki komið nóg af fimmaurabröndurunum hjá mér? 

[Jens Guð, 26.4.2015 kl. 19:59]

  Jósef Smári,  það er aldrei nóg af góðum fimmaurabröndurum.