Það þarf að hafa kontról á óþörfu rápi

25.1.2017 | 19:49

Það þarf að hafa kontról á óþörfu rápi

&nbsp;

Girðingar og múrveggir hafa oft gefist vel. Fangelsi eru iðulega umlukin öflugum girðingum og múrveggjum. Stundum er rafmagni hleypt í girðinguna. Þetta dregur úr möguleikum óstöðugra á að brjótast inn í fangelsi, gera usla og fjölga föngum ótæpilega.

Um miðja síðustu öld gerðu Þjóðverjar tilraun með múrvegg. Þeir skiptu borginni Berlín í tvennt með honum. Hann kom í veg fyrir óþarft ráp á milli borgarhluta. Hitt er annað mál að fyrir hlálegan misskilning var múrinn rofinn seint á síðustu öld og allt fór í rugl.

Í Palestínu hefur verið reistur snotur aðskilnaðarmúr. Með honum hefur reglu verið komið á ólívurækt Palestínumanna. Þeim eru skammtaðir tilteknir dagar til að skottast í gegnum múrinn og tína ólívur. Nema landtökugyðingar séu búnir að kveikja í trjánum enn einu sinni.

Næst á dagskrá er múrveggur á milli Mexíkó og Bandaríkjanna. Með honum verða Bandaríkin einangruð frá sunnanverðri Ameríku. Girt af. Ef einangrunarmúrinn gefst vel er næsta skref að reisa samskonar múr á milli Kanada og Bandaríkjunum. Í báðum tilfellum "flýja" mun fleiri Bandaríkjamenn yfir landamærin til Mexíkó og Kanada en öfugt. Það þarf að hafa kontról á þessu flakki.

&nbsp;

	Við munum reisa múr segir Trump
Ábyrgðarmaður færslu Tilkynna um óviðeigandi tengingu við frétt

Meginflokkur: Sjónvarp | Aukaflokkar: Spil og leikir, Stjórnmál og samfélag, Utanríkismál/alþjóðamál | Breytt 26.1.2017 kl. 05:24 | Facebook

Athugasemdir

Er ekki bara best að halda sig við "einiberjarunninn"!!

Sigurður I B Guðmundsson, 25.1.2017 kl. 22:00

Pink Floyd bera ábyrgð á þessum múrum. Punktur!

Wilhelm Emilsson, 26.1.2017 kl. 07:46

Jens. Orðið "múr" hefur eðlilega orðið að einhverri óhugnaðarmynd á hugarteikniforritinu í hausnum á flestum. Nútíma grannagarðs-sættandi landamæraeftirlit ætti að geta farið fram með einfaldari hætti. Það þarf væntanlega að hafa eitthvert eftirlit með lögum og reglum, ef slíkt laga/reglu-bókstafa-safn á að virka á friðsamlegan hátt.

Svakalegra með vatnspyntingaáhugann hjá þeim Trompuðu þarna vestra og víðar í veröldinni. Það er algjört brjálæði að leyfa vatnspyntingar og allar aðrar tegundir pyntinga, í mennskunnar, þróunar og siðmenntunar friðartilgangi.

Góða guðsorkan og allar góðar vættir stöðvi öll slík brjálæðis hugarfóstur hjá illskunnar andlega sjúku hugmyndafræðingum og ráðgjöfum heimsveldanna foringjanna.

M.b.kv.

Anna Sigríður Guðmundsdóttir, 26.1.2017 kl. 09:39