Páskagaman

  Páskarnir eru allskonar.  Í huga margra eru þeir forn frjósemishátíð með einkennandi frjósemistáknum á borð við kanínur, egg, unga og páskalamb.  Síðar blandaði kristna kirkjan sögunni af krossfestingu Jesú inn í páskana.  Dagsetningin sveiflast til og frá eftir tunglstöðu.

  Fyrir nokkrum árum var Hermann heitinn Gunnarsson með páskaþátt í sjónvarpsseríunni "Á tali hjá Hemma Gunn".  Hann ræddi við börn á leikskólaaldri.  Meðal annars spurði hann dreng hvers vegna væru páskar.  Hann sagði það vera vegna þess að Jesú hafi verið krossfestur. 

  "Hvers vegna var hann krossfestur?"  spurði Hemmi.

  Stráksi svaraði að bragði:  "Menn voru orðnir leiðir á honum!" 

 

 

 

Athugasemdir

[Sigurður I B Guðmundsson, 20.3.2024 kl. 10:37]

Þá sleppur þú við krossfestingu því það er ekki hægt að fá leið á þér! 

[Stefán (IP-tala skráð) 20.3.2024 kl. 12:37]

Góður að vanda Sigurður. Ég bæti því við í framhaldi af orðum þínum að nú forsetaframbjóðandinn Baldur Þórhallsson sleppur líka. Ég hef þegar valið að kjósa hann í vor eftir að hafa fylgst með flottustu og kraftmestu framboðsræðu allra tíma. Ef Katrín vogar sér í forsetaframboð eftir þetta framboð vil ég bara segja við hana, gleymdu því. Nú kaupi ég sko tvö stór Nóa páskaegg til heiðurs Baldri og Felix. 

[Jens Guð, 20.3.2024 kl. 14:23]

Sigurður I B,  takk fyrir það og sömuleiðis!

[Jens Guð, 20.3.2024 kl. 14:24]

Stefán,  páskaegg eru góð!

[Jóhann Elíasson, 20.3.2024 kl. 16:47]

Þau eru mörg gullkornin sem koma frá börnunum... 

[Jens Guð, 20.3.2024 kl. 16:49]

Jóhann,  svo sannarlega!