Listinn kemur á óvart

  Á Fésbókinni er að finna margar áhugaverðar tónlistarsíður.  Ein heitir Classic Rock.  Hún skartar allflestum þekktustu lögum sem falla undir hatt klassísks rokks.  Afar forvitnilegt er að skoða og bera saman hvað lögin hafa fengið margar birtingar.  Sá listi kemur á óvart.  Ég veit samt ekki alveg hvað hægt er að lesa út úr því.  Sum lög vekja kannski forvitni þeirra sem eiga það ekki í sínu tónlistarsafni.  Önnur eru menn kannski með í spilaranum sínum hversdagslega og sleppa því að sýna þeim áhuga á Fésbókarsíðu.  

  Síðuna má finna með því að smella H É R - ef þú ert með aðgang að Fésbók.  

  Þetta eru vinsælustu lögin á síðunni (innan sviga er birtingafjöldinn)

1  Týr - Ormurin langi (419)

2  The Stranglers - No More Heroes (327)

3  Tom Robinson Band - 2-4-6-8 Motorway (186)

4  Creedence Clearwater Revival - I Put a Spell on You (160)

5-6 Janis Joplin - Move Over (148)

5-6 Shocking Blue - Venus (148)

7  Steely Dan - Realin in the Years (128)

8  Guns N´ Roses - Sweet Child O´ Mine (126)

9  Public Image Limited - Rise (115)

10 Spencer Davis Group - Keep on Running (103)

11 Doors - Light my Fire (85)

12 The Kinks - You Really Got Me (70)

13 The Byrds - Eight Miles High (69)

14 Echo & the Bunnymen - The Cutter (68)

15 Rage Against the Machine - Killing in the Name (66) 

Athugasemdir

[Sigurður I B Guðmundsson, 15.9.2016 kl. 22:01]

Botna ekkert í þessum lista en er ánægður að sjá CCR þarna!

[Jens Guð, 16.9.2016 kl. 07:44]

Sigurður I B,  ég er að reyna að átta mig á listanum.  Það er ekki verið að velja bestu lögin eða neitt slíkt.  Þetta er ekki skoðanakönnun.  Né heldur sölutölur.     

  Þetta er þannig að fólk hefur fyrir framan sig úrval flestallra helstu sívinsælla laga rokksögunnar frá og með 1964.  Upphafslag klassíska rokksins er jafnan skilgreint "You Really Got Me" með The Kinks.  Lögin á síðunni eru að uppistöðu til sótt í lista yfir vinsælustu/mest spiluðu lög í helstu útlendu útvarpsstöðvum sem skilgreina sig undir samheitið "classic rock".  

  Ætla má að gestir Fésbókarsíðunnar renni yfir úrvalið og staldri aðeins við lög sem þá langar til að rifja upp.  Væntanlega lög sem þeir hafa ekki heyrt í langan tíma.  Helmingur laganna á Topp 15 eru frá sjöunda áratugnum.  Það segir einhverja sögu.  Aðeins topplagið er frá þessari öld.  "Ormurin langi" kom út 2001 og var mest spilaða lag í íslensku útvarpi 2002.  Platan seldist í 4000 eintökum hérlendis og hefur verið í stöðugri sölu síðan.  

  Næst yngsta lagið á listanum kom út 1992,  "Killing in the Name" með Rage Against the Machine.  Það var mest spilaða lag í íslensku útvarpi 1993.

  Til gamans má bæta við að lítið er um að gestir kvitti fyrir lögin með "læki".  Þau sem hafa þó uppskorið flest "like" eru þessi með CCR og Janis Joplin (8 "læk" hvort).