Fræðandi skaup

 

  Áramótaskaupið í sjónvarpinu á gamlársdag var ekki aðeins skemmtilegt.  Það var ekki síður fræðandi.  Indriði fór á kostum.  Gott hjá honum að fræða forsetann um ýlið í baðherbergisglugganum.  Bílastæðaverðirnir gáfu honum lítið eftir.  "Nei, nú hringi ég í Jens!"  Einnig sá sem klúðraði víkingaklappinu.  Sem og margir fleiri.

  Bitastæðastur var fróðleiksmolinn um skyrið.  Svo skemmtilega vill til að breska dagblaðið Daily Mail komst að sömu niðurstöðu í árslok.  

  Í næstum því heilsíðugrein er fjallað um kosti og galla jógúrts.  Fyrirsögnin er "Jógúrt-tegundirnar sem gera þér gott".  Í inngangi er vísað til Heilbrigðisráðs Englands.  Það varar stranglega við óhóflegu sykurmagni í sumum jógúrt-tegundum.  Næringarfræðingur Daily Mail kafar í málið og bendir með góðum rökum á fimm ákjósanlegustu tegundirnar.  

  Fyrst er nefnt Íslenskt vanillu-skyr.  Það ber höfuð og herðar yfir aðrar jógúrt-tegundir.  170 gr dolla kostar 1,25 pund (175 ísl kr.).  Hitaeiningar í þessu magni eru 95,  fita 0,17 gr,  sykur 5,6 gr og prótein 16,6 gr.

  Það er framleitt úr undanrennu.  Samt er það þykkt og kremkennt.  Halda mætti að óreyndu að það sé framleitt úr rjóma.  

  Prótein-magnið er þrefalt í samanburði við aðrar jógúrt-tegundir. Það jafngildir próteini þriggja brúneggja.  Fyrir bragðið er neytandinn pakksaddur í langan tíma eftir að hafa gúffað því í sig.  Fullkominn morgunverður.  Líka heppilegur millibiti.  Leyndarmálið liggur í hárnákvæmri blöndu af náttúrulegum mjólkursykri og gervisætuefnum.  Sykurinn rúmast lipurlega í sléttfullri teskeið.

   

Landsmenn tísta um skaupið

Athugasemdir

[Sigurdur Hermannsson (IP-tala skráð) 1.1.2017 kl. 16:15]

Gledilegt ar Jens, med thokk fyrir goda skemmtun a lidnu ari.

Siggi Lebanon.

[Sigurður I B Guðmundsson, 1.1.2017 kl. 22:04]

Sammála nafni. 

[GB (IP-tala skráð) 1.1.2017 kl. 22:20]

Skyr er alls óskylt jógúrt. Er í raun ostur.

[Jens Guð, 2.1.2017 kl. 10:41]

Sigurður Hermannsson,  bestu nýárskveðjur og takk fyrir innlitið.  

[Jens Guð, 2.1.2017 kl. 10:42]

Sigurður I B, megir þú eiga farsælt ár 2017 og góðar þakkir fyrir samskiptin á liðnum árum.

[Jens Guð, 2.1.2017 kl. 10:43]

GB,  það er rétt hjá þér.  Við vitum þetta en ekki Bretarnir hjá Daily Mail.