Spaugilegar sjálfur

  Fyrir daga myndsímanna voru ljósmyndir dýrt sport.  Kaupa þurfti filmur og spandera í framköllun.  Þess vegna vönduðu menn sig við verkefnið.

  Í dag kostar ekkert að smella mynd af hverju sem er.  Ungt fólk er duglegt að taka myndir af sjálfum sér og birta á samfélagsmiðlum.  Í hamaganginum er ekki alltaf aðgætt hvað er í bakgrunni.  Enda skjárinn lítill. Þegar ljósmyndarinn uppgötvar slysið er vinahópurinn búinn að gera myndirnar ódauðlegar á netinu.  Hér eru nokkur sýnishorn:

 - Strákur kvartar undan því að kærastan sé alltaf að laumast til að mynda hann.  Í bílrúðunni fyrir aftan sést að stráksi tók myndina sjálfur.

 - Einn montar sig af kúluvöðva.  Í spegli fyrir aftan sést að hann er að "feika".

 - Kauði smellir á mynd af ömmu og og glæsilegu hátíðarveisluborði hennar.  Hann áttar sig ekki á að í spegli sést hvar hann stendur á brókinni einni fata.

 - Stúlka heimsækir aldraðan afa.  Það er fallegt af henni.  Hún notar tækifærið og tekur sjálfu á meðan kallinn dottar.  

 - Önnur dama telur sig vera óhulta í mynd á bak við sturtuhengi.  Ef vel er að gáð sést efst á myndinni í gægjudóna.  Þetta sést betur ef smellt er á myndina. 

 - Enn ein er upptekin af sjálfu á meðan barn hennar berst fyrir lífi sínu í baðkari.  

 - Pabbi tekur mynd af feðgunum.  Snati sleppur inn á sem staðgengill hárbrúsks.

 - Myndarlegur gutti tekur sjálfu.  Ekkert athugavert við það.  Nema ef vel er rýnt í bakgrunninn.  Þar speglast í rúðu að töffarinn er buxnalaus.     

 

 

Athugasemdir

[Sigurður I B Guðmundsson, 5.1.2022 kl. 13:27]

Þetta er ástæðan fyrir því að ég tek ekki "sjálfu".

[Jens Guð, 5.1.2022 kl. 13:50]

Sigurður I B,  af sömu ástæðu tek ég ekki sjálfu. 

[Sigurður Kristján Hjaltested, 5.1.2022 kl. 18:02]

Eg sleppi líka  sjálfunni

og er bara með sjálfum mér..

[Stefán (IP-tala skráð) 5.1.2022 kl. 20:48]

Svo eru það þessir íslensku ,, áhrifavaldar ,,  sem ég fæ stundum aulahroll yfir, ,, þessi fékk sér nýtt veski ,, eða ,, þessi fékk sér rauðvínsglas ,, eða ,, þessi fékk sér nýja skó ,,. Vá, en klárlega bara þröngsýni hjá mér og eflaust allt yndælis persónur. 

[Jens Guð, 6.1.2022 kl. 05:32]

Sigurður Kristján,  það er öruggast!

[Jens Guð, 6.1.2022 kl. 05:35]

Stefán,  ég tek undir það að eflaust er þetta prýðisgott fólk sem gerir ekki flugu mein.