Unga fólkið gerir mig hissa

  Eftir því sem ég eldist hærra upp ellilífeyrisaldurinn gengur mér verr að skilja hugsunarhátt ungs fólks.  Það er skrítið fólk.  Áðan verslaði ég smávegis í matvöruverslun.  Ung stelpa á kassanum stóð sig vel í að stimpla inn verðið á vörunum.  Að því búnu gaf hún mér fúslega upp heildarverð innkaupanna.  Ég greiddi með seðli sem nánast passaði við það.  Aðeins 2 krónur umfram.  Þá spurði stúlkan:  "Viltu afganginn?"  Ég varð eitt spurningarmerki:  "Af hverju ætti ég ekki að vilja afganginn?"  Hún svaraði:  "Þetta eru bara 2 krónur." 

 

 

   

Athugasemdir

[Sigurður I B Guðmundsson, 31.8.2021 kl. 15:10]

Sælir eru þeir sem eiga túkall því þeirra er auðríkið!!!

[Jens Guð, 31.8.2021 kl. 16:55]

Sigurður I B,  það er alltaf gott að eiga túkall.  Ekki síst ef maður rekst á saltkjöt og baunir.

[Sigurður I B Guðmundsson, 31.8.2021 kl. 17:05]

Saltkjöt og baunir frítt í IKEA á Sprengjudag ef þú átt túkall. Ég hef sannprófað það. 

[Jens Guð, 31.8.2021 kl. 17:08]

Ég hef einmitt líka sannprófað það.

[Stefán (IP-tala skráð) 31.8.2021 kl. 18:27]

Minnir mig svolítið á afturhaldsflokk sem kallar sig Vinstri Græn og skammtaði ellilífeyrisþegum lægri Desemberuppbót en öðrum.

,, Þetta eru bara nokkrir tugir þúsunda ,, en öfugt við stúlkuna spurðu þau ekki ,, Villtu afganginn ? ,, 

[Jens Guð, 31.8.2021 kl. 19:15]

Stefán,  góður punktur.  

[Stefan (IP-tala skráð) 31.8.2021 kl. 20:45]

Katrin og Bjarni tala einum munni og hugsa einum heila. Ofugt við þau eru tvær hliðar a tukalli.

[Guðmundur Ásgeirsson, 31.8.2021 kl. 22:17]

Ef þú hefðir afþakkað túkallinn, ætlaði afgreiðslumanneskjan þá að hirða hann sjálf, eða láta verslunina hagnast um upphæðina fyrir nákvæmlega ekkert?

[Jens Guð, 1.9.2021 kl. 07:25]

Guðmundur,  ég hef velt þessari spurningu fyrir mér - án þess að geta svarað henni.  Ennfremur hef ég velt fyrir mér hvort að króna sé verðlaus í huga stúlkunnar.

[Jens Guð, 1.9.2021 kl. 07:27]

Stefán (# 7),  ég á eftir að horfa á umræðuþáttinn.  Ef ég nenni því.  

[Stefan (IP-tala skráð) 1.9.2021 kl. 08:58]

Taktu eftir þvi Jens ef þu horfir hvernig Katrin skautar framhjs þvi að svara spurningum og fer i hringi. Malflutningur hennar er hringavitleysa.

[Jens Guð, 1.9.2021 kl. 17:22]

Stefán (# 11),  þú kannt að koma orðum að hlutunum!

[Halldór Jónsson, 2.9.2021 kl. 17:58]

Eg hef ekki notað annað en greiðslukort í mörg ár. Miklu þægilegra finnst mér. 

[Jens Guð, 7.9.2021 kl. 15:21]

Halldór,  gott að hafa möguleika á að velja á milli.