Mamman kjaftstopp

  Ég gerði mér erindi í verslunina Ikea í Garðabæ.  Við inngang blasir við hringhurð sem snérist stöðugt.  Ég nálgaðist hana ásamt konu með ungbarn og á að giska fimm ára stelpuskotti.  Stelpan var á undan okkur og virtist ætla að stökkva inn um dyragættina.  Í sama mund hrópaði mamman:  "Passaðu þig!"  Stelpan stoppaði og hrópaði krúttlega fullorðinslega til baka - auðheyranlega alvarlega misboðið:  "Ertu með svona lítið álit á mér?  Heldur þú virkilega að ég kunni ekki að passa mig?" 

-------------------------------------

Athugasemdir

[Ásthildur Cesil Þórðardóttir, 27.9.2015 kl. 10:19]

Já blessuð börnin, þau kunna þetta 

[Jens Guð, 29.9.2015 kl. 21:12]

  Mér þótti fullorðinslegt orðalag stelpunnar afskaplega fyndið.  Ásamt hneykslunarsvip hennar.  Frásögnin skilar sér sennilega ekki eins vel á prenti og að verða vitni að þessu.

[Ásthildur Cesil Þórðardóttir, 29.9.2015 kl. 21:41]

Jú fyrir mig, af því að ég þekki svona tilsvör hjá mínum elskum :)

[Ásthildur Cesil Þórðardóttir, 29.9.2015 kl. 21:43]

Mér þykir trúlegt að annað hvort eigi hún ráðsetta foreldra eða umgangist mikið afa og ömmu, það útskýrir orðaforðann.

[Jens Guð, 30.9.2015 kl. 17:51]

Ásthildur Cesil,  það er áreiðanlega rétt hjá þér að telpan sé í miklum samvistum við ömmu og/eða afa.  Ég þekki dreng sem ólst upp í sveit hjá foreldrum og ömmu og afa.  Það vakti oft mikla kátínu þar sem hann kom er hann 4ra-5 ára talaði góða og fullorðinslega íslensku,  oft skreytta gömlum málsháttum og orðatiltækjum.  Iðulega með orðum sem eru ekki notuð í almennu tali fólks í dag.   

[Ásthildur Cesil Þórðardóttir, 30.9.2015 kl. 18:26]

Já einmitt, þau skera sig út krakkarnir sem eru svo lánsöm að eiga afa og ömmu sem þau geta umgengist reglulega.   Þess vegna væri ef til vill góð hugmynd að koma á samgöngu milli barna og elli heimila, þar sem þau myndu koma reglulega í heimsókn og kynntust gamla fólkinu, það væri lesið fyrir þau og sögð ævintýri, það myndi auka á orðaforða og auka forvitni barna fyrir náttúruvættum.