Staldraðu við

  Á dögunum kom út verkið Staldraðu við eftir Ólaf Friðrik Magnússon.  Um er að ræða pakka með ljóðabók og hljómdiski.  Hvorutveggja bókin og diskurinn eru gleðigjafar. Svo skemmtilega vill til að framarlega í bókinni rakst ég á flott kvæði sem heitir Jens Guð.  Það er þannig:

  Guðinn velur lögin vel

öðlingsmaður víst ég tel

að hann sé frá toppi í tá

tóna fagra greina má.

  Höfðingi er hann í lund,

hýr og glaður hverja stund.

Vel af gæsku veitir hann

veit ég ei margan betri mann.

  Gaman að þessu.  Þegar ég hef oftar hlustað á diskinn og lesið ljóðabókina mun ég gera betri grein fyrir pakkanum.   

 

Athugasemdir

[sigurður bjarklind (IP-tala skráð) 31.12.2020 kl. 06:20]

Yndislegt að vakna snemma og hlusta á Gunna, Óla og Villa. Einlægt lag og texti og þétt undirspil. Takk fyrir mig.

[Sigurður I B Guðmundsson, 31.12.2020 kl. 11:49]

Gleðilegt ár og þakka þér fyrir öll blogginn á árinu og textinn á ljóðinu hér á vel við þig. P.S. (bið að heilsa kallinum sem reddar öllu) og hlakka til að sjá hvað hann tekur sér fyrir hendur á nýja árinu. 

[Jens Guð, 31.12.2020 kl. 13:54]

Sigurður Bjarklind,  þetta magnaða tríó klikkar aldrei!

[Jens Guð, 31.12.2020 kl. 13:56]

Sigurður I B,  bestu þakkir fyrir öll samskipti í áranna rás og gleðilegt nýtt ár!

[Stefan (IP-tala skráð) 1.1.2021 kl. 01:22]

Það er vandfundin betri gitaratvenna en Gunni gullmoli og Villi galdrskarl.

[Jens Guð, 1.1.2021 kl. 06:05]

Stefán, svo sannarlega rétt hjá þér.  Báðir eiga það sameiginlegt að vera hógværir í sinni snilld.  Trana sér ekki fram heldur styðja sem best undir lögin svo lítið beri á.  En ef á þyrfti að halda gætu þeir jarðað hvaða gítarleikarara sem er. 

[Stefan (IP-tala skráð) 1.1.2021 kl. 19:22]

Olafur F og Jon Gnarr eru tvimælalaust bestu og heiðarlegustu borgarstjorar Reykjavikur siðustu aratugi.

[Jens Guð, 1.1.2021 kl. 20:53]

Stefán,  ég kvitta undir það.  Ólafur stóð kröftuglega gegn öllu bruðli.  Sjálfur fór hann aðeins í eina utanlandsferð.  Það var boðsferð til Færeyja.  Færeyingum þótti sér mikill sómi sýndur.