Hvað ef?

  Oft er fullyrt að Bítlarnir hafi verið réttir menn á réttum stað á réttum tíma.  Það skýri ofurvinsældir þeirra.  Velgengni sem á sér ekki hliðstæðu í tónlistarsögunni.  Enn í dag eru þeir ráðandi stórveldi og fyrirmynd 60 árum eftir að þeir slógu í gegn og 52 árum eftir að hljómsveitin snéri upp tánum. 

  Bítlarnir voru EKKI á réttum stað þegar þeir hösluðu sér völl.  Þeir voru staðsettir í Liverpool sem á þeim tíma þótti hallærislegasta krummaskuð.  Þetta var hafnar- og iðnaðarborg;  karlar sóttu pöbbinn á kvöldin, rifust, slógust og konur voru lamdar heimafyrir.  Enskuframburður þeirra var hlægilegur.  Það voru ekki forsendur fyrir því að Liverpool guttar ættu möguleika á frægð og frama.  John Lennon sagði að það hafi verið risapólitík þegar Bítlarnir ákváðu í árdaga að halda Liverpool-framburðinum. 

  Spurning um tímasetninguna.  Hún var Bítlunum í hag.  Það var ládeyða í rokkinu 1963.  Hinsvegar hefðu Bítlarnir sómt sér vel á hátindi rokksins 1955-1958,  innan um Presley, Chuck Berry,  Little Richard,  Jerry Lee Lewis,  Fats Domino og Buddy Holly.  

  Bítlarnir hefðu líka spjarað sig vel 1965 eða síðar með Beach Boys og The Byrds.  

  Það sem skipti ÖLLU máli var að Bítlarnir voru réttir menn.  Og rúmlega það.  Þeir hefðu komið, séð og sigrað hvar og hvenær sem er.

Athugasemdir

[Stefán (IP-tala skráð) 31.12.2022 kl. 20:36]

Hvað ef ..... John og Paul hefðu ekki hist ??????

[Jóhann Elíasson, 31.12.2022 kl. 20:41]

Ég tek sko heilshugar undir hvert einasta orð i þessum pistli þínum og hver einustu skrif þ´n um tónlist bera þess merki að þú hefur afburða þekkingu á málefninu og það sem er meira um vert; þú kemur málum vel frá þér þannig að mjög einfalt er að meðtaka þá þekkingu.  ÉG vil þakka þér góð samskipti hér á blogginu á árinu og óska þér og fjölskyldu þinni alls góðs í framtíðinni og megi nýtt á verða þér farsælt.....

[Jens Guð, 31.12.2022 kl. 23:58]

Stefán,  ég skoðaði það eitt sinn eftir miklar vangaveltur:  https://jensgud.blog.is/blog/jensgud/entry/2265060/

[Jens Guð, 1.1.2023 kl. 00:10]

Jóhann,  takk fyrir hlý orð og góðar kveðjur.  Ég var svo heppinn að að fylgjast með Bítlunum í rauntíma.  Það var nánast háskólanám að stúdera uppgang þeirra og ofurvinsældir.  Hvernig þeir fyrirhafnarlítið lögðu heiminn að fótum sér og létu aldrei staðar numið við að framþróa tónlist sína.  Og það í stórum skrefum.  

[Sigurður I B Guðmundsson, 1.1.2023 kl. 00:12]

Jóhann er með þetta. Tek heilshugar undir allt sem hann segir. Gleðileg ár og þakka þér fyrir öll þín blogg. 

[Guðjón E. Hreinberg, 1.1.2023 kl. 00:16]

Ekki gleyma Tavistock stofnuninni.

[Jens Guð, 1.1.2023 kl. 00:29]

Sigurður I B,  gleðilegt ár og allra bestu þakkir fyrir samskiptin á liðnum árum!

[Jens Guð, 1.1.2023 kl. 00:32]

Guðjón E,  ég veit ekki hvað Tavistock er. 

[Stefán (IP-tala skráð) 1.1.2023 kl. 11:03]

Talið er að líf hafi borist á jörðina með loftsteinum úr okkar sólkerfi. Í mínum huga kviknaði nýtt og stórmerkilegt líf á jörðinni við sameiningu John og Paul og heimurinn varð aldrei samur. 

[Jens Guð, 1.1.2023 kl. 11:29]

Stefán (# 9),  svo sannarlega!

[Theódór Norðkvist, 1.1.2023 kl. 13:17]

Las það einhvern tímann að einmitt vegna þess að Liverpool er hafnarborg, hafi nýjar plötur komið fyrst þangað og borgin þannig orðið vettvangur fyrir nýja strauma og stefnur í tónlistinni. Við vitum að Chuck Berry, Elvis o.fl. voru miklir áhrifavaldar í tónlist Bítlanna. Annars gleðilegt ár.

[Jens Guð, 1.1.2023 kl. 14:50]

Theódór,  það er rétt hjá þér.  Bítlarnir hljóðrituðu á upphafsárum lög eftir Chuck Berry,  Little Richard og Carl Perkins.  Á hljómleikum fluttu þeir fleiri lög eftir þá.  Gleðilegt ár og takk fyrir samskiptin á liðnum árum.