Skipti um andlit og fann ástina

  2018 sat Joe DiMeo í bíl í New Jersey í Bandaríkjum Norður-Ameríku.  Þetta var ungur og hraustur drengur,  24 ára.  Þá lenti hann í hroðalegu bílslysi.  Á augabragði breyttist bíllinn í skíðlogandi eldhaf.  Joe brenndist illa.  80% líkamans hlaut 3ja stigs bruna.  Andlitið varð ein klessa og læknar þurftu að fjarlægja nokkra fingur.

  Læknar reyndu hvað þeir gátu að lagfæra andlitið.  Þeir sóttu húð, bandvefi og fleira en varð lítið ágengt í 20 tíma aðgerð.  Nokkrum árum síðar var afráðið að taka andlit af nýdánum manni og græða á Joe.  140 manns tóku þátt í 23ja tíma aðgerð.  Þetta voru skurðlæknar,  hjúkrunarfræðingar og allskonar. 

  Aðgerðin tókst eins og bjartsýnustu menn þorðu að vona.  Að vísu er nýja andlitið of stórt og af 48 ára manni.  Joe þykir þetta skrýtið.  En það venst.  Mestu skiptir að vera kominn með andlit.  

  32 ára hjúkrunarfræðingur í Kaliforniu,  Jessy Koby, frétti af aðgerðinni.  Starfandi á sjúkrahúsi heillaðist hún af uppátækinu.  Til að fá nánari vitneskju af þessu setti hún sig í samband við Joe.  Eftir því sem þau kynntust betur kviknuð tilfinningar í garð hvors annars.   

  Nú er hún flutt inn til hans og ástin blómstrar.         

Athugasemdir

[Stefán (IP-tala skráð) 16.7.2023 kl. 14:18]

Fyrir einum sex árum tóku þingmenn Vinstri Grænna sig til og skiptu um andlit. Flestum finnst þær aðgerðir hafa tekist svo illa að lítaaðgerðir munu ekki geta bjargað þeim úr þessu. 

[Sigurður I B Guðmundsson, 16.7.2023 kl. 16:30]

Ætli ég geti fengið yngra andlit og skrokk??

[Jens Guð, 16.7.2023 kl. 17:05]

Stefán,  góður!

[Jens Guð, 16.7.2023 kl. 17:07]

Sigurður I B,  áreiðanlega er stutt í að það verði hægt!

[Jóhann Elíasson, 18.7.2023 kl. 11:13]

Mönnum fannst nú kvikmyndin "FACE OFF" mikill vísindaskáldskapur og mjög óraunveruleg á sínum tíma en ég get ekki betur séð að þetta sé allt að því raunveruleiki í dag......

[Jens Guð, 18.7.2023 kl. 14:38]

Jóhann,  ég man eftir myndinni þar sem John Travolta og Nicolas Cage skiptu um andlit.  Manni þótti glannalegt að láta sér detta svoleiðis fjarstæða í hug.