Afi landsfrægur til áratuga

  Afi var heljarmenni;  nautsterkur og fylginn sér.  Skapið hljóp iðalega með hann í gönur. Hann var varla kominn á unglingsár þegar hann var farinn að slást við fullorðna menn.  Þeir lömdu hann.  Pabbi hans brá á það ráð að koma honum til náms í hnefaleikum.  Eftir að hafa sótt tvo tíma gekk kennarinn á fund föðurins;  tjáði honum að ekki væri hægt að kenna afa.  Hann kynni ekki að taka leiðsögn.  Þegar taka ætti létta æfingu þá missti afi ætið stjórn á skapi sínu og færi að slást eins og upp á líf og dauða. 

  Eljan í afa dugði vel til bústarfa.  Hann breytti stórgrýttum melum í grösug tún.  Hann greip ótal misstórra steina í fangið og henti þeim út fyrir túnstæðið.  Sumum svo stórum að undrun sætir að hægt hafi verið að bifa þeim.  Þetta þótti svo mikið afrek að Kristján 10. Danakonungur verðlaunaði afa fyrir ótrúlegar jarðumbætur.  Verðlaunin voru fjármunir sem hjálpuðu afa að reisa glæsilegt íbúðarhús með samfastri hlöðu, fjósi og haughúsi 1937.  Það var fyrsta steinhúsið í Hjaltadal. 

  Þremur áratugum síðar bankaði farandsölumaður á dyr.  Hann var að selja stóla.  Mamma keypti af honum skrifstofustól og bauð honum í kaffi.  Í eldhúsinu sat afi.  Þeir sölumaðurinn kynntu sig með nafni.  Við að heyra nafn afa sagði sölumaðurinn:  "Stefán Guðmundsson á Hrafnhóli.  Þetta hljómar kunnuglegt.  Ég hef heyrt þetta nafn áður."

  Afi svaraði:  "Það er nú líkast til.  Það var sagt frá því í útvarpinu er ég fékk peningaverðlaun frá Kristjáni 10. Danakonungi."

 

 

 

 

 

 

 

 

 

 

 

 

 

 

 

 

Kristján 10.

 

 

 

 

 

 

 

 

 

Hrafnhóll

Athugasemdir

[Sigurður I B Guðmundsson, 16.9.2020 kl. 10:30]

Pabbi var hagmæltur eins og margir aðrir í ættinni og hann talaði mikið um að það hlyti að koma "gegnum skot" ef ekki frá börnum sínum þá barnabörnum. Sem ekki hefur gerst ennþá. En því spyr ég: Ert þú kannski "gegnum skot" afa þíns??

[Halldór Jónsson, 16.9.2020 kl. 14:08]

áttu ekki mynda af Stefáni. Hvernig er hann skyldur GG?

[Jens Guð, 16.9.2020 kl. 14:19]

Sigurður I B,  eflaust að einhverju leyti.

[Jens Guð, 16.9.2020 kl. 14:24]

Halldór,  æskuheimili mitt brann til kaldra kola á áttunda áratugnum.  Ljósmyndir urðu eldinum að bráð.  Þar á meðal allar myndir af afa.  Hver er GG?

[Þórður Bogason (IP-tala skráð) 17.9.2020 kl. 16:06]

Hann afi ykkar var mikill snillingur

[Jens Guð, 17.9.2020 kl. 16:51]

Þórður,  ég kvitta undir það.

[Tobbi (IP-tala skráð) 8.10.2020 kl. 08:45]

https://timarit.is/page/6516219?iabr=on#page/n48/mode/1up/search/hrafnh%C3%B3li

[Jens Guð, 8.10.2020 kl. 10:12]

Tobbi,  bestu þakkir fyrir þetta.