Furðuvísa

  Í kjölfar Hamraborgarhátíðar,  Menningarnætur Reykjavíkur og Danskra daga í Stykkishólmi rann á mig ósjálfráð skáldagyðja.  Áður en ég vissi af hrökk upp úr mér furðuleg vísa.  Ég botna hvorki upp né niður í henni.  Inn í bullið blandaðist óvænt nafn á 56 ára Bítlalagi af plötunni "Sgt. Peppers...".  Ég kannast ekki við bragfræðina.  Kannski er hún útlend.  Fyrsta orð í annarri línu í báðum hendingum er það sama.  Líka fyrsta orð í þriðju línu.   

  Málhaltir hundar sátu á grindverki.

Þeir sleiktu í sig sólskinið af frímerki.

  Forstjórinn stóð þar hjá og glotti við fót.

Hann heimtaði að fá að fara á þorrablót

í maí

eins og Lucy in the Sky.

 

  Hundarnir þorðu ekki að segja neitt.  

Þeir fóru út í hött eins og yfirleitt.

  Forstjórinn vissi vel að hann fengi sitt.

Jafnvel þó hann þyrfti að gera hitt

í maí

eins og Lucy in the Sky.  

 

Athugasemdir

[Stefán (IP-tala skráð) 27.8.2023 kl. 15:10]

Góð upphitun fyrir froðusnakk ríkisstjórnarinnar á komandi þingi.

[Jónas Ómar Snorrason, 27.8.2023 kl. 20:48]

Skemmtilegur atómsstuðull

[Sigurður I B Guðmundsson, 27.8.2023 kl. 22:55]

Þetta kallar á listamannalaun. 

[Jens Guð, 28.8.2023 kl. 08:04]

Stefán,  nákvæmlega!

[Jens Guð, 28.8.2023 kl. 08:05]

Jónas Ómar,  takk fyrir það!

[Jens Guð, 28.8.2023 kl. 08:05]

Sigurður I B,  ekki spurning!